Stefna á íslenska þáttagerð en gefa ekkert upp um ásókn í enska boltann

Streymisveitan Viaplay verður aðgengileg á Íslandi frá og með 1. apríl. Forseti og framkvæmdastjóri NENT Group, sem rekur streymisveituna, ræddi við Kjarnann um fyrirætlanir fyrirtækisins á íslenska markaðnum.

Anders Jensen, forseti og framkvæmdastjóri NENT Group.
Anders Jensen, forseti og framkvæmdastjóri NENT Group.
Auglýsing

„Við erum mjög spennt,“ segir And­ers Jen­sen, for­seti og fram­kvæmda­stjóri Nor­dic Enterta­in­ment Group, sem rekur streym­isveit­una Viaplay, í sam­tali við Kjarn­ann um inn­reið fyr­ir­tæk­is­ins inn á íslenskan neyt­enda­markað núna um mán­aða­mót­in. 

Jen­sen ræddi við blaða­mann frá heim­ili sínu í Kaup­manna­höfn í morg­un. Hann segir Viaplay stefna á að fram­leiða nokkuð af íslensku sjón­varps­efni og segir Ísland vera „frá­bært sögu­svið fyrir alls konar þætt­i“, en Viaplay hefur þegar komið að gerð einnar íslenskrar þáttar­að­ar, Stellu Blóm­kvist, sem sýnd var í sjón­varpi Sím­ans hér­lendis en á Viaplay á Norð­ur­lönd­um.

Þegar eru fram­leiðslu­verk­efni á vegum Viaplay í und­ir­bún­ingi hér­lend­is, en Jen­sen segir ekki tíma­bært að ræða ein­staka verk­efni á þessu stigi. Hann segir Viaplay vilja vera öfl­ugan sam­starfs­að­ila nor­rænna fram­leið­enda og þar með íslenskra, þannig að skap­andi fólk með stórar hug­myndir þurfi ekki endi­lega að leita til Hollywood til þess að hrinda þeim í fram­kvæmd.

Efnið sem Viaplay býður upp á skipt­ist í fjóra flokka; sér­­fram­­leitt Vi­apla­y-efni, kvik­­mynd­ir, þátt­­ar­að­ir, barna­efni og íþrótta­efni. Streym­isveitan er svipuð að upp­setn­ingu og Net­fl­ix, það eina sem þarf til að tengj­ast er greiðslu­kort til að kaupa áskrift­ina og netteng­ing til þess að streyma efn­inu á margs­konar tækj­um.

Auglýsing

Til að byrja með mun Viaplay bjóða íslenskum neyt­endum upp á þáttar­aða- og þáttar­aða­pakk­ann sinn fyrir 599 krónur á mán­uði, sam­kvæmt því sem kom fram í til­kynn­ingu fyr­ir­tæk­is­ins sem send var út í morg­un.

Íþrótt­irnar seldar sér

Hvað íþróttir varðar er Viaplay að verða risi á nor­rænum mark­aði og hefur til dæmis tryggt sér sýn­ing­ar­rétt­inn á enska bolt­anum í Nor­egi, Dan­mörku, Sví­þjóð og Finn­landi frá 2022-2028, auk þess að vera með sýn­ing­ar­rétt­inn á Meist­ara­deild Evr­ópu á ein­staka mörk­uðum nú þegar og mikið úrval af öðru íþrótta­efni.

Íþrótta­efnið er selt sér og verður ekki strax í boði á Íslandi, en Jen­sen segir að það verði á mjög sam­keppn­is­hæfu verði, ekki mikið dýr­ara en þær 599 krónur sem þáttar­aða- og kvik­mynda­pakk­inn mun kosta.

Jen­sen vill ekki stað­festa að Viaplay muni sækj­ast eftir sýn­ing­ar­rétt­inum á enska bolt­anum og Meist­ara­deild Evr­ópu hér­lend­is, en þessir sýn­ing­ar­réttir eru í höndum Sím­ans og Sýnar í dag.

Hann segir ekki tíma­bært að tjá sig um það, en bætir við að sagan sýni að Viaplay hafi verið „í sókn­ar­hug“ þegar komi að því að tryggja sér útsend­ing­ar­rétt­inn á þessu efni á Norð­ur­lönd­un­um.

Hann leggur áherslu á að Viaplay vilji alltaf gera meira en bara „tryggja sér sýn­ing­ar­rétt­inn“ að íþrótta­efni og segir alltaf mikla áherslu lagða á umgjörð og þátta­gerð tengda því íþrótta­efni sem sýnt er í gegnum streym­isveit­una.

