Sandra og Ása settar dómarar við Landsrétt

Dómsmálaráðherra hefur ákveðið að setja tvö af þeim þremur umsækjendum sem metnir voru hæfastir til að gegna embætti dómara við Landsrétt í embætti við réttinn. Niðurstaða dómnefndar tók breytingum frá því að hún lá fyrir í drögum og þar til hún var birt.

Áslaug Arna Sigurbjörnsdóttir dómsmálaráðherra setti tvo dómara við Landsrétt í dag.
Áslaug Arna Sigurbjörnsdóttir dómsmálaráðherra setti tvo dómara við Landsrétt í dag.
Auglýsing

Áslaug Arna Sig­ur­björns­dóttir dóms­mála­ráð­herra hefur ákveðið að setja þær Ásu Ólafs­dóttur pró­fessor og Söndru Bald­vins­dóttur hér­aðs­dóm­ara í tvo emb­ætti dóm­­ara við Lands­rétt sem aug­lýst voru laus til umsóknar 20. des­em­ber 2019, sam­kvæmt frétt á vef dóms­mála­ráðu­neyt­is­ins. Ása hefur verið sett í emb­ætti frá 25. febr­úar til 30. júní 2020 og Sandra frá 2. mars til 30. júní 2020.

Dóm­nefnd hafði metið Ásu hæf­asta umsækj­enda um emb­ættin en Söndru og Ást­ráð Har­alds­son hér­aðs­dóm­ara næst á eftir henni. Því situr Ást­ráður eftir úr þriggja manna hópn­um. 

Sam­kvæmt gögnum sem Kjarn­inn hefur undir höndum þá var nið­ur­staðan dóm­nefnd­ar, þegar drög að umsögn hennar voru send á umsækj­endur 3. febr­úar síð­ast­lið­inn önnur en end­an­leg nið­ur­staða henn­ar. Í drög­unum eru Ása og Ást­ráður metin hæfust til að verða sett í emb­ætti. Átta dögum síð­ar, 11. febr­ú­ar, eftir að umsækj­endum gafst færi á and­mæl­um, hafði Sandra hins vegar líka verið metin á meðal þeirra hæf­ust­u. 

Sandra og Ást­ráður voru bæði á meðal þeirra sem sóttu um emb­ætti Lands­rétt­ar­dóm­ara í aðdrag­anda þess að dóm­stigið tók til starfa. Þá voru 15 dóm­arar skip­aðir og taldi dóm­nefnd að Ást­ráður væri á meðal þeirra 15 hæf­ustu. Hann lenti, nánar til­tek­ið, í 14. sæti á lista nefnd­ar­innar en Sandra var í 22. sæti. Síðan þá hefur Ást­ráður verið skip­aður hér­aðs­dóm­ari og bætt við sig dóm­ara­reynslu, en Sandra hefur verið sett­ur, og síðar skip­að­ur, hér­aðs­dóm­ari frá árinu 2006. 

Sig­ríður Á. And­er­sen, þáver­andi dóms­mála­ráð­herra, ákvað hins vegar að færa fjóra umsækj­endur sem dóm­nefndin hafði mælt með að yrðu skip­aðir af skip­un­ar­list­anum og bæta fjórum öðrum inn á hann. Alþingi sam­þykkti svo breyttan lista Sig­ríð­ar. Ást­ráður var því ekki skip­aður á þeim tíma. Hann, og annar umsækj­andi sem var í sömu stöðu, stefndu rík­inu vegna þessa.

