„Þau velja að þjóna samfélaginu fram yfir það að hámarka hagnað“

Alþjóðleg samtök Listrænna kvikmyndahúsa hafa lýst yfir stuðningi við Bíó Paradís.

Bíó Paradís á Hverfisgötunni
Bíó Paradís á Hverfisgötunni
Auglýsing

Bíó Para­dís barst stuðn­ings­yf­ir­lýs­ing frá sam­tökum List­rænna kvik­mynda­húsa CICAE en sam­tökin telja 2.100 með­limi í yfir 4000 bíóum í yfir 44 lönd­um. Þetta kemur fram í til­kynn­ingu frá Bíó Para­dís.

Greint var frá því í fjöl­miðlum í lok jan­úar að kvik­mynda­húsið Bíó Para­dís myndi hætta starf­semi sinni næsta vor. Kvik­mynda­húsið fékk mik­inn stuðn­ing almenn­ings í kjöl­far frétt­anna en Bíó Para­dís þakk­aði sér­stak­lega stuðn­ing­inn og greindi frá því að enn væri verið að leita leiða til að halda starf­sem­inni áfram.

Í yfir­lýs­ingu CICAE er ótví­ræður stuðn­ingur við Bíó Para­dís und­ir­strik­aður og áhersla lögð á að lausn finn­ist áður en til lokunnar húss­ins kæmi. Í ljósi þess að um er að ræða bæði menn­ing­ar­sögu­legt gildi húss­ins sem bíó­hús og þá stað­reynd að Bíó Para­dís er fyrsta og eina list­ræna kvik­mynda­húsið á Íslandi sem rekið er að megn­inu til á sjálf­s­öfl­uðu fé.

Undir stuðn­ings­yf­ir­lýs­ing­una skrifar Dr. Christ­ian Bräuer for­seti CICAE.

Auglýsing

„List­ræn kvik­mynda­hús sam­ein­ast um skuld­bind­ingu sína til að varð­veita menn­ing­ar­arf­leifð kvik­mynda­húsa, fram­leiða fram­úr­skar­andi leik­ræna upp­lifun og þjóna sam­fé­lögum sín­um. Þessir óvenju­legu sýnendur koma með alþjóð­leg­ar, sjálf­stæðar og við­ur­kenndar kvik­myndir í nærum­hverfi sitt. List­ræn kvik­mynda­hús eru mik­il­væg menn­ing­ar­rými fyrir sam­fé­lög: sem sam­komu­staðir og staðir fyrir mál­frelsi og stuðla þau að lýð­ræð­is­legum gildum í sam­fé­lögum okk­ar,“ segir í yfir­lýs­ing­unn­i. 

Þá kemur fram í yfir­lýs­ing­unni að margir mik­ils­metnir leik­stjórar hefðu aldrei náð árangri ef ekki hefði verið fyrir þann eld­móð sem list­ræn kvik­mynda­hús sýna sem jafn­framt trúa á gildi vinnu þeirra.

Enn fremur kemur fram að Bíó Para­dís hafi staðið sig ein­stak­lega vel síð­ustu ár. Fjöld­inn sem sótt hefur kvik­mynda­húsið hafi auk­ist og for­svars­menn þess hafi skuld­bundið sig til að búa til rými til þess að fólk á öllum aldri og af mis­mun­andi þjóð­fé­lags­gerðum finn­ist það vel­kom­ið.

„Nú geta hug­myndir um fast­eigna­brask og græðgi orðið til enda­loka alls þess,“ segir í yfir­lýs­ing­unn­i. 

Hægt er að lesa yfir­lýs­ing­una hér

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent