Viðskiptavild Sýnar hefur lækkað um 2,5 milljarða vegna fjölmiðlanna sem voru keyptir

Sýn hefur fært niður viðskiptavild sína um 2,5 milljarða króna. Um er að ræða viðskiptavild sem skapaðist við kaup á fjölmiðlum frá 365 miðlum árið 2017.

Sýn er eitt stærsta fjarskipta- og fjölmiðlafyrirtæki landsins.
Sýn er eitt stærsta fjarskipta- og fjölmiðlafyrirtæki landsins.
Auglýsing

„Þeir sem greina fyr­ir­tækið eru löngu búnir að átta sig á þessu,“ segir Heiðar Guð­jóns­son, for­stjóri Sýn­ar, í til­kynn­ingu til Kaup­hallar Íslands þar sem greint er frá því að fjar­skipta­fyr­ir­tækið hafi fært niður við­skipta­vild sína um 2,5 millj­arða króna. Afkoma Sýnar og eigið fé mun lækka sem nemur afskrift­inn­i. 

Heiðar segir að verið sé að upp­færa efna­hags­reikn­ing Sýnar í takt við raun­hæf rekstr­arplön. „Við erum að hreinsa úr efna­hags­reikn­ingi áhrif sem byggðu ekki á raun­hæfum áætl­un­um.  Þetta hefur engin áhrif á rekst­ur­inn, hvorki í dag né í fram­tíð­inni, heldur er ein­ungis til merkis um að við viljum gera efna­hags­reikn­ing­inn heil­brigð­ar­i.“

Við­skipta­vild er mat á virði hug­lægra eigna fyr­ir­tæk­is. Með því er til að mynda sett mat á fjár­hags­legu verð­mæti þess að eiga hóp fastra við­skipta­vina, eins og til dæmis áskrif­enda að sjón­varps­þjón­ustu Stöðvar 2. 

Ástæða þess að verið er að færa niður við­skipta­vild­ina er sú að virð­is­rýrn­un­ar­próf komst að þeirri nið­ur­stöðu að færa þyrfti þá vild sem skap­að­ist við kaup Sýnar á ákveðnum eignum og rekstri 365 miðla í lok árs 2017 um áður­nefnda upp­hæð, 2,5 millj­arða króna. 

Eftir nið­ur­færsl­una er við­skipta­vild Sýnar 8,1 millj­arður króna. Í árs­lok 2017, þegar búið var að sam­eina keyptar ein­ingar úr 365 miðlum við rekstur Sýn­ar, var 12,2 millj­arðar króna. Þar af nam keypt við­skipta­vild, sem fylgdi eign­unum úr 365, 6,4 millj­örðum króna. 

Vert er þó að taka fram að 12,2 millj­arða króna við­skipta­vildin byggði á bráða­birgða­töl­um. Þær voru upp­færðar ári síðar og end­an­leg tala var 10,6 millj­arðar króna. Sú virð­is­rýrnun sem til­kynnt var um í dag er því eina rýrnin á við­skipta­vild sem ráð­ist hefur verið í vegna fjöl­miðla­kaupa Sýn­ar.

Keyptu fjöl­miðla á millj­arða

Sýn varð til þegar Fjar­­­­skipti, móð­­­­ur­­­­fé­lag Voda­fone á Íslandi, breytti nafni sínu á aðal­­­­fundi sínum í mars 2018. Nokkrum mán­uðum áður, nánar til­­­­­­­tekið í des­em­ber 2017, höfðu Fjar­­­­skipti sam­einað fjöl­miðla­­­­starf­­­­semi inn í rekstur félags­­­­ins sem fól í sér meðal ann­­­­ars Stöð 2, Stöð2 Sport, Vísi, Bylgj­una, FM957 og Xið 977. Mið­l­ana höfðu Fjar­­­­skipti keypt af 365 mið­l­­­­um. Nafna­breyt­ingin var fram­­­­kvæmd svo að heitið væri meira lýsandi fyrir starf­­­­semi hins sam­ein­aða félags.

