Katrín Jak­obs­dóttir for­sæt­is­ráð­herra segir að nú þegar búið er að lýsa yfir neyð­ar­stigi almanna­varna vegna kór­ónu­veirunn­ar, þýði það að ­meiri þungi muni fær­ast í aðgerðir stjórn­valda og þeirra stofn­ana sem hafa hlut­verk í að hemja útbreiðslu veirunnar en þessi breyt­ing mun ekki hafa áhrif á almenn­ing strax.

„Það er hins vegar þannig að það er óum­flýj­an­legt að ein­hverjar tak­mark­anir verða settar á manna­mót og sam­komur á næst­unni til að hefta útbreiðsl­una,“ skrifar Katrín á Face­book-­síðu sína eftir að ­blaða­manna­fundi almanna­varna, land­læknis og Land­helg­is­gæsl­unnar lauk nú ­síð­deg­is. „Nú sem fyrr skiptir það öllu máli að við leggjum öll okkar af mörk­um til að það megi takast að hægja á útbreiðsl­unn­i.“

Katrín segir að á sama tíma sé ljóst að þessi far­aldur mun­i hafa áhrif á stöðu efna­hags­mála. „Stjórn­völd und­ir­búa nú aðgerðir í rík­is­fjár­málum til að vinna gegn slaka í efna­hags­málum og sama á við um ­Seðla­bank­ann. Við erum vel í stakk búin, með öfl­ugan gjald­eyr­is­vara­forða, lág­t skulda­hlut­fall og góðan aðgang að erlendu fjár­magni.

Stjórn­völd munu gera það sem þarf til að hemja útbreiðslu veirunnar og vinna gegn áhrifum hennar á efna­hags­líf­ið.“