Stærsta mark­aðs­torg fyrir verslun á net­inu í Asíu, Ali­baba, hefur fundið harka­lega fyrir kór­óna-veirunni (CVID19) og áhrifum hennar á gang efna­hags­mála í Kína. 

Þetta kemur fram í til­kynn­ingu sem Ali­baba sendi frá sér í gær, og Bloomberg gerði að umtals­efni. Þessar upp­lýs­ingar frá Ali­baba þykja sýna, að veiran hefur haft gríð­ar­leg áhrif í Kína, jafn­vel meiri en margir höfðu áttað sig, þegar kemur efna­hags­legum áhrif­um. 

Mik­ill vöxtur var á síð­ustu þremur mán­uðum árs­ins hjá Ali­baba, eða 58 pró­sent frá fyrra ári, en að und­an­förnu hefur verslun hrun­ið, og jafn­vel talið, að sam­dráttur verði mældur í tugum pró­senta á næstu mán­uð­um, sem er hröð og mikil breyt­ing þvert á þá und­ir­liggj­andi þróun sem hefur verið í Kína þegar kemur að net­versl­un.

Þrátt fyrir að Ali­baba hefði komið mörgum grein­endum á óvart, með góðum árangri og vexti á síð­ustu þremur mán­uðum árs­ins, þá fór mesta púðrið í til­kynn­ingu fyr­ir­tæk­is­ins í það að útskýra hvers vegna næstu mán­uðir gætu orðið erf­iðir fyrir Ali­baba og kín­verska hag­kerfið í heild. 

Stór­kost­lega hefur dregið úr umsvifum í Kína, vegna kór­óna­veirunn­ar, en hún hefur haft þau áhrif, að fólk verslar mun minna, heldur sig heima, og reynir að haga sér þannig, að það smit­ist ekki eða stuðli að frek­ari útbreiðslu veirunn­ar. 

Kín­versk stjórn­völd hafa á mörgum svæðum gefið út strangar leið­bein­ingar um hvernig fólki eigi að haga sér, einkum á svæðum í kringum Wuhan, þar sem upp­runi veirunnar er. 

Til þess að hefta útbreiðslu veirunnar hefur meðal ann­ars verið gripið til útgöngu­banns á tug­millj­óna borg­ar­svæð­um, með til­heyr­andi lam­andi áhrifum á verslun og þjón­ust­u. 

Sam­kvæmt umfjöllun breska rík­is­út­varps­ins BBC hafa nú 1.523 lát­ist vegna veirunn­ar, en yfir 66 þús­und smit­ast. Fyrsta dauðs­fallið í Evr­ópu, vegna veirunn­ar, hefur verið stað­fest, en það var átt­ræður Kín­verji, sem var að koma frá Hubei sem ferða­mað­ur, sem lést.