Fjár­hags­leg áhrif vegna útbreiðslu COVID-19 veirunnar á starf­semi Icelandair Group eru enn óviss, en ljóst er að hún mun hafa nei­kvæð áhrif á sjóð­streymi félags­ins. Það vinnur nú að því að lág­marka þau áhrif, meðal ann­ars með því að draga úr flug­fram­boði og vinna með stétt­ar­fé­lögum til að lækka launa­kostnað veru­lega.

Þetta kemur fram í til­kynn­ingu frá Icelandair sem send var til Kaup­hallar Íslands í kvöld.

Þar kemur fram að lausa­fjár­staða félags­ins hafi numið  rúmum 39 millj­örðum króna í árs­lok 2019 og sé enn á svip­uðum stað í dag.

Á síð­ustu dögum hefur Icelandair hins vegar dregið úr flug­fram­boði um allt að 30 pró­sent. „Lík­legt er að dregið verði enn frekar úr flug­fram­boði á meðan ferða­tak­mark­anir eru í gildi og staðan getur breyst hratt. Félagið heldur áfram að fylgj­ast grannt með stöðu mála og hefur gripið til ýmissa aðgerða í sam­ráði við heil­brigð­is­yf­ir­völd til að tryggja heilsu og öryggi starfs­fólks og far­þega.

Óvissa ríkir um háanna­tíma sum­ars­ins en félagið gerir að óbreyttu ráð fyrir að draga úr flug­fram­boði um að minnsta kosti 25 pró­sent miðað við það sem áður hafði verið kynnt. Félagið mun þó leggja áherslu á að við­halda þeim sveigj­an­leika sem þarf til að geta brugð­ist hratt við eftir því hvernig eft­ir­spurn þró­ast.“

Mark­aðsviði Icelandair hefur hríð­fallið und­an­far­ið. ­Meðal ann­ars lækk­­aði Icelandair um 22,8 pró­sent á fimmtu­dag, eftir að Banda­ríkin til­kynntu um ferða­bann til lands­ins. Bréf félags­ins jöfn­uðu sig aðeins á föstu­dag en mark­aðsvirði þess við lok við­skipta þá var rétt um 22,8 millj­arður króna. Það hefur ekki verið lægra en það er um þessar mundir frá því snemma árs 2011. Mark­aðsvirði Icelandair fór niður fyrir 30 millj­­arða króna í fyrsta skipti í átta ár í byrjun síð­ustu viku.

Eigið fé Icelandair var um 60 millj­­arðar króna um síð­­­ustu ára­­mót. Mark­aðsvirðið er því um rúm­lega einn þriðji af eigin fé félags­­ins og rúm­lega helm­ingur af lausu fé þess.