Arn­þrúður Karls­dótt­ir, útvarps­stjóri Útvarps Sögu, var ein þeirra sem sótti um starf útvarps­stjóra. Hún greindi frá ráðn­ing­ar­ferl­inu í síma­tíma Útvarps Sögu í morg­un.

Þar sagði Arn­þrúður að hún hafi verið í fimm manna loka­hópi sem stjórn RÚV hefði valið end­an­lega úr í stöpu útvarps­stjóra. Aðrir í hópnum hefðu verið tvær kon­ur, þar á meðal önnur sem hefði mikla reynslu úr útvarpi og því að stýra dag­blaði. Þar verður að telj­ast öruggt að Arn­þrúður eigi við Krist­ínu Þor­steins­dótt­ur, fyrr­ver­andi rit­stjóra Frétta­blaðs­ins, sem stað­fest er að sótti um stöð­una. Hin konan sem var í loka­hópnum er Kol­brún Hall­dórs­dótt­ir, fyrr­ver­andi þing­maður Vinstri grænna og umhverf­is­ráð­herra. Auk þeirra þriggja segir Arn­þrúður að tveir karl­ar, Stefán Eiríks­son, sem var ráð­inn nýr útvarps­stjóri, og Karl Garð­ars­son, fyrr­ver­andi þing­maður Fram­sókn­ar­flokks­ins og fram­kvæmda­stjóri útgáfu­fé­lags DV, hafi verið í loka­hópn­um. 

Þetta skar­ast á við heim­ildir Kjarn­ans sem herma að fjórir hafi verið í loka­hópn­um. Þau Stef­án, Karl, Kol­brún og Þor­steinn Gunn­ars­son, sveit­ar­stjóri í Skútu­stað­ar­hreppi og fyrr­ver­andi íþrótta­f­rétta­mað­ur. 

Arnþrúður hrós­aði Capacent, sem var til ráð­gjafar í ráðn­ing­ar­ferl­inu, mjög í síma­tímunum í morgun og sagði fyr­ir­tækið hefði unnið fag­lega. Hún hefði hins vegar áttað sig á því að staðan væri bit­língur sem ætti að úthluta þegar Kjarn­inn greindi frá því síð­ast­lið­inn föstu­dag að Stefán hefði verið á meðal umsækj­enda. Stjórn RÚV hafi ekki viljað „fag­þekk­ing­una þarna inn, heldur emb­ætt­is­mann­inn.“

Arn­þrúður sagði enn fremur að henni hefði verið sagt að það væri ekki gott fyrir hana að eiga enga vini í stjórn RÚV.

Stefán valin úr hópi 41 umsækj­enda

Greint var frá því í gær að borg­­­ar­­­rit­­­ari Reykja­víkur og fyrr­ver­andi lög­­­­­reglu­­­stjóri á höf­uð­­­borg­­­ar­­­svæð­inu, yrði nýr útvarps­­­stjóri RÚV. Hann tekur við starf­inu 1. mars næst­kom­and­i. 

Stefán var á meðal 41 umsækj­enda um starfið en það var aug­lýst ­­laust til umsóknar seint á síð­­asta ári. Á meðal ann­­­arra en ofan­­­greindra sem stað­­­­fest er að sóttu um starfið eru Svan­hildur Hólm Vals­dótt­ir, aðstoð­­­­ar­­­­maður Bjarna Bene­dikts­­­­sonar fjár­­­­­­­mála- og efna­hags­ráð­herra, Elín Hir­st, fyrr­ver­andi þing­­­­maður Sjálf­­­­stæð­is­­­­flokks og áður frétta­­­­stjóri hjá RÚV, Kol­brún Hall­­­­dór­s­dótt­ir, fyrr­ver­andi þing­­­­maður Vinstri grænna og umhverf­is­ráð­herra, Her­­­­­dís Kjerulf Þor­geirs­dóta­tir, doktor í lögum með tján­ing­­­­­­ar­frelsi fjöl­miðla sem sér­­­­­­­­­­­svið og er einnig mennt­aður stjórn­­­­­­­­­mála­fræð­ing­­­­­ur, Bald­vin Þór Bergs­­­­­son, dag­­­­­skrár­­­­­stjóri núm­iðla RÚV, og Stein­unn Ólína Þor­­­­­­steins­dótt­ir, leik­­­­­­kona og fyrr­ver­andi rit­­­­­­stjóri Kvenna­­­blaðs­ins.