Áhrifin af enska boltanum sjást greinilega á uppgjöri Símans og Sýnar

Það virðist vera að margborga sig fyrir Símann að hafa tryggt sér sýningarréttinn að enska boltanum fyrir um ári síðan. Tekjur hans vegna sjónvarpsreksturs jukust um 20 prósent á þriðja ársfjórðungi en fjölmiðlatekjur Sýnar drógust saman um sjö prósent.

enski boltinn
Auglýsing

Fyrir rétt um ári síð­an, 2. nóv­em­ber 2018, var greint frá því opin­ber­lega að Sím­inn hefði tryggt sér sýn­ing­ar­rétt­inn að enska bolt­anum frá og með tíma­bil­inu 2019 til 2020, eða því sem nú stendur yfir. Sýn, áður Stöð 2 Sport, hafði þá haldið á sýn­ing­ar­rétt­inum síðan 2007 og efnið hafði verið eitt af krúnu­djásn­unum í íþrótta­dag­skrá félags­ins. 

Þáver­andi fram­kvæmda­stjóri miðla hjá Sýn, Björn Víglunds­son, sagði að það hefði ein­fald­lega komið ofurtil­boð úr annarri átt. Hluta­bréf í Sýn féllu um 7,3 pró­sent þennan sama dag. 

Á því ári sem liðið er frá þessum tíð­indum hefur mark­aðsvirði Sýnar rúm­lega helm­ing­ast og er nú um 8,1 millj­arður króna. Sím­inn hefur ekki gefið það upp opin­ber­lega hvað hann greiddi fyrir rétt­inn að enska bolt­an­um.

Óvíst hvernig myndi fara

Í sam­runa­skrá vegna kaupa á miðlum 365, sem var óvart birt á vef Sam­keppn­is­eft­ir­lits­ins með trún­að­ar­upp­lýs­ingum vorið 2017, kom fram að um þrjú þús­und áskrif­endur væru að Sport­pakka Stöðvar 2 og tæp­lega 1.400 manns með Risa­pakk­ann, sem inni­hélt einnig íþrótta­stöðv­arn­ar. 

Auglýsing
Í grein­ingu sem Arion banki gerði á Sýn snemma árs 2019 var áætlað að um fimm þús­und við­skipta­vinir gætu farið frá félag­inu sam­hliða því að það missti enska bolt­ann. Út frá þeim for­sendum spáði grein­ingin fyrir um tekju­sam­drátt hjá Sýn.

Það lá hins vegar ekki strax fyrir hvernig Sím­inn ætl­aði að nýta sér þessa vöru sem hann hafði tryggt sér rétt­inn á, né hvort félag­inu tæk­ist að gera það með arð­væn­legum hætt­i. 

Sum­arið 2019 var loks sýnt á spil­in. Verð­inu á nýstofn­aðri Sím­inn Sport, sem myndi sýna leiki úr ensku úrvalds­deild­inni, yrði stillt í hóf og stök áskrift seld á 4.500 krón­ur. Á sama tíma var hins vegar greint frá því að allir áskrif­endur að Sjón­varpi Sím­ans Prem­i­um, sem voru þá þegar 35 til 40 þús­und, myndu fá aðgang að enska bolt­an­um. Um leið var mán­að­ar­verðið fyrir þá þjón­ustu hækkað úr fimm þús­und krónum í sex þús­und krón­ur. 

Ef vel til tæk­ist, og eng­inn við­skipta­vinur myndi hætta í Prem­ium áskrift vegna hækk­un­ar­inn­ar, myndi Sím­inn þegar vera búinn að tryggja sér 420 til 480 millj­ónir króna í við­bót­ar­tekjur á ári með henn­i. 

Um tutt­ugu pró­sent aukn­ing hjá Sím­anum

Ljóst var að áhrifin af þess­ari vend­ingu myndu ekki koma fram að fullu fyrr en á þriðja árs­fjórð­ungi 2019, enda byrjar enska úrvals­deildin ekki að rúlla fyrr en í ágúst­mán­uði. Því var beðið með nokk­urri eft­ir­vænt­ingu eftir upp­gjörum Sím­ans og Sýnar fyrir tíma­bilið sem hófst í byrjun júlí og lauk í sept­em­ber­lok. 

Sím­inn birti fyrst, í síð­ustu viku. Þar kom fram að tekjur hans vegna sjón­varps­þjón­ustu hefði auk­ist um 19,6 pró­sent á fjórð­ungnum miðað við sama tíma­bil í fyrra, eða um 233 millj­ónir króna. Þær voru í heild 1.423 millj­ónir króna á árs­fjórð­ungn­um. 

Auglýsing
Í fjár­festa­kynn­ingu kom fram að tekju­á­hrif af enska bolt­anum hefðu verið umfram vænt­ing­ar, að við­skipta­vinum sem keyptu Prem­ium áskrift hefði fjölgað um þrjú þús­und frá því að Sím­inn Sport fór í loftið og að aug­lýs­inga­tekjur hefðu vaxið um 54 pró­sent á þriðja árs­fjórð­ungi og ell­efu pró­sent milli ára. 

Sjö pró­sent sam­dráttur hjá Sýn

Hjá Sýn, sem birti sitt upp­gjör í gær, var sagan önn­ur. Þar lækk­uðu tekjur vegna fjöl­miðla­rekstur um 144 millj­ónir króna miðað við þriðja árs­fjórð­ung í fyrra, eða um sjö pró­sent. Sam­tals námu tekjur Sýnar vegna fjöl­miðla 1.946 millj­ónir króna og engin ein tekju­stoð félags­ins dróst meira saman í krónum talið en fjöl­miðla­rekst­ur­inn. Hann nær til ann­arra fjöl­miðla sam­stæð­unnar en bara sjón­varps­stöðva. Miðlar Sýnar eru ­Stöð 2, Stöð2 Sport, Vísi, Bylgj­una, FM957 og Xið 977. Félagið er því líka með umtals­verðar tekjur af útvarps­rekstri og rekstri frétta­mið­ils­ins Vís­is.

Á þriðja árs­fjórð­ungi 2018 höfðu tekjur Sýnar vegna fjöl­miðla verið 76 pró­sent hærri en tekjur Sím­ans vegna þeirrar tekju­stoð­ar. Í ár voru fjöl­miðla­tekjur Sýnar 37 pró­sent hærri en helsta keppi­naut­ar­ins. Bilið á milli þeirra minnk­aði 377 millj­ónir króna. 

Hagn­aður Sím­ans var 2,3 millj­arðar króna á fyrstu níu mán­uðum þessa árs á meðan að hagn­aður Sýnar var 384 millj­ónir króna á sama tíma, en hann kemur til vegna þess að bók­færður var sölu­hagn­aður upp á 817 millj­ónir króna vegna sam­runa dótt­ur­fé­lags í Fær­eyj­um. Án þessa bók­­færða sölu­hagnað vegna þeirrar sölu væri tap Sýnar á fyrstu níu mán­uðum árs­ins 433 millj­­ónir króna. 



Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Dagur B. Eggertsson borgarstjóri Reykjavíkur.
Eftirlitsaðilar fái heimildir til að skoða leiguhúsnæði
„Það sem maður situr svolítið eftir með í kjölfar brunans á Bræðraborgarstíg er að þar sem um íbúðarhúsnæði var að ræða er ábyrgðin [á eldvörnum] samkvæmt lögum og reglugerðum fyrst og fremst eigandans,“ segir Dagur B. Eggertsson borgarstjóri.
Kjarninn 29. nóvember 2020
Schengen-samstarfið hefur átt undir högg að sækja vegna veirufaraldursins. Víða hefur innri landamærum svæðisins verið lokað. Þessi mynd er frá pólska landamærabænum Cieszyn í sumar, þar sem landamæralokun Tékka var mótmælt.
Sótt að Schengen
Árið 2020 hefur tekið á Schengen-samstarfið. Landamæralokanir vegna faraldursins, flóttamannamál og hryðjuverkaárásir hafa vakið upp spurningar um hvaða stefna skuli mörkuð og líklegt er að samstarfið taki einhverjum breytingum.
Kjarninn 29. nóvember 2020
Mette Frederiksen forsætisráðherra komst við er hún ræddi við fjölmiðla eftir að hafa heimsótt minkabú í síðustu viku og rætt við bændur sem höfðu misst frá sér ævistarfið.
Minkaklúðrið
Danska ríkisstjórnin hefur sætt mikilli gagnrýni vegna minkamálsins svonefnda, þar sem margt hefur farið úrskeiðis. Nú síðast þegar ekki var fylgt tilmælum varðandi urðun hræjanna. Algjört klúður í eitt og allt segja danskir fjölmiðlar.
Kjarninn 29. nóvember 2020
Fimm manns sem voru gestkomandi á heimili Víðis og eiginkonu hans síðasta laugardag eru smituð af kórónuveirunni.
Ellefu urðu útsett fyrir smiti á heimili Víðis
Auk Víðis Reynissonar yfirlögregluþjóns og eiginkonu hans eru fimm manns í nærumhverfi hjónanna, sem voru gestkomandi á heimili þeirra síðasta laugardag, smituð af kórónuveirunni. Víðir segir hjónin hafa verið verulega slöpp í gær, en skárri í dag.
Kjarninn 28. nóvember 2020
Fréttaþættirnir Heimskviður verða ekki á dagskrá RÚV á nýju ári.
Heimskviður hverfa af dagskrá Rásar 1
Gera þarf breytingar á dagskrá Rásar 1 vegna hagræðingaraðgerða hjá Ríkisútvarpinu. Ein þeirra er sú að Heimskviður, fréttaskýringarþáttur um erlend málefni, verður ekki lengur á dagskrá á nýju ári. Einnig mun þurfa að endurflytja meira efni.
Kjarninn 28. nóvember 2020
Hallgrímur Hróðmarsson
Hver er hann þessi sem gengur alltaf með veggjum?
Kjarninn 28. nóvember 2020
Gylfi Zoega, hagfræðiprófessor við Háskóla Íslands
Gylfi ver ummæli Tinnu um landamæraskimanir
Prófessor í hagfræði útskýrir hagfræðilegu rökin fyrir því að skylda komufarþega að fara í skimun á landamærunum og láta þá borga hátt gjald fyrir það í nýjasta tölublaði Vísbendingar.
Kjarninn 28. nóvember 2020
Svandís Svavarsdóttir, heilbrigðisráðherra.
Margir héldu að málið væri í höfn – en svo er ekki
Heilbrigðisráðherra segir að liggja verði ljóst fyrir hversu miklum peningum verði ráðstafað í samning við sjálfstætt starfandi sálfræðinga áður en hann verður gerður til þess að fjármunum verði varið með sem bestum hætti.
Kjarninn 28. nóvember 2020
Meira eftir höfundinnÞórður Snær Júlíusson
Meira úr sama flokkiFréttaskýringar