Berg­steinn Jóns­son hefur ákveðið að hætta sem fram­kvæmda­stjóri UNICEF en hann hefur gegnt starf­inu síðan árið 2014. Þetta kemur fram í stöðu­upp­færslu hjá UNICEF í dag.

Þá kemur fram hjá UNICEF að hann hafi starfað hjá sam­tök­unum frá árinu 2006 en að nú ætli hann að breyta til. UNICEF mun aug­lýsa eftir nýjum fram­kvæmda­stjóra um helg­ina.

„Við erum skilj­an­lega með böggum hildar á þessum tíma­mótum en nú er sú staða komin upp að við leitum að nýjum leið­toga. Ein­stak­lingi sem brennur af sama hug­sjóna­eldi fyrir rétt­indum og vel­ferð barna um allan heim og Beggi hefur gert síð­ustu fjórtán árin,“ segir í færsl­unni.

Sam­kvæmt UNICEF hefur Berg­steinn „fylgt þessu litla krafta­verki sem er lands­nefnd UNICEF á Íslandi frá því að hún var á barns­skón­um.“ Hann hafi verið þar þegar hún sleit þeim og leitt hana svo gegnum ung­lings­ár­in, vöxt og vaxt­ar­verki að næsta kafla í glæstri sögu. Nú sé kom­inn tími á að „næsti snill­ingur taki við kefl­inu, góðu búi og þeim ótal krefj­andi og ótrú­lega spenn­andi verk­efnum sem fyrir liggja á næst­unni. Með hóp af frá­bæru sam­starfs­fólki á ynd­is­legum vinnu­stað, auð­vit­að.“

„Við vorum heppin að fá að starfa með Begga, UNICEF var heppið að fá að njóta starfs­krafta hans og þá ekki síst börnin um allan heim sem hann hefur hjálpað og barist fyrir í gegnum starf­sem­ina hér á Íslandi. Við munum sakna hans,“ segir í færsl­unni.