Ekki takmark yfirvalda að meirihluti þjóðarinnar smitist af veirunni

Enn bendir allt til þess að innan við eitt prósent almennings hér á landi hafi sýkst af COVID-19 og aðgerðir heilbrigðisyfirvalda séu að bera árangur. „Nú gildir að vera þolinmóð, umburðarlynd og sýna kærleika,” segir Víðir Reynisson.

Kórónuveiran
Auglýsing

„Það tekst ekki að halda far­aldri í skefjum nema að við vinnum sam­an,“ sagði Víðir Reyn­is­son, yfir­lög­reglu­þjónn rík­is­lög­reglu­stjóra, á upp­lýs­inga­fundi almanna­varna í dag. Þar var hann spurður um áhyggjur for­eldra af áhrifum tak­mark­ana á skóla­haldi á atvinnu. Hann benti á að nú væru marg­ar vikur fram undan þar sem líf okkar verður ekki með hefð­bundnum hætti. „Ef all­ir ­gera eitt­hvað getum við saman gert mjög mik­ið.“

Ef atvinnu­rek­endur slök­uðu á mæt­ing­ar­kröfum myndi það skila mjög miklu í heild­ar­mynd­inni. Sagði Víðir að til­ ­mik­ils væri að vinna að kom­ast hjá því að loka öllu sam­fé­lag­inu.

Smit hafa nú ­greinst í þremur lands­hlutum utan höf­uð­borg­ar­svæð­is­ins. Veiran er því farin að láta á sér kræla ann­ars staðar sem kemur ekki á óvart, að sögn Þór­ólfs Guðna­son­ar ­sótt­varna­lækn­is. 180 hafa nú greinst með veiruna hér á landi. Benti Þórólfur á að nýj­ustu tölur væru stöðugt upp­færðar á covid.­is.

Auglýsing

Rann­sókn­ir heil­brigð­is­yf­ir­valda sem og Íslenskrar erfða­grein­ingar benti til að ekki væri mikið sam­fél­gs­smit í gangi, „við vitum ekki hversu lengi það end­ist,“ ­sagði Þórólf­ur. Á 1-2 vikum gætu komið upp tals­vert fleiri smit en greinst hafa fram að þessu.

Sagði Þórólfur að enn væri ekki hægt að segja með mik­illi vissu hvernig far­ald­ur­inn kæmi til með að þró­ast en að ekki væri óraun­hæft að ætla að hann myndi fjara út í lok maí eða júní. Enn ætti þó eftir að fá gleggri ­mynd af ástand­inu svo hægt væri að áætla hvenær far­ald­ur­inn myndi ná hámarki.

„Við erum að skrítnum tím­um, það er sam­komu­banni í gildi og röskun á sam­fé­lag­in­u,“ sagði Víð­ir. „Það tekur tíma að aðlag­ast þessu nýja normi, þessum nýja raun­veru­leika. Nú gildir að vera þol­in­móð, umburð­ar­lynd og ­sýna kær­leika.“

Hvað er hjarð­ó­næmi?

Þórólfur ræddi sér­stak­lega um hug­takið hjarð­ó­næmi og sagð­i það komið úr bólu­setn­inga­fræð­um. Það væri mæli­kvarði á hversu marga þyrftu að ­bólu­setja til að skapa ónæmi í sam­fé­lagi ef veira kemur upp svo hún næði ekki að ­þríf­ast og verða að far­aldri. Hann sagði að hægt væri að reikna út stuð­ul hjarð­ó­næmis og að miðað við fyr­ir­liggj­andi upp­lýs­ingar um nýju kór­ónu­veiruna þyrft­i að bólu­setja um 60 til 70 pró­sent manna til að vernda þjóð­ina. Ekk­ert bólu­efni er hins ­vegar til. „Þetta þýðir ekki að það sé okkar tak­mark að svo margir sýk­ist af veirunn­i,“ sagði Þórólfur með áherslu. „Okkar mark­mið er að tak­marka út­breiðsl­una og hægja á henn­i.“ Ekki væri vitað hversu margir kæmu til með að ­sýkjast, „von­andi sem fæstir og þá sér­stak­lega úr þessum við­kvæmu hóp­um.“

