„Þetta ástand er ekki eilíft. Það skiptir hins vegar máli hvernig við höldum á spil­unum hversu langvar­andi það verð­ur. Þess vegna skiptir máli að við gerum allt það sem við getum til þess að tryggja að við komumst í gegnum skafl­inn, þannig að þegar þessu stríði er lok­ið, þá verðum við fljót að spyrna við. “

Þetta sagði Katrín Jak­obs­dóttir for­sæt­is­ráð­herra í Kast­ljósi í kvöld þar sem hún ræddi meðal ann­ars þær efna­hags­legu afleið­ingar sem eru að teikn­ast upp vegna útbreiðslu veirunnar sem veldur COVID-19 sjúk­dómn­um. 

Aðspurð hvernig íslenska ríkið væri í stakk búið til að takast á við þessa stöðu og hvenær væri von á að sjá þær aðgerðir sem gripið verði til benti Katrín á að fyrstu aðgerðir hefðu verið kynntar fyrir nákvæm­lega viku síð­an. „Mér finnst eins og það sé svona ár síð­an, það er svo mikið búið að ger­ast.“

Katrín stað­festi að frek­ari efna­hags­að­gerðir væru í und­ir­bún­ingi, en Kjarn­inn greindi frá því í gær að slíkar yrðu vænt­an­lega kynntar í vik­unni. Heim­ildir Kjarn­ans herma að Stein­grímur J. Sig­fús­son, for­seti Alþing­is, hafi boðað það á fundi með þing­flokks­for­mönnum í dag að svo­kall­aður band­ormur frá Bjarna Bene­dikts­syni, fjár­mála- og efna­hags­ráð­herra, væri vænt­an­legur í lok viku inn á þing­ið. Slíkur band­ormur er sam­an­safn breyt­inga á ýmsum lögum og við­mæl­endur Kjarn­ans eru sam­mála um að hann verði lagður fram eftir að aðgerð­ar­pakki rík­is­stjórn­ar­innar verður kynnt­ur. Því sé lík­legt að það stytt­ist í kynn­ingu á hon­um. 

Ætla að ná fram fernum mark­miðum

Katrín sagði að stjórn­völd þyrfti að gera fernt með aðgerðum sín­um. „Stóru mark­miðin í þeim eru í fyrsta lagi að tryggja lífs­af­komu fólks. Alþingi var í dag að ræða frum­varp um hluta­bæt­ur, það mun taka breyt­ing­um.[...]Við erum að tryggja að lífs­af­koma fólks sé tryggð og að það geti haldið ráðn­ing­ar­sam­band­inu við sinn vinnu­veit­anda. 

Við þurfum að ráð­ast í aðgerðir til þess að styðja við fyr­ir­tækin vegna þess að þau auð­vitað halda uppi atvinnu­líf­inu í þessu landi. Þar vinnur allt fólkið í land­inu. Við þurfum sömu­leiðis að verja grunn­stoðir atvinnu­lífs­ins.[...]Í fjórða lagi þurfum við að gefa í í fjár­fest­ingu til að tryggja að hag­kerfið nái ákveð­inni við­spyrn­u.“

Allir skynja alvar­leik­ann

For­sæt­is­ráð­herra sagði að Icelandair væri að horfa framan í aðstæður þar sem flug sé nán­ast að leggj­ast af. En þreng­ing­arnar sem væru framundan væru ekki ein­ungis bundnar við ferða­þjón­ustu. Til að mynda værum við að flytja út fisk á veit­inga­staði sem fæstir væru nú opnir á okkar helstu mörk­uð­um.

Þegar Katrín var spurð af því hvort að það yrði póli­tískur óstöð­ug­leiki hér í nán­ustu fram­tíð sagði hún það vera algjört val hvort að svo yrði. „Það verða gerð mis­tök í þessu ferða­lagi eins og öðru.“ Hún hafi í dag fundað með for­svars­mönnum launa­fólks og atvinnu­lífs í dag og að það hafi verið dýr­mæt sam­töl. Allir skynji alvöru máls­ins, líka full­trúar stjórn­ar­and­stöð­unn­ar.