Sækj­ast ólík­lega eftir íslensku íþrótta­efni

Viaplay er einnig með sýn­ing­ar­rétt­inn á til dæmis sænsku og dönsku úrvals­deild­unum í fót­bolta. Jen­sen segir aðspurður að hann telji „ólík­legt“ að Viaplay reyni að kaupa sýn­ing­ar­rétt­inn að íslensku íþrótta­efni, þar sem fyr­ir­tækið vilji reyna að vera með íþrótta­efni sem höfði til áhorf­enda­hópa á öllum sam­nor­ræna mark­aðn­um. Hann bætir þó við að aldrei skuli segja aldrei.

Spurður út í hvaða aðdrátt­ar­afl íslenski mark­að­ur­inn hafi fyrir Viaplay, í ljósi smæðar hans, segir Jen­sen að Viaplay vilji vera „sann­ar­lega sam­nor­ræn“ streym­isveita og svo hafi það einnig verið svo að inn­reið á íslenska mark­að­inn hafi haft lít­inn jað­ar­kostnað í för með sér fyrir fyr­ir­tæk­ið.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
„Við höfum staðið við það sem lofað var,“ sagði Bjarni Benediktsson um opinberar fjárfestingar á þingi í dag.
Kennir sveitarfélögum um samdrátt í opinberri fjárfestingu
Þingmaður Viðreisnar segir ríkisstjórnina ekki hafa efnt loforð um aukna innviðafjárfestingu. Fjármálaráðherra segir sveitarfélögin bera ábyrgð á því að opinber fjárfesting hafi dregist saman en tölur frá Samtökum Iðnaðarins segja aðra sögu.
Kjarninn 4. mars 2021
Mjólkursamsalan er í markaðsráðandi stöðu hérlendis.
Hæstiréttur: MS misnotaði markaðsráðandi stöðu og á að greiða 480 milljónir í ríkissjóð
Tæplega áratugalangri deilu, sem hófst þegar fyrrverandi forstjóri Mjólku fékk óvart sendan reikning sem hann átti ekki að fá, er lokið. Niðurstaða æðsta dómstóls landsins er að Mjólkursamsalan hafi brotið alvarlega gegn samkeppnislögum.
Kjarninn 4. mars 2021
Samtök iðnaðarins héldu sitt árlega Iðnþing í dag. Myndin er af svonefndu Húsi atvinnulífsins í Borgartúni.
Auka þurfi gjaldeyristekjur um 1,4 milljarða á viku næstu fjögur ár
Samtök iðnaðarins telja að til þess að skapa „góð efnahagsleg lífsgæði“ á Íslandi þurfi landsframleiðsla að aukast um 545 milljarða króna á næstu fjórum árum. Þau kalla eftir því að ríkisfjármálum verði beitt af fullum þunga til að skapa viðspyrnu.
Kjarninn 4. mars 2021
Guðmundur Ragnarsson
Hvar eru störfin?
Kjarninn 4. mars 2021
Spútnik V bóluefnið er komið í áfangamat hjá Lyfjastofnun Evrópu.
Spútnik V komið í áfangamat hjá Lyfjastofnun Evrópu
Rússneska bóluefnið Spútnik V er komið í áfangamat hjá sérfræðinganefnd Lyfjastofnunar Evrópu. Nýlegar niðurstöður sem voru birtar í Lancet gefa til kynna að bóluefnið veiti 91,6 prósent vörn gegn COVID-19 og sé laust við alvarlegar aukaverkanir.
Kjarninn 4. mars 2021
Sigurður Páll Jónsson þingmaður Miðflokksins er fyrsti flutningsmaður tillögunnar.
Félag flugmanna telur hugmyndir Miðflokks um varaflugvöll í Skagafirði óraunhæfar
Það er „með öllu óraunhæft“ að byggja upp Alexandersflugvöll í Skagafirði eins og þingflokkur Miðflokksins telur vert að kanna, að mati Félags íslenskra atvinnuflugmanna. Bent er á að aðrir flugvellir, sem séu í reglulegri notkun, þurfi viðhald.
Kjarninn 4. mars 2021
Þórólfur Guðnason sóttvarnalæknir og Alma Möller landlæknir.
„Góðar líkur“ á að veiran hafi verið upprætt innanlands
Sóttvarnalæknir segir að þó að góðar líkur séu á því að veiran hafi verið upprætt innanlands sé nauðsynlegt að halda vöku sinni því aðeins eitt afbrigði, einn einstaklingur, getur sett faraldur af stað. 90 hafa greinst með breska afbrigðið hér á landi.
Kjarninn 4. mars 2021
Kynnti vísbendingar um ferðavilja fyrir ríkisstjórn
Ráðherra ferðamála fór á ríkisstjórnarfundi á þriðjudag yfir þær vísbendingar sem eru til staðar um ferðavilja erlendra og innlendra ferðamanna næstu misserin. Kjarninn fékk samantekt á minnisblaði sem ráðherra kynnti frá ráðuneytinu.
Kjarninn 4. mars 2021
Meira úr sama flokkiInnlent