Spurður hvort að fólk ætti að hætta við að fara í til dæm­is­ ­klipp­ingu sagði Þórólfur að hver og einn þyrfti að vega og meta það, ­sér­stak­lega þeir sem eru í áhættu­hóp­um. Almenn­ingur ætti ekki endi­lega að ­sleppa því. Í sumum löndum hefur börum og hár­greiðslu­stofum verið lok­að, svo ­dæmi séu tek­in. „Við get­um  hugs­an­lega þurft að grípa til harð­ari aðgerða ef far­ald­ur­inn ætlar að þró­ast á rangan máta. Við getum hugs­an­lega gert ákveðnar til­slak­anir ef allt virkar vel í sam­ræmi við okkar áhættu­mat.“

Alma Möller land­læknir sagði að mikið mæddi nú á starfs­mönn­um Land­spít­al­ans en að þar væri þó engan bil­bug að finna. Verið væri að und­ir­bú­a ­spít­al­ann fyrir það að taka á móti fleiri sjúk­lingum með COVID-19 en einnig ­þyrfti að tryggja að önnur nauð­syn­leg þjón­usta væri veitt. Aðeins þrjár skurð­stof­ur af átta væru nú í notk­un.

Yfir þúsund sýni eru tekin á hverjum degi hér á landi. Mynd: EPA

Á fund­inum var einnig Jóhannes Rún­ars­son, fram­kvæmda­stjóri Strætó bs. Í máli hans kom fram að ákveðið hefði verið að ráð­ast í aðgerðir til að hefta útbreiðslu COVID-19. Frá­ og með deg­inum í dag hafa fram­dyr allra stræt­is­vagna verið lok­aðar og far­þegar beðn­ir um að ganga inn um mið- eða aft­ari dyr á vögn­un­um.

Þá eru far­þeg­ar hvattir að greiða far­gjöld með strætókorti eða strætó­appi, og halda korti eða síma á lofti í átt að vagn­stjór­an­um, en ganga ekki fram í vagn­inn til að ­stað­festa far­gjald við vagn­stjóra. Þeir við­skipta­vinir sem greiða með pen­ing­um eða strætómiðum geta þó gengið fram í vagn­inn til að greiða far­gjald­ið.

Nítján jákvæð sýni

Starfs­fólk ­Ís­lenskrar erfða­grein­ingar er búið að taka 3.087 sýni í Þjón­ustu­mið­stöð rann­sókna­verk­efna í Turn­inum í Kópa­vogi. Þegar greind hafa verið 1.800 sýni hafa fund­ist 19 já­kvæð. Enn bendir því allt til þess að innan við eitt pró­sent almenn­ings hafi ­sýkst af COVID-19 og aðgerðir heil­brigð­is­yf­ir­valda séu að bera árang­ur, þar sem nýja kór­ónu­veiran sé ekki orðin mjög útbreidd meðal almenn­ings.

Gert er ráð fyr­ir­ að um þús­und nið­ur­stöður til við­bótar verði til­búnar í kvöld, og greind sýn­i verði þá alls 2800.

Alls hafa rúm­lega 14.000 manns skráð sig í skimun fram til 27. mars. Ann­ars slagið losna tímar eftir því sem afbók­anir ber­ast. Hægt er að fylgj­ast með hvort það eru laus­ir ­tímar á bok­un.­rannsokn.is.

Þrjú jákvæð sýn­i hafa þegar verið rað­greind, upp­runi eins þeirra er úr mann­eskju sem var að kom­a frá vest­ur­strönd Banda­ríkj­anna og er af teg­und­inni S sem er upp­runa­lega veiran frá Asíu. Hin sýnin reynd­ust lít­il­lega stökk­breytt og af gerð­inni L, sem er al­geng­ari í Evr­ópu.

