Þórólfur Guðna­son sótt­varna­læknir efast um að dán­ar­mein ástr­alsk ferða­manns sem lést á Húsa­vík í gær hafi verið COVID-19. Þrátt fyrir að veiran sem veldur sjúk­dómnum hafi fund­ist í mann­inum að honum látn­um, væri það „fremur ólík­legt miðað við þau ein­kenni sem greint hefur verið frá,“ sagði Þórólfur á blaða­manna­fundi í Skóg­ar­hlíð í dag.

And­lát manns­ins er til rann­sókn­ar, en hann var á ferð um Ísland með eig­in­konu sinni, þegar veik­indi tóku sig skyndi­lega upp hjá hon­um. Hann lést skömmu eftir kom­una á heilsu­gæsl­una á Húsa­vík. Eig­in­kona hans er einnig smituð af COVID-19. Hún er í ein­angrun og 22 heil­brigð­is­starfs­menn nyrðra eru í sótt­kví.

Tvö­hund­ruð tutt­ugu og fimm manns hafa greinst með COVID-19 smit hér á landi, sam­kvæmt nýj­ustu tölum frá heil­brigð­is­yf­ir­völd­um. Þórólfur sagði á upp­lýs­inga­fundi dags­ins að fram­vegis yrðu töl­urnar ein­ungis upp­færðar einu sinni á dag, á vefnum covid.is, alltaf um hádeg­is­bil.

Tutt­ugu og tvö smit hafa greinst í sýna­tökum Íslenskrar erfða­grein­ingar sem hófust fyrir helgi og er hlut­fall smit­aðra sem þangað koma um 1 pró­sent, sem bendir til þess að lítið smit sé í sam­fé­lag­inu almennt.

Veiru­fræði­deild Land­spít­ala hefur greint 198 smit, en þar eru greind sýni úr þeim sem koma frá áhættu­svæðum erlend­is, hafa verið í sótt­kví vegna sam­skipta við ein­stak­linga með stað­fest smit og ann­arra sem sýna ein­kenni COVID-19. Hlut­fall sýktra úr þeim hópi er um 10 pró­sent.

Þórólfur greindi frá því að nú væru fjórir sjúk­lingar á Land­spít­ala með stað­fest COVID-19 smit, þar af tveir á gjör­gæslu. Hvor­ugur þeirra er í önd­un­ar­vél.

Gæti orðið hörgull á veir­upinnum á næst­unni

Sótt­varna­læknir sagði að fyr­ir­séð væri að það gæti á næst­unni orðið hörgull á veir­upinn­um, sem not­aðir eru til að skima fyrir COVID-19. Unnið væri að því að reyna að fá fleiri pinna til lands­ins, en eft­ir­spurnin á heims­vísu væri mjög mik­il, eins og gæfi að skilja. 

Ekki er þó útlit fyrir að tak­marka þurfi hve mörg sýni séu tekin hér á landi og yfir­völd vilja, að sögn Þór­ólfs, halda áfram að taka sýni úr stærra mengi en til dæmis bæði Svíar og Dan­ir, sem taka ein­göngu sýni úr þeim sem þurfa að leggj­ast inn á spít­ala vegna ein­kenna.

Þórólfur sagði Íslend­inga vilja halda áfram að „prófa víða“, leita og finna smit­aða, beita sótt­kví, þar sem það væri enn talin væn­leg­asta leiðin til að hefta útbreiðsl­una á þessum tíma­punkti. Það kynni þó að breyt­ast og væri metið dag frá degi.