Stefán Eiríks­son, verð­andi útvarps­stjóri, seg­ist telja það mjög mik­il­vægt En að ef að til stendur að setja ein­hverjar tak­mark­anir á því hvernig RÚV vinnur á aug­lýs­inga­mark­aði þá verði að fylgja með mjög skýr skila­boð frá stjórn­mála­mönnum um úr hverju eigi að draga í starf­semi fyr­ir­tæk­is­ins sam­hliða. „Hvað eigi þá að láta undan í rekstri RÚV. Það hlýtur þá að kalla á breyt­ingar á lög­unum sem um Rík­is­út­varpið gilda því þú getur ekki á sama tíma sett kröfu um það að þú sinnir ein­hverju hlut­verki en dregið svo úr tekj­unum án þess að taka stefnu­mark­andi ákvörðun um það hvað eigi að gera. Það er í höndum stjórn­mála­manna.“

Þetta er meðal þess sem fram kom í ítar­legu við­tali við Stefán í Kjarn­anum sem birt­ist um helg­ina. 

Tekjur RÚV á árinu 2018, sam­kvæmt síð­asta birta árs­reikn­ingi fyr­ir­tæk­is­ins, voru 6,7 millj­arðar króna. Þar af komu 4,3 millj­arðar króna úr opin­berum sjóðum vegna inn­heimtu á útvarps­gjaldi og tæpir 2,4 millj­arðar króna vegna sam­keppn­i­s­tekna, sem eru að uppi­stöðu sala á aug­lýs­ingum í sjón­varpi og útvarpi. 

Starf­semi RÚV hefur verið að styrkj­ast umtals­vert á und­an­förnum árum, að hluta til vegna þess að stjórn­endur fyr­ir­tæk­is­ins hafa gripið til óhefð­bund­inna aðgerða til að bæta rekstr­ar­um­hverf­ið. Sú sem mestu máli skipti var að selja bygg­inga­lóðir í kringum höf­uð­stöðvar RÚV í Efsta­leiti fyrir hátt í tvo millj­arða króna og end­ur­samn­ing á ógreiddum líf­eyr­is­skuld­bind­ingum inn í fram­tíð­ina með því að lengja í greiðslu­ferli þeirra til árs­ins 2057. 

Á sama tíma hefur rekstr­ar­um­hverfi einka­rek­inna fjöl­miðla verið að versna mik­ið, sam­hliða því að helstu tekju­lindir þeirra, aug­lýs­inga- og áskrift­ar­sala, hafa gefið veru­lega und­an. 

Stefán seg­ist þó ekki hafa neinar áhyggjur af því að RÚV sé í betri rekstr­ar­stöðu en sam­keppn­is­að­ilar þess. „Ég upp­lifi það ekki þannig að RÚV sé of stórt í vissum skiln­ingi, en það er vissu­lega stórt. Hlut­verkið sem að Rík­is­út­varp­inu er ætlað lögum sam­kvæmt og sam­kvæmt þjón­ustu­samn­ingi hefur mjög víð­tæku og fjöl­breyttu hlut­verki í sam­fé­lag­inu að gegna. Ég held satt best að segja að það sé mik­ill meiri­hluti almenn­ings og stjórn­mála­manna sem vilja að Rík­is­út­varpið haldi áfram að sinna því hlut­verki en að sama skapi er mik­il­vægt að það séu starf­andi sjálf­stæðir aðrir óháðir fjöl­miðlar og að þeir fái stuðn­ing, eins og mennta­mála­ráð­herra er búin að teikna upp með ákveðnum hætti í sínu frum­varpi, til þess að sinna sínum störfum með góðum hætt­i.“

Hægt er að lesa við­talið við Stefán í heild sinni hér.