Kom heim frá Bretlandi vegna værukærra viðbragða við veirunni

Íslenskir námsmenn erlendis eru nú margir komnir heim eða að íhuga að koma heim vegna útbreiðslu kórónuveirunnar. Doktorsnemi í Bretlandi segist vera kominn heim vegna værukærðar af hálfu bæði stjórnvalda og almennings þar í landi.

Bjarki Þór Grönfeldt er doktorsnemi í stjórnmálasálfræði við University of Kent í Englandi.
Bjarki Þór Grönfeldt er doktorsnemi í stjórnmálasálfræði við University of Kent í Englandi.
Auglýsing

„Ég kom heim á þriðju­dag­inn. Mér leist ekk­ert á þetta, hvernig bresk stjórn­völd voru að taka á málum þar í landi. Þeirra við­brögð ein­kenn­ast af rosa­lega mik­illi væru­kærð og seina­gangi og þau virð­ast ekki vera alveg í tengslum við raun­veru­leik­ann, alla­vega ekki þann raun­veru­leika sem önnur lönd skynja,“ segir Bjarki Þór Grön­feldt, dokt­or­snemi í stjórn­mála­sál­fræði við háskól­ann í Kent í Bret­landi, í sam­tali við Kjarn­ann.

Hann er einn fjöl­margra íslenskra náms­manna erlendis sem hafa orðið fyrir áhrifum af útbreiðslu kór­ónu­veirunn­ar. Margir þeirra eru komnir heim til Íslands. Veiran hefur mikil áhrif í skóla­kerf­inu eins og ann­ars staðar og Bjarki segir hóp tíu til fimmtán náms­manna í Bret­landi sem hann er reglu­lega í sam­skiptum við vera í svip­uðum sporum og hann sjálf­ur.

„Ég held að það séu meira og minna allir komnir heim, eða með plön um að fara heim,“ segir Bjarki, sem situr í stjórn SÍNE, Sam­taka íslenskra náms­manna erlend­is, um þennan hóp félaga sinna í breskum háskól­um. „Ég ætl­aði bara að bíða og sjá, en þegar það varð ljóst í hádeg­inu á mánu­dag­inn að allir þeir fundir og annað slíkt sem ég átti að vera við­staddur á næstu vikum féllu niður ákvað ég að fljúga heim.“

Auglýsing

„Keep calm and carry on“ eigi ekki við um þessa ógn

Hann seg­ist hafa orðið var við væru­kærð vegna veirunnar í Bret­landi, bæði af hálfu yfir­valda sem og almenn­ings. Í Bret­landi er þannig hálf­gerður „blitz spi­rit“ ríkj­andi, segir Bjarki, og vísar þar til þess æðru­leysis sem breskur almenn­ingur er sagður hafa sýnt þegar þýski flug­her­inn gerði loft­árás eftir loft­árás á breskar borgir snemma í síð­ari heims­styrj­öld. Fólk reyndi þá að halda lífi sínu gang­andi eins og venju­lega þrátt fyrir að ógn steðj­aði að, „bara „keep calm and carry on“, sem er kannski ekki alveg við­eig­andi þegar þú ert að eiga við ósýni­legan óvin,“ að mati Bjarka.

Bjarki seg­ist hafa orðið þess var að í Canter­bury þar sem hann býr hafi krár enn verið þétt setnar skömmu áður en hann hélt heim á leið og það við­horf hafi heyrst ansi víða, sem hann hafi ekki heyrt hér á landi, að stjórn­völd væru að gera of mikið veður út af veirunni. Skila­boð um að við­hafa faðm­flótta (e. social distancing) hafi ekki náð eyrum allra.

Á sama tíma hefðu bresk stjórn­völd verið að gera lítið í sam­an­burði við nágranna­þjóð­irnar á meg­in­landi Evr­ópu. Grunn­skólar lands­ins lok­uðu þó í gær um óákveð­inn tíma og börum og veit­inga­stöðum hefur einnig verið skipað að loka, frá og með deg­inum í dag. Auk­inn þungi er þannig að fær­ast í við­brögð breskra yfir­valda núna.

Háskól­arnir fengu þó engin mið­læg skila­boð um að loka, þó að allir séu þeir nú búnir að færa kennsl­una alfarið yfir á net­ið. En það var hverjum og einum skóla í sjálfs­vald sett. Bjarki segir að ýmis­legt virð­ist spila inn í þá ákvarð­ana­töku, þannig hafa verið nærri mán­að­ar­löng verk­föll í breskum háskólum á önn­inni til þessa og stjórn­endur viljað reyna að halda skól­unum opnum eins lengi og hægt væri af þeim sök­um, svo önnin færi ekki alveg í vaskinn. Breska háskóla­kerfið sé enda mjög pen­inga­drif­ið.

„Ég er hepp­inn, mitt nám er svo sem bara rann­sókn­ir, þannig að ég get sinnt því þannig séð hvar sem er ef ég kem mér upp aðstöðu til að lesa og skrifa, en þetta horfir allt öðru­vísi við þeim sem eru í verk­legu námi og þurfa að sækja tíma. Hver og einn skóli verður bara að taka á því og ég veit að þetta er meira og minna allt í upp­námi, öll próf og annað slíkt. Það er bara risa spurs­mál, hvernig verður með prófin og ann­að,“ segir Bjarki og bætir við að búið sé að fella niður hin svoköll­uðu „A-­levels“ próf, inn­töku­prófin í bresku háskól­ana, sem áttu að fara fram í vor.