365 miðlar fengu greitt fyrir með 10,92 pró­sent hlut í Sýn, tæp­lega 1,6 millj­arði króna í reiðufé auk þess sem Sýn tók yfir 4,6 millj­arða króna af vaxta­ber­andi skuld­um. Eig­endur 365 miðla, sem eru félög tengd Ingi­björgu Pálma­dótt­ur, seldu eign­ar­hlut­inn sinn í Sýn í októ­ber í 2018 á tvo millj­arða króna. Því má segja að þeir hafi fengið um 3,6 millj­arða króna í reiðufé út úr söl­unni auk þess sem Sýn tók yfir 4,6 millj­arða króna af skuldum 365 miðla. Sam­an­lagt er kaup­verðið sam­kvæmt því um 8,2 millj­arðar króna.

Tekjur af fjöl­miðlum minnka

Síðan þá hefur rekstur Sýnar ekki gengið sem skyldi, og þau áhrif sem kaupin á fjöl­miðl­unum áttu að hafa á rekstur félags­ins ekki orð­ið. Fjöl­miðla­rekst­ur­inn hefur reynst erf­ið­ari en lagt var upp með og áætl­anir hvað hann varðar hafa ekki stað­ist. 

Auglýsing
[Af tekju­­straumum Sýnar hafa tekj­­urnar til að mynda minnkað mest í fjöl­miðla­hluta félags­­ins, sem er stærsta tekju­­stoð þess. Alls voru tekjur vegna fjöl­miðla Sýnar 6,3 millj­­arðar króna á fyrstu níu mán­uðum árs­ins 2019 sem er 230 millj­­ónum krónum minna en á sama tíma­bili árið áður. Þar af lækk­­uðu tekj­­urnar á þriðja árs­fjórð­ungi, sem hófst í júlí og lauk í lok sept­­em­ber, um 144 millj­­ónir króna. 

Til að rétta af þessa stöðu hafa átt sér stað tölu­verðar breyt­ingar á fjöl­miðla­hluta Sýnar und­an­farin mis­s­eri og þekktu dag­­skrár­­gerð­­ar­­fólki sagt upp störf­­um. Félagið missti auk þess rétt­inn af sýn­ingu á enska bolt­­anum yfir til sam­keppn­is­að­il­ans Sím­ans fyrir yfir­stand­andi tíma­bil, sem hófst á þriðja árs­fjórð­ungi, sem hafði veru­leg áhrif á tekjur Sýnar af fjöl­miðla­rekstri.

Heild­ar­tekjur drag­ast saman

Tekjur Sýnar á fyrstu níu mán­uðum síð­asta árs voru 14,9 millj­­arðar króna, sem er 454 millj­­ónum krónum lægri tekjur en félagið hafði á sama tíma­bili árið 2018. Hagn­aður Sýnar fyrir fjár­­­magns­­gjöld, afskriftir og skatta var 4,1 millj­­arður króna og lækk­­aði um 153 millj­­ónir króna á milli ára. 

Hagn­aður Sýnar var hins veg­ar 384 millj­­ónir króna á fyrstu níu mán­uðum árs­ins 2019.  Lyk­ilá­­­­­stæða þess að Sýn skil­aði hagn­aði er að á fyrsta árs­fjórð­ungi var bók­­­­­færður sölu­hagn­aður vegna sam­runa P/F Hey, dótt­­­­­ur­­­­­fé­lags Sýnar hf. í Fær­eyjum og Nema, dótt­­­­­ur­­­­­fé­lag Tjald­urs, gekk í gegn á fjórð­ungnum og er 49,9 pró­­­­­sent hlutur Sýnar hf. í nýju sam­ein­uðu félagi færður sam­­­­­kvæmt hlut­­­­­deild­­­­­ar­að­­­­­ferð og því ekki hluti af sam­­­­­stæð­u­­­­­reikn­ings­skilum Sýnar hf. frá byrjun árs 2019. Alls nam bók­­­­­færður sölu­hagn­aður vegna þessa 817 millj­­­­­ónum króna. 

Án þessa bók­­færða sölu­hagnað vegna þeirrar sölu væri tap Sýnar á fyrstu níu mán­uðum árs­ins 2019 433 millj­­ónir króna. Til sam­an­­burðar skil­aði félagið 326 milljón króna hagn­aði á sama tíma­bili 2018. 