Auglýsing
Hæst­i­­­­­réttur komst að þeirri nið­­­­­­ur­­­­­­stöðu í des­em­ber 2018 að Sig­ríður hafi brotið gegn stjórn­sýslu­lögum þegar hún ákvað að fara gegn áliti dóm­­­­­­nefnd­­­­­­ar­inn­­­­­­ar. Auk þess kom­st Mann­rétt­inda­­­­dóm­­­­stóll Evr­­­­ópu að þeirri nið­­­­ur­­­­stöðu í mál­inu í mars í fyrra að dóm­­­­ar­­­­arnir fjórir sem voru færðir upp á lista Sig­ríðar væru ólög­­­­lega skip­að­ir, og geti þar með ekki fellt dóma yfir þeim sem fyrir þá koma, enda hafi þeir ekki hlotið rétt­láta máls­­­­með­­­­­­­ferð. Í kjöl­far þess að dómur Mann­rétt­inda­­­­dóm­stóls­ins féll þá sagði Sig­ríður af sér emb­ætti dóms­­­­mála­ráð­herra.

Þær stöður sem þær Ása og Sandra hafa verið settar í eru stöður tveggja þeirra dóm­ara sem Mann­rétt­inda­dóm­stóll­inn taldi að væru ólög­lega skip­að­ir. Nið­ur­stöðu hans var skotið til yfir­deildar Mann­rétt­inda­dóm­stóls­ins og fór mál­flutn­ingur þar fram fyrr í mán­uð­in­um. Búist er við nið­ur­stöðu fyrir árs­lok. Þangað til munu dóm­ar­arnir fjórir ekki dæma.

Áskildi sér rétt til að stefna

Auk þess var ein laus staða við Lands­rétt til fram­búðar aug­lýst til umsóknar í des­em­ber. Fjórir sótt­ust eftir skipun í hana.  Ást­ráður og Sandra eru bæði þar á með­­al. Hinir þrír eru Ásmundur Helga­­­­son Ragn­heiður Braga­dótt­ir, sem eru bæði dóm­­­­arar við Lands­rétt og eru á meðal þeirra fjög­urra sem mega ekki dæma við rétt­inn eftir dóm Mann­rétt­inda­dóm­stóls Evr­ópu. 

Eftir að greint var frá umsækj­endum sendi Ást­ráður dóms­mála­ráð­herra bréf þar sem hann sagð­ist áskilja sér að hann áskilji sér allan rétt til þess að láta á það reyna fyrir dóm­stólum ef þegar skip­aðir dóm­­arar við Lands­rétt verði skip­aðir í lausa stöðu við rétt­inn.

Í bréfi hans, sem Kjarn­inn hefur undir höndum og var einnig sent til Katrínar Jak­obs­dóttur for­­sæt­is­ráð­herra, segir að það sé að mati Ást­ráðs aug­­ljós hætta á því að ef umsókn skip­aðs Lands­rétt­­ar­­dóm­­ara sé talin gild og myndi svo leiða til nýrrar skip­unar umsækj­and­ans í emb­ætti Lands­rétt­­ar­­dóm­­ara gætu þeir sem svo kysu látið á það reyna hvort slík skipun teld­ist lög­­­mæt.

Með slíkri skipan væri í raun verið að gera til­­raun til að lög­­helga eftir á skipun dóm­­ara sem þegar hefði verið metin ólög­­mæt. „Ég tel tals­verðar líkur á að nið­­ur­­staða dóm­stóla yrði sú að slík skipan stæð­ist ekki. Það væri, svo vægt sé til orða tek­ið, í ljósi for­­sög­unn­­ar, afar óheppi­­legt bæði fyrir dóms­­kerfið og umsækj­and­ann ef það yrði nið­­ur­­stað­­an. Slíkur fram­­gangur væri auk þess til þess fall­inn að draga á lang­inn ríkj­andi réttaró­vissu um fram­­tíð­­ar­­skipan Lands­réttar og fæli í sér afar sér­­­kenn­i­­leg skila­­boð inn í yfir­­stand­andi mála­­rekstur fyrir Mann­rétt­inda­­dóm­stóli Evr­­ópu. Ég tel raunar að Lands­­réttur megi illa við frek­­ari slíkum skakka­­föll­u­m.“