Náms­menn utan Evr­ópu hafa að fleiru að huga

Almennt telur Bjarki að heims­far­ald­ur­inn sé að hafa tölu­vert mikil áhrif á stöðu íslenskra náms­manna erlendis og skilur að marigr vilji kom­ast heim í öryggi, upp­lifi þeir öryggi sleysi ytra, líkt og hann sjálf­ur. En það er ekki ein­falt fyrir alla að yfir­gefa landið þar sem þeir eru í námi, þrátt fyrir að skóla­kerfið stoppi. Sumir þurfa að hafa áhyggjur af vega­bréfs­á­rit­un­um, til dæmis þeir sem eru í námi í Banda­ríkj­un­um, Asíu eða Ástr­al­íu.

„Í Bret­landi til dæmis eru flestir þeir sem koma utan Evr­ópu á svoköll­uðu „Tier 4 Visa“, sem er mjög strangt, þannig að það er mjög tak­markað hversu mikið þú mátt fara úr landi og hversu mikið þú mátt missa úr nám­inu á meðan því stend­ur. En það var gefið út núna síð­ustu helgi að inn­an­rík­is­ráðu­neytið myndi gefa und­an­þágu núna, fyrir þá sem vilja fara heim til sín á meðan þetta ástand gengur yfir,“ segir Bjarki. 

LÍN hefur gert ýmis­legt til þess að létta náms­mönnum lífið í þessum maka­lausu aðstæð­um. Þannig hafa náms­menn erlendis fengið vil­yrði fyrir auka ferða­láni, þannig að hægt sé að fá lánað fyrir auka ferð heim til Íslands á meðan far­ald­ur­inn geisar og einnig er búið að slaka á kröfum um stað­fest­ingu á náms­fram­vindu, sem Bjarki seg­ist ánægður með. 

Hann segir að trygg­inga­mál gætu vaf­ist fyrir ein­hverjum náms­mönnum og segir eðli­legt að þau sem eru í námi í Banda­ríkj­unum eða Ástr­alíu hafi ein­hverjar áhyggjur af því hvort þau séu nógu vel tryggð í dval­ar­land­inu, fari svo að þau þurfi að leita til heil­brigð­is­kerf­is­ins vegna COVID-19 sýk­ing­ar.

„Það gerði eng­inn ráð fyrir heims­far­aldri, held ég, þegar fólk var að skipu­leggja námið sitt,“ segir Bjarki.



Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Þeir skipta þúsundum, tannburstarnir í norska skóginum.
Tannburstarnir í skóginum
Jordan, tannburstaframleiðandinn þekkti, hefur auglýst eftir notuðum tannburstum sem áhugi er á að reyna að endurvinna. Í norskum skógi hafa fleiri þúsund tannburstar frá Jordan legið í áratugi og rifist er um hver beri ábyrgð á að tína þá upp.
Kjarninn 30. september 2022
Orri Hauksson, forstjóri Símans.
Síminn vill greiða hluthöfum 31,5 milljarða vegna sölunnar á Mílu – og svo sennilega meira
Franska fyrirtækið Ardian er búið að gera upp við Símann vegna kaupanna á Mílu. Síminn ætlar að leggja tillögu um að greiða hluthöfum 31,5 milljarða króna af söluandvirðinu fyrir hluthafafund í lok október.
Kjarninn 30. september 2022
Á fjórum stöðum streymir gas upp af leiðslunni í Eystrasalti.
„Um viljaverk var að ræða“
Götin á Nord Stream-gasleiðslunum er mjög stór og gríðarlegt magn metans streymir enn út í andrúmsloftið. Danir og Svíar ætla að gæta þess að á fundi öryggisráðs Sþ í kvöld verði fjallað um staðreyndir, „nefnilega þær að um viljaverk var að ræða“.
Kjarninn 30. september 2022
Fleiri íbúar landsbyggðarinnar en höfuðborgarsvæðisins telja sig hafa verið bitna af lúsmýi og mest er aukningin á Norðurlandi.
Lúsmýið virðist hafa náð fótfestu á Norðurlandi í sumar
Áttunda sumarið í röð herjaði lúsmýið á landann. Nærri þrefalt fleiri landsmenn telja sig hafa verið bitna af lúsmýi í sumar, tvöfalt fleiri en fyrir þremur árum. Mest var aukningin á Norðurlandi.
Kjarninn 30. september 2022
Í austurvegi
Í austurvegi
Í austurvegi – Deng Xiaoping - seinni hluti 邓小平 下半
Kjarninn 30. september 2022
Gatnamótin sem um ræðir eru við norðurenda stokksins og yrðu mislæg, en þó í plani við umhverfið í kring.
Borgin vill sjá útfærslu umfangsminni gatnamóta við mynni Sæbrautarstokks
Allt að sex akreinar verða á hluta Kleppsmýrarvegar samkvæmt einu tillögunni að nýjum mislægum gatnamótum við mynni Sæbrautarstokks sem lögð var fram í matsáætlun. Reykjavíkurborg vill að umfangsminni gatnamót verði skoðuð til samanburðar.
Kjarninn 30. september 2022
Gylfi Helgason
Staða menningarmála: Fornleifar
Kjarninn 30. september 2022
Vilhjálmur Árnason (t.v.) er fyrsti flutningsmaður tillögunnar. Bergþór Ólason þingmaður Miðflokksins er á meðal alls 22 meðflutningsmanna Vilhjálms.
Yfir tuttugu þingmenn vilja að Ísland verði leiðandi í rannsóknum á hugvíkkandi efnum
Stór hópur þingmanna úr öllum flokkum nema Vinstrihreyfingunni – grænu framboði vill sjá heilbrigðisráðherra skapa löglegan farveg fyrir rannsóknir á virka efninu í ofskynjunarsveppum hér á landi, þannig að Ísland verði „leiðandi“ í rannsóknum á efninu.
Kjarninn 30. september 2022
Meira úr sama flokkiInnlent