Sitjandi dómari við Landsrétt metinn hæfastur til að verða skipaður í Landsrétt

Dómnefnd um hæfi umsækjenda um lausa stöðu í Landsrétti telur að Ásmundur Helgason standi öðrum umsækjendum framar og sé hæfastur til að gegna embætti dómara við Landsrétt. Hann er þegar dómari við réttinn, en hefur ekki starfað þar í rúmt ár.

Áslaug Arna Sigurbjörnsdóttir dómsmálaráðherra mun skipa í embættið.
Áslaug Arna Sigurbjörnsdóttir dómsmálaráðherra mun skipa í embættið.
Auglýsing
Dóm­nefnd um hæfi fjög­urra umsækj­enda um skipun í emb­ætti dóm­ara við Lands­rétt hefur kom­ist að þeirri nið­ur­stöðu að Ásmundur Helga­son sé hæf­astur umsækj­enda. Áslaug Arna Sig­ur­björns­dóttir dóms­mála­ráð­herra mun nú taka ákvörðun um skip­un­ina með hlið­sjón af nið­ur­stöðu dóm­nefnd­ar. 

Fjórir sóttu um stöð­una: Ásmundur og Ragn­heiður Braga­dótt­ir, sem eru bæði dóm­­­­arar við Lands­rétt, Sandra Bald­vins­dótt­ir, settur dóm­ari Í Lands­rétti, og Ást­ráður Har­alds­son, hér­aðs­dóm­ari. 

Ásmundur og Ragn­heiður voru bæði á meðal þeirra fjög­urra ein­stak­linga sem voru ekki metin á meðal 15 hæf­ustu í hæfn­is­mati dóm­nefndar þegar dóm­arar voru upp­haf­lega skip­aðir í Lands­rétt í aðdrag­anda stofn­unar hans, en voru samt sem áður skipuð í emb­ætti við rétt­inn. Það gerð­ist eftir að Sig­ríður Á. And­er­sen, þáver­andi dóms­­­­mála­ráð­herra, ákvað að víkja frá hæfn­is­mati dóm­­­­­­­­­nefndar og til­­­­­­­­­­­­­nefna fjóra ein­stak­l­inga dóm­­­­­­­ara sem nefndin hafði ekki metið á meðal 15 hæf­­­­­­ustu og þar af leið­andi að skipa ekki fjóra aðra sem nefndin hafði talið á meðal þeirra hæf­­­­­­­ustu. Alþingi sam­­­­­­­þykkti þetta í byrjun júní 2017.

Auglýsing
Í kjöl­farið hafa íslenskir dóm­stólar úrskurðað að Sig­ríður hafi brotið stjórn­sýslu­lög með atferli sínu. Auk þess kom­st Mann­rétt­inda­­­­dóm­­­­stóll Evr­­­­ópu að þeirri nið­­­­ur­­­­stöðu í mál­inu í mars í fyrra að dóm­­­­ar­­­­arnir fjórir sem voru færðir upp á lista Sig­ríðar væru ólög­­­­lega skip­að­ir, og geti þar með ekki fellt dóma yfir þeim sem fyrir þá koma, enda hafi þeir ekki hlotið rétt­láta máls­­­­með­­­­­­­ferð. Í kjöl­far þess að dómur Mann­rétt­inda­­­­dóm­stóls­ins féll þá sagði Sig­ríður af sér emb­ætti dóms­­­­mála­ráð­herra. 

Áskildi sér rétt til að höfða dóms­mál

Ást­ráður var einn þeirra fjög­­­­urra sem urðu af dóm­­­­ara­­­­sæti vegna þessa en dóm­nefnd hafði metið hann á meðal 15 hæf­ustu. Kjarn­inn greindi frá því 24. jan­úar síð­ast­lið­inn að hann hefði til­kynnt dóms­mála­ráð­herra með bréfi að hann áskildi sér rétt til að láta reyna á það fyrir dóm­stólum ef þegar skip­aðir dóm­­arar við Lands­rétt verði skip­aðir í lausa stöðu við rétt­inn.