Ekki hefur verið greint frá því hvern dóms­mála­ráð­herra hyggst skipa í hina lausu stöðu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
ESA hefur verið með augun á íslensku leigubílalöggjöfinni allt frá árinu 2017.
ESA boðar samningsbrotamál út af íslensku leigubílalöggjöfinni
Þrátt fyrir að frumvarp um breytingar á lögum liggi fyrir Alþingi sendi Eftirlitsstofnun EFTA íslenskum stjórnvöldum bréf í dag og boðar að mögulega verði farið í mál út af núgildandi lögum, sem brjóti gegn EES-samningnum.
Kjarninn 20. janúar 2021
Joe Biden, forseti Bandaríkjanna, sór embættiseið sinn fyrr í dag.
Biden: „Það verður enginn friður án samheldni“
Joe Biden var svarinn í embætti forseta Bandaríkjanna fyrr í dag. Í innsetningarræðu sinni kallaði hann eftir aukinni samheldni meðal Bandaríkjamanna svo að hægt yrði að takast á við þau erfiðu verkefni sem biðu þjóðarinnar.
Kjarninn 20. janúar 2021
Helgi Hrafn Gunnarsson
Mikið fagnaðarefni að „nýfasistinn og hrottinn Donald Trump“ láti af embætti
Þingflokksformaður Pírata fagnar brotthvarfi Donalds Trump úr embætti Bandaríkjaforseta og bendir á að uppgangur nýfasisma geti átt sér stað ef við gleymum því að það sé mögulegt.
Kjarninn 20. janúar 2021
Frá miðstjórnarfundi hjá Alþýðusambandi Íslands í febrúar árið 2019.
Segja skorta á röksemdir fyrir sölu á hlut ríkisins í Íslandsbanka
Miðstjórn ASÍ mótmælir harðlega áformum um sölu á hlut ríkisins í Íslandsbanka, segir flýti einkenna ferlið og telur að ekki hafi verið færðar fram fullnægjandi röksemdir fyrir sölunni.
Kjarninn 20. janúar 2021
Gosi – ævintýri spýtustráks
Öll viljum við vera alvöru!
Leiklistargagnrýnandi Kjarnans fjallar um sýninguna Gosi – ævintýri spýtustráks sem sýnd er í Borgarleikhúsinu.
Kjarninn 20. janúar 2021
Á nýrri tölfræðisíðu sem sett var í loftið í dag má fylgjast með framgangi bólusetningar gegn COVID-19 hér á landi.
Tæplega 500 manns hafa þegar fengið tvær sprautur
Búið er að gefa rúmlega 40 prósent af Íslendingum yfir 90 ára aldri a.m.k. einn skammt af bóluefni og tæp 13 prósent þeirra sem eru 80-89 ára. Ný tölfræðisíða um bólusetningu hefur verið sett í loftið á vefnum covid.is.
Kjarninn 20. janúar 2021
Ágúst Ólafur Ágústsson.
Ágúst Ólafur verður ekki í framboði fyrir Samfylkinguna í næstu kosningum
Annar oddviti Samfylkingarinnar í Reykjavíkur verður ekki á lista hennar í komandi þingkosningum. Hann bauðst til að taka annað sætið á lista en meirihluti uppstillingarnefndar hafnaði því.
Kjarninn 20. janúar 2021
Rústir hússins að Bræðraborgarstíg 1 standa enn, yfir hálfu ári eftir að það brann.
Rannsaka ætluð brot eiganda Bræðraborgarstígs 1
Lögreglan á höfuðborgarsvæðinu er með til skoðunar ætlað brot fyrrum eiganda Bræðraborgarstígs 1 á byggingarreglugerð. HMS segir að eigandanum hafi borið að tryggja brunavarnir hússins og þær ekki reynst í samræmi við lög.
Kjarninn 20. janúar 2021
Meira úr sama flokkiInnlent