Sam­herji Hold­ing ehf., annar hluti Sam­herj­a-­sam­stæð­unn­ar, hefur sent fjár­mála­eft­ir­liti Seðla­banka Íslands erindi þar sem félagið óskar eftir und­an­þágu frá yfir­töku­skyldu sem mynd­að­ist eftir að félagið eign­að­ist yfir 30 pró­sent eign­ar­hlut í Eim­skip þann 10. mars síð­ast­lið­inn. 

Í til­kynn­ingu til Kaup­hallar Íslands í dag segir að með bréfi til fjár­mála­eft­ir­lits Seðla­banka Íslands í dag hafi Sam­herji Hold­ing óskað eftir „und­an­þágu frá yfir­töku­skyld­unni vegna þeirra sér­stöku aðstæðna sem hefðu skap­ast á fjár­mála­mark­aði vegna útbreiðslu Covid-19. Í lögum um verð­bréfa­við­skipti er fjár­mála­eft­ir­lit­inu veitt heim­ild til að veita slíka und­an­þágu ef sér­stakar ástæður mæla með því.“

Björgólfur Jóhanns­son, starf­andi for­stjóri Sam­herja Hold­ing, segir að á örfáum dögum hafi allt efna­hags­um­hverfið breyst stór­lega, langt umfram það sem spár gerðu ráð fyr­ir. „Áhrifin eru afar víð­tæk og keðju­verk­andi á fjár­mála­mark­aði og á efna­hags­lífið í heild sinni. Við teljum ekki skyn­sam­legt að til­boð um yfir­töku fari fram í skugga þess mikla umróts sem nú á sér stað. Við vonum öll að aðstæður verði heppi­legri fyrr en síð­ar. Trú okkar á fram­tíð Eim­skips hefur ekk­ert breyst.“

Málið er nú til skoð­unar hjá fjár­mála­eft­ir­liti Seðla­banka Íslands, sem getur sett skil­yrði fyrir und­an­þág­unni, t.d. varð­andi frest til að selja hluti sem eru umfram 30 pró­sent eign­ar­hlut og með­ferð atkvæð­is­réttar á því tíma­bili.

Virði bréfa í Eim­skip hefur fallið um tæp 12 pró­sent síð­ast­lið­inn mán­uð.