Reynir Trausta­son, sem stýrði DV um ára­bil og var einn stofn­enda Stund­ar­inn­ar, hefur verið ráð­inn rit­stjóri frí­blaðs­ins Mann­lífs, sem dreift er frítt viku­lega. Frá þessu er greint á Vísi. 

Þar segir Reynir að hann hafi verið hættur í blaða­mennsku en það hafi svo allt í einu runnið upp fyrir honum að það væri engin leið að hætta. Reynir á enn 14 pró­sent hlut í Stund­inni og sonur hans, Jón Trausti Reyn­is­son, er fram­kvæmda­stjóri og annar rit­stjóri þess mið­ils. 

Reynir segir við Vísi að Stundin sé þó ekki alveg hans fjöl­mið­ill. „Ég hef ekki skipt mér að rekstr­inum í tvö ár. Ég styð þetta fólk ein­dreg­ið, þau eru að gera fína hluti og það er allt í lagi. Þau eru í hagn­aði sem er afrek út af fyrir sig. En, Stundin er ekki alveg minn fjöl­mið­ill. Ég er popp­að­ari en svo. Stundin er flott blað en alvöru­gef­ið, ég er ekki eins alvöru­gef­inn ein­stak­ling­ur. En, meðan vel gengur er maður þög­ull hlut­hafi.“

Reynir hafði skrifað á Face­book-­síðu sína í gær að hann hefði, í miðju yfir­stand­andi fári, ákveðið að snúa aftur á fjöl­miðla og „takast á hendur spenn­andi verk­efni sem ég þekki ágæt­lega.“ Þar kom hins vegar ekki fram hvert verk­efnið væri. 

Reynir stýrði, líkt og áður seg­ir, DV árum saman ásamt þeim hópi sem myndar kjarna lyk­il­starfs­fólks Stund­ar­innar í dag. Á árinu 2014 áttu sér stað mikil átök um yfir­ráð yfir miðl­inum í kjöl­far þess að DV hafði fengið fjár­hags­lega fyr­ir­t­greiðslu víða til að standa undir erf­iðum rekstri, eðal ann­­ars hjá Gísla Guð­­munds­­syni, fyrrum eig­anda B&L. Þeim kröfum var síðan breytt í hlutafé sem dugði til að taka yfir DV. Í átök­unum kom maður að nafni Þor­­steinn Guðn­a­­son fram fyrir hönd þeirra krafna. Ólafur M. Magn­ús­­son, fyrrum stjórn­­­ar­­maður í DV, sagði í sam­tali við Kjarn­ann í októ­ber 2014 að menn tengd­ir Fram­­sókn­­ar­­flokkn­um hefðu viljað kaupa DV. Fram­­kvæmda­­stjóri flokks­ins hafn­aði því í kjöl­farið í yfir­­lýs­ingu. 

DV var skömmu síðar selt til hóps undir for­ystu Björns Inga Hrafns­­son­­ar. Kaup­in voru gerð í nafni félags sem heitir Pressan ehf. Sú sam­steypa fór síðan á haus­inn haustið 2017 skömmu eftir að núver­andi eig­endur Birt­ings, sem leiddur er af Hall­dóri Krist­manns­syni, fram­kvæmda­stjóra hjá Alvogen, gengu inn í kaup Press­unar á Birt­ingi, en Pressan gat ekki greitt fyrir fjöl­miðla­fyr­ir­tæk­ið.