Verð­mið­inn á Gamma, sem Kvika keypti, heldur áfram að lækka frá því að fyrst var til­kynnt um kaupin á félag­inu. Þetta má meðal ann­ars lesa út úr upp­gjöri Kviku, vegna rekst­urs bank­ans í fyrra, en hagn­að­ur­inn nam 2,6 millj­örðum króna.

Þegar fyrst var til­kynnt um að Kvika væri að kaupa Gamma, um mitt ár 2018, var frá því greint að kaup­verðið gæti numið allt að 3,75 millj­örðum króna. 

Nú er áætlað að kaup­verðið verði 2,1 millj­arður króna.

Eins og fjallað var ítar­lega um á vef Kjarn­ans, þá þurfti að færa niður virði eigna hjá tveimur sjóðum Gamma, Novus og Ang­l­ia. Novus hafði fjár­fest í félag­inu Upp­hafi, en eigið fé sjóðs­ins var lækkað úr 4,4 millj­örðum í nær ekk­ert, eða rúm­lega 40 millj­ón­ir. 

Eig­endur skulda­bréfa Novus, og síðan Kvika, lögðu til einn millj­arð króna til að styrkja stöð­una, og þá voru vaxta­kjör lækkuð einnig. 

Mar­inó Örn Tryggva­son, for­stjóri Kviku, segir í til­kynn­ingu til kaup­hall­ar, að rekstur Kviku hafi gengið vel, og að áætl­anir hafi stað­ist. 

Hann segir enn frem­ur, að rekstr­ar­um­hverfið sé um margt krefj­and­i. 

„Að­stæður á fjár­mála­mörk­uðum eru krefj­andi þessi miss­erin en Kvika er í góðri stöðu til þess að takast á við þær áskor­anir sem fylgja nauð­syn­legum breyt­ingum á fjár­mála­kerf­inu meðal ann­ars vegna nýrra tækni­lausna og áfram­hald­andi hag­ræð­ing­ar. Það er áhyggju­efni hversu flókið rekstr­ar­um­hverfi fjár­mála­fyr­ir­tækja og ann­arra aðila á fjár­mála­mark­aði er orð­ið. Fjár­mála­kerfið er hluti af nauð­syn­legum innviðum sam­fé­lags­ins og það hefur ekki náð að þró­ast nægj­an­lega til að upp­fylla hlut­verk sitt. Þrátt fyrir hátt sparn­að­ar­stig á land­inu hefur verið erfitt fyrir mörg fyr­ir­tæki og frum­kvöðla að afla fjár­magns. Fjár­magna þarf rekstur og fjár­fest­ingar fyr­ir­tækja til þess að við­halda og auka verð­mæta­sköpun sem er nauð­syn­leg for­senda lífs­kjara. Heil­brigður rekstur fyr­ir­tækja er for­senda þess að þau ráði starfs­menn og greiði laun sem er for­senda fyrir því að hið opin­bera fái skatt­tekj­ur, sem er for­senda fyrir því að hægt sé að halda uppi öfl­ugri opin­berri þjón­ustu. Upp­bygg­ing fjár­mála­kerf­is­ins kemur því öllum við og mik­il­vægt að það þró­ist í takt við þarfir hag­kerf­is­ins,“ segir Mar­inó Örn í til­kynn­ingu.