Póst­ur­inn hefur gengið frá sölu á dótt­ur­fé­lagi sínu pren­st­miðj­unni Sam­skipt­um. Kaup­endur eru hópur lyk­il­starfs­manna undir for­ystu Þórðar Mar Sig­urðs­sonar fram­kvæmda­stjóra Sam­skipta. Kaup­verðið er trún­að­ar­mál að beiðni kaup­enda. 

Þetta kemur fram í til­kynn­ingu frá Póst­inum í dag. 

Þá segir að ráð­gjafa­fyr­ir­tækið Deloitte hafi ann­ast sölu­ferlið sem hófst þann 12. sept­em­ber 2019, alls hafi 33 aðilar sótt sölu­gögn og 21 fengið form­lega kynn­ingu á fyr­ir­tæk­inu. Í kjöl­farið hafi sjö óskuld­bind­andi til­boð borist og þrír haldið áfram í loka­á­fanga sölu­ferl­is­ins.

„Með söl­unni hefur Póst­ur­inn nú gengið frá sölu á öllum þeim þremur dótt­ur­fé­lögum sem fyr­ir­tækið átti og voru á sam­keppn­is­mark­aði, Frakt flutn­ings­miðlun var seld í sept­em­ber 2019, Gagna­geymslan í nóv­em­ber síð­ast­liðnum og nú Sam­skipt­i,“ segir í til­kynn­ing­unn­i. 

Birgir Jóns­son, for­stjóri Pósts­ins, segir við til­efnið að þau hjá Póst­inum hafi verið mjög trú þeirri sýn að selja dótt­ur­fé­lög sem tengj­ast ekki kjarna­starf­semi Pósts­ins. „Það eru því virki­lega góðar fréttir að við höfum lokið sölu á Sam­skiptum sem er flott fyr­ir­tæki á sínum mark­aði en hefur í raun enga sam­legð með Póst­in­um. Ég er mjög ánægður með hvað hefur verið vandað vel til verka í sölu­ferl­inu en Deloitte hefur haldið mjög fag­lega utan um sölu­ferl­ið. Það er svo gaman að segja frá því að það eru stjórn­endur og hluti starfs­manna Sam­skipta sem eru kaup­endur þannig að við vitum að við skiljum við fyr­ir­tækið í traustum og reynslu­miklum hönd­um. Við óskum nýjum eig­endum og öðrum starfs­mönnum Sam­skipta vel­farn­aðar í fram­tíð­inni og þökkum þeim fyrir vel unnin störf.“

Þórður Mar Sig­urðs­son, fram­kvæmda­stjóri Sam­skipta, segir að þau séu gríð­ar­lega ánægð með að sölu­ferlið sé að baki. „Það er mjög öfl­ugur hópur starfs­manna stendur á bak­við kaupin og erum við spennt að takast á við þetta verk­efni. Sam­starfið við Íslands­póst hefur verið mjög gott frá upp­hafi og ég vil nýta tæki­færið og þakka öllu því góða fólki sem þar starfar fyrir góð ár undir þeirra stjórn. Nú er hins vegar kom­inn tími til að leiðir skilji, ég hlakka tilað leiða Sam­skipti í nýja tíma með öfl­ugu starfs­fólki fyr­ir­tæk­is­ins, það má með sanni segja að fram­tíð Sam­skipta sé björt.“