Skipta­stjórar þrota­búss WOW Air hafa kynnt kröfu­höfum ákvörðun um að höfða á annan tug rift­un­ar­mála fyrir dóm­stól­um, þar sem krafa er gerð um að greiðslum verði rift sem nema um tveimur millj­örðum króna. 

Frá þessu var greint á vef RÚV í dag. 

Málin bein­ast öll að Skúla Mog­en­sen, fyrr­ver­andi eig­anda og for­stjóra WOW Air, þar sem hann sam­þykkti greiðsl­urn­ar. Þær eru meðal ann­ars vegna flug­véla­greiðslna, greiðslna til rík­is­sjóðs og fleiri greiðslna.

Stærstu málin snúa að reiðslu vegna kaup­rétt­ar­greiðslna til Tít­ans, félags í eigu Skúla sem var móð­ur­fé­lag WOW Air, að því er segir í umfjöllun RÚV.

Skipta­stjórar WOW Air eru Sveinn Andri Sveins­son hrl. og Þor­steinn Ein­ars­son hrl. en WOW Air féll í lok mars í fyrra, eftir margra mán­aða dauða­stríð.

Morg­un­blaðið greindi frá því um liðna helgi að fjár­festar sem tóku þátt í skulda­bréfa­út­boði félags­ins, skömmu áður en það fór í þrot, haustið 2018, hafi sent fyrr­ver­andi stjórn­endum WOW kröfu­bréf upp á nokkra millj­arða. Þess var kraf­ist að stjórn­endur félags­ins gengju til samn­inga en ann­ars myndi málið fara fyrir dóm­stóla. Málið beind­ist að Skúla og stjórn­ar­mönn­unum Helgu Hlín Hákon­ar­dótt­ur, Liv Berg­þórs­dóttur og Davíð Más­syn­i. 

Skúli hefur sjálfur alfarið neitað því, að nokkuð óeðli­legt hafi átt sér stað hjá WOW Air. Hann, og allir sem að félag­inu komu, hafi reynt að bjarga félag­inu, alveg fram á síð­ustu stundu, þegar ljóst var að það myndi ekki takast. „Það er hins vegar mjög auð­velt að vera vitur eftir á og sorg­legt að sjá hvernig sumir kepp­ast við gera við­skipti WOW air tor­tryggi­leg. Það er frá­leitt að halda því fram að ég og mitt fólk höfum ekki unnið að heil­indum í einu og öllu við upp­bygg­ingu og síðan við það að reyna að bjarga félag­inu frá fall­i,“ sagði Skúli meðal ann­ars í yfir­lýs­ingu.

Ítar­lega hefur verið fjallað um fall WOW Air á vef Kjarn­ans, og þau mál sem skipta­stjórar félags­ins hafi verið með til skoð­un­ar, eftir að þeir hófu störf. 

Á fundi í ágúst í fyrra, sem skipta­stjórar héldu með kröfu­höf­um, kom fram að lýstar kröfur í búið hafi verið upp á 151 millj­arð króna hafði verið lýst í búið, þar af 138 millj­arða króna kröfum sem telj­ast almenn­ar. Eins og staðan var þá,  var 1,1 millj­arður króna á banka­reikn­ingum WOW air upp í þær kröf­ur. Það þýðir að 0,7 pró­sent var á þeim tíma til upp í lýstar kröf­ur.