Í bréf­inu sagði að það væri að mati Ást­ráðs aug­­ljós hætta á því að ef umsókn skip­aðs Lands­rétt­­ar­­dóm­­ara væri talin gild og myndi svo leiða til nýrrar skip­unar umsækj­and­ans í emb­ætti Lands­rétt­­ar­­dóm­­ara gætu þeir sem svo kysu látið á það reyna hvort slík skipun teld­ist lög­­­mæt.

Með slíkri skipan væri í raun verið að gera til­­raun til að lög­­helga eftir á skipun dóm­­ara sem þegar hefði verið metin ólög­­mæt. „Ég tel tals­verðar líkur á að nið­­ur­­staða dóm­stóla yrði sú að slík skipan stæð­ist ekki. Það væri, svo vægt sé til orða tek­ið, í ljósi for­­sög­unn­­ar, afar óheppi­­legt bæði fyrir dóms­­kerfið og umsækj­and­ann ef það yrði nið­­ur­­stað­­an. Slíkur fram­­gangur væri auk þess til þess fall­inn að draga á lang­inn ríkj­andi réttaró­vissu um fram­­tíð­­ar­­skipan Lands­réttar og fæli í sér afar sér­­­kenn­i­­leg skila­­boð inn í yfir­­stand­andi mála­­rekstur fyrir Mann­rétt­inda­­dóm­stóli Evr­­ópu. Ég tel raunar að Lands­­réttur megi illa við frek­­ari slíkum skakka­­föll­u­m.“

Í umsögn dóm­nefndar nú kemur fram að dóms­mála­ráðu­neytið hafi tekið sér­stak­lega til athug­unar hvort lög stæðu í vegi fyrir því að umsóknir Ásmund­ar  og Ragn­heið­ar, sem þegar hafa skipun í Lands­rétt, yrðu teknar til með­ferð­ar. Nið­ur­staða ráðu­neyt­is­ins var sú að svo væri ekki. Því lagði dóm­nefndin mat á hæfi allra umsækj­end­anna. Kjarn­inn greindi frá því í byrjun febr­úar að lög­­fræð­ingar innan dóms­­mála­ráðu­­neyt­is­ins hefðu fram­­kvæmt athug­un­ina. Ekki var leitað álits utan­­að­kom­andi sér­­fræð­inga. 

Ásmundur bar af í gæðum við samn­ingu dóma

Ásmundur hefur ekki sinnt Lands­dóm­ara­störfum í rúmt eitt ár, eða frá því að dómur Mann­rétt­inda­dóm­stóls Evr­ópu féll. Störf hans sem Lands­rétt­ar­dóm­ari eru hins vegar metin þegar tekin er saman reynsla af dóm­störfum sem vigta inn í nið­ur­stöðu dóm­nefndar um hæfi, enda hafði hann starfað við rétt­inn frá byrjun árs 2018.

Einn liður sem dóm­nefndin skoð­aði sér­stak­lega var almenn starfs­hæfni og and­legt atgervi. Þar skil­uðu umsagn­ar­að­ilar sem umsækj­endur höfðu til­nefnt umsögn um þá. Í til­felli Ásmundar veittu tveir aðilar umsögn: Her­vör Þor­valds­dótt­ir, for­seti Lands­rétt­ar, og Aðal­steinn E. Jón­as­son lands­rétt­ar­dóm­ari. 

­Dóm­nefndin lagði líka sér­stakt mat á færni umsækj­enda við að semja dóma. Í dómum Hæsta­réttar í des­em­ber 2017, þar sem skipun fjög­urra dóm­ara við Lands­rétt í júní 2017 var dæmd ólög­mæt, kom fram að það væri ann­marki á umsögn dóm­nefndar þá að ekki var sér­stak­lega lagt mat á þá færn­i. 