Sam­kvæmt bráða­birgða­upp­gjöri Sýnar fyrir árið 2019 í heild mun EBIT­DA-hagn­aður félags­ins (hagn­aður fyrir fjár­magns­gjöld, afskriftir og skatta) vera nálægt 5,5 millj­örðum króna og tekjur Sýnar í heild vera um 19,8 millj­arðar króna. 

Sam­kvæmt því munu tekjur Sýnar á síð­asta ári verða 2,2 millj­örðum krónum lægri en þær voru árið 2018.  

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kostnaður við rekstur þjóðkirkjunnar greiðist úr ríkissjóði þar sem kirkjan og ríki eru ekki aðskilin hérlendis.
Prestar ósáttir við tillögu um að hætta að rukka fyrir hjónavígslur, skírnir og útfarir
Lagt hefur verið til að hætt verði að rukka fyrir aukaverk presta. Það þyki fráhrindandi að prestur sem þjónar fólki á gleði- og sorgarstundum sendi viðkomandi síðan reikning. Einkum sé þetta „slæm birtingarmynd þegar um efnalítið fólk er að ræða.“
Kjarninn 18. október 2021
Á meðal íbúða sem Bjarg leigufélag, sem er óhagnaðardrifið, hefur byggt og leigir nú út eru íbúðir við Hallgerðargötu í Laugarneshverfi.
Þeir sem leigja af óhagnaðardrifnum leigufélögum mun ánægðari en aðrir
Uppbygging almennra íbúða í gegnum óhagnaðardrifin leigufélög hefur aukið verulega framboð á húsnæði fyrir fólk með lágar tekjur. Leigjendur í kerfinu eru mun ánægðari en aðrir leigjendur og telja sig búa við meira húsnæðisöryggi.
Kjarninn 18. október 2021
Húsnæði Seðlabanka Íslands
Gagnrýnir skarpa hækkun sveiflujöfnunaraukans
Dósent í fjármálum við Háskóla Íslands segir mikla hækkun á eiginfjárkröfum fjármálafyrirtækja ekki vera í samræmi við eigið áhættumat Seðlabankans og úr takti við helstu samanburðarlönd.
Kjarninn 17. október 2021
Búinn að eyða 500 til 600 klukkustundum samhliða fullri dagvinnu í eldgosið
Ljósmyndabókin „Í návígi við eldgos“ inniheldur 100 tilkomumestu og skemmtilegustu myndirnar úr ferðum Daníels Páls Jónssonar að eldgosinu í Fagradalsfjalli. Hann safnar nú fyrir útgáfu hennar.
Kjarninn 17. október 2021
Þótt ferðamenn séu farnir að heimsækja Ísland í meira magni en í fyrra, og störfum í geiranum hafi samhliða fjölgað, er langur vegur að því að ferðaþjónustan skapi jafn mörg störf og hún gerði fyrir heimsfaraldur.
Langtímaatvinnuleysi 143 prósent meira en það var fyrir kórónuveirufaraldur
Þótt almennt atvinnuleysi sé komið niður í sömu hlutfallstölu og fyrir faraldur þá er atvinnuleysið annars konar nú. Þúsundir eru á tímabundnum ráðningastyrkjum og 44 prósent atvinnulausra hafa verið án vinnu í ár eða lengur.
Kjarninn 17. október 2021
Eiríkur Ragnarsson
Af hverju er aldrei neitt til í IKEA?
Kjarninn 17. október 2021
Karl Gauti Hjaltason er oddviti Miðflokksins í Suðvesturkjördæmi.
„Það er búið að eyðileggja atkvæðin í þessu kjördæmi“
Atkvæðin í kosningunum í Norðvesturkjördæmi „eru því miður ónýt,“ segir Karl Gauti Hjaltason, fyrrverandi sýslumaður og „vafaþingmaður“ Miðflokksins. „Það getur enginn í raun og veru treyst því að ekki hafi verið átt við þessi atkvæði“.
Kjarninn 17. október 2021
Gabby Petito
Verður morðið á Gabby Petito leyst á TikTok?
Margrét Valdimarsdóttir, doktor í afbrotafræði, segir enga ástæðu til að óttast breyttan veruleika við umfjöllun sakamála en mikilvægt sé að að gera greinarmun á sakamálum sem afþreyingu og lögreglurannsókn.
Kjarninn 17. október 2021
Meira úr sama flokkiInnlent