Von er á 100 ­sýnum til við­bótar úr rað­grein­ingu á morg­un.

Tæp­lega 170 ­þús­und manns hafa nú greinst með veiruna í 148 löndum heims­ins. Yfir 6.500 hafa lát­ist, flestir í Kína, á Ítalíu og í Íran.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Víðir Reynisson yfirlögregluþjónn.
Víðir reyndist vera með COVID-19
Víðir Reynisson yfirlögregluþjónn hjá almannavarnadeild ríkislögreglustjóra hefur greinst með COVID-19, eftir að hafa áður greinst neikvæður í prófi á mánudag. Hann var þegar í sóttkví eftir að hafa orðið útsettur fyrir smiti í nærumhverfi sínu.
Kjarninn 25. nóvember 2020
Stóru viðskiptabankarnir þrír hafa borið þungann af því að deila út ríkisábyrgðarlánunum sem skýrslan fjallar um.
Stuðningslánum mögulega of naumt skammtað
Eftirlitsnefnd með lánum með ríkisábyrgð telur að ætla megi að innan við helmingur þeirra fyrirtækja sem sóst hafa eftir stuðningslánum fái út úr úrræðinu það fé sem þau telji sig þurfa. Nefndin skilaði skýrslu til ráðherra á dögunum.
Kjarninn 25. nóvember 2020
Heimsfaraldurinn rekur unga Íslendinga aftur heim í foreldrahús
Hlutfall ungra Íslendinga sem búa heima hjá foreldrum sínum hefur farið úr 42 í 70 prósent á innan við ári. Ljóst er að COVID-19 spilar þar stóra rullu, en atvinnuleysi hjá 18-24 ára hefur aukist um 134 prósent á einu ári.
Kjarninn 25. nóvember 2020
Á baðströnd í Hong Kong.
Farsóttin herjar aftur á fyrirmyndarríkin
Í Japan hafði fólk verið hvatt til að ferðast innanlands og fara út að borða. Herferðinni hefur snarlega verið hætt. Til stóð að ýta ferðabandalagi milli Hong Kong og Singapúr úr vör, þar sem fólk gæti ferðast án sóttkvíarkvaða. Af því verður ekki í bráð.
Kjarninn 25. nóvember 2020
Kristbjörn Árnason
Sóttin hefur þegar bætt íslenska menningu
Leslistinn 25. nóvember 2020
Ragnar Þór Ingólfsson formaður VR.
Kallar eftir meiri stuðningi stjórnvalda við einstaklinga og heimili
Formaður VR segir að miðað við fyrirliggjandi upplýsingar um nýtingu COVID-19 úrræða stjórnvalda hafi einungis um 7 milljarðar króna skilað sér beint til einstaklinga og heimila, en yfir 80 milljarðar til fyrirtækja.
Kjarninn 25. nóvember 2020
Svona leit turnbyggingin út í teikningum sem fylgdu deiliskipulagstillögu bæjarins.
Turnbygging sem íbúar lýstu sem „fokkmerki“ lækkuð um 10 hæðir
Hópur íbúa í Glaðheimahverfi í Kópavogi krafðist þess að hæsta hús á Íslandi yrði ekki byggt í hverfinu, til þess að áfram yrði gott að búa í Kópavogi. Turn sem átti eitt sinn að verða 32 hæðir og síðan 25 hæðir verður á endanum sennilega bara 15 hæðir.
Kjarninn 25. nóvember 2020
Bjarni Benediktsson, fjármála- og efnahagsmálaráðherra og formaður Sjálfstæðisflokksins.
Sjálfstæðisflokkurinn hefur enn ekki endurgreitt styrki eins og til stóð
Styrkir sem Sjálfstæðisflokkurinn ætlaði að endurgreiða fyrir árið 2018 hafa ekki enn verið greiddir. Kjarninn fékk sama svar frá framkvæmdastjóra flokksins nú og fyrir ári síðan.
Kjarninn 25. nóvember 2020
Meira úr sama flokkiInnlent