Nið­ur­staða þess mats var að dóms­úr­lausnir Ásmundar „beri af í gæð­um, hvort sem horft er til skýr­leika og mál­fars, reif­unar máls­at­vika, ágrein­ings­efna og máls­á­stæðna, og loks rök­stuðn­ings fyrir nið­ur­stöðu á grund­velli sönn­un­ar- og laga­at­riða“. Næst honum kom Ragn­heið­ur, svo Sandra og loks Ást­ráð­ur.

Sam­an­dregið var það mat nefnd­ar­inn­ar, eftir að hafa lagt heild­rænt mat á menntun og reynslu umsækj­enda, að Ásmundur stæði öðrum umsækj­endum fram­ar. Hann væri því hæf­astur umsækj­enda til að gegna emb­ætti dóm­ara við Lands­rétt.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinunn Böðvarsdóttir, sérfræðingur á hagdeild VR
Lýðræði á vinnustöðum mun meira á hinum Norðurlöndunum
Sérfræðingur hjá VR segir starfsfólk hérlendis ekki geta haft jafnmikil áhrif á ákvarðanir sem varða vinnustaði þeirra og starfsmenn á hinum Norðurlöndunum í nýjasta tölublaði Vísbendingar.
Kjarninn 7. mars 2021
Þórólfur Guðnason sóttvarnarlæknir
Segir að endurskoða þurfi afléttingar ef mörg fleiri smit greinast
Sóttvarnarlæknir segir næstu tvo daga munu gefa skýrari mynd af umfangi nýrra COVID-19 smita utan sóttkvíar innanlands. Að hans mati þyrfti að endurskoða fyrirhugaðar afléttingar á sóttvarnaraðgerðum ef það kemur í ljós að mikið fleiri eru smitaðir.
Kjarninn 7. mars 2021
Tvö smit af breska afbrigðinu
Síðustu daga hafa tveir greinst innanlands utan sóttkvíar með breska afbrigðið af COVID-19. Einn hinna smituðu fór á tónleika í Hörpu á föstudagskvöldið.
Kjarninn 7. mars 2021
Starfsmaður Landspítalans með COVID-19
Upp hefur komið COVID-19 smit á Landspítalanum. Starfsmaður greindist með veiruna, en samkvæmt aðstoðarmanni forstjóra Landspítalans hafði hann ekki verið í útlöndum nýlega.
Kjarninn 7. mars 2021
Ókláruðum íbúðum fækkar ört
Fjöldi ófullbúinna íbúða í síðustu viku var fjórðungi minni en á sama tíma árið á undan. Síðustu mælingar sýna að þeim hefur fækkað enn frekar frá áramótunum, en búist er við frekari samdrætti á næstunni.
Kjarninn 7. mars 2021
Tæknivarpið
Tæknivarpið
Tæknivarpið – Risastórt rafíþróttamót og Twitter útibú
Kjarninn 7. mars 2021
Aflaverðmæti útgerða jókst milli ára þrátt fyrir heimsfaraldur
Aflaverðmæti þess sjávarfangs sem íslensk fiskiskip veiddu í fyrra er rúmum 20 milljörðum krónum meira en það var árið 2018. Útgerðir landsins hafa því heilt yfir farið vel út úr heimsfaraldri kórónuveiru.
Kjarninn 7. mars 2021
Þorgerður Katrín Gunnarsdóttir formaður Viðreisnar
Segir Bjarna hafa viljað ráðið hver væri fulltrúi Viðreisnar í stjórn Íslandspósts
Formaður Viðreisnar segir fjármálaráðherra hafi losað sig við fulltrúa flokksins úr stjórn Íslandspósts, sem hafi veitt fyrirtækinu aðhald, og sett undirmann sinn úr fjármálaráðuneytinu inn í staðinn.
Kjarninn 7. mars 2021
Meira úr sama flokkiInnlent