Gríðarleg eftirspurn eftir matarúthlutunum – „Þjóðarátak að enginn svelti“

Hópur sjálfboðaliða kom matvælum og nauðsynjavörum til 1.272 einstaklinga í síðustu viku og um helgina. Forsprakki verkefnisins segir mikla fátækt vera á Íslandi og að almenningur verði að fara að gera sér grein fyrir því.

Pokum í massavís voru keyrðir út í síðustu viku.
Pokum í massavís voru keyrðir út í síðustu viku.
Auglýsing

Fjöldi sjálf­boða­liða og Fjöl­skyldu­hjálp Íslands, í samvinnu við Slysa­varna­fé­lagið Lands­björgu, tók höndum saman í síðustu viku til að koma mat­vælum og nauð­synjum til fjöl­skyldna og ein­stak­linga sem reiða sig á mat­ar­út­hlut­anir í hverjum mán­uði, en vegna sam­komu­banns sem tók gildi í byrjun vikunnar var ekki lengur hægt að við­hafa hefð­bundnar leiðir til úthlut­un­ar.

Ásgeir Ásgeirsson, annar forsprakki átaksins, segir í samtali við Kjarnann að matarúthlutanirnar hafi gengið vel, þetta hafi verið gríðarleg vinna en tekist á endanum. Hann og konan hans, Rósa Bragadóttir, sem einnig tók þátt í að koma verkefninu af stað, keyrðu út síðustu sendinguna síðastliðinn laugardag. Alls var farið með matarpoka til 1.272 kvenna, karla og barna.

Um 35 manns tóku þátt í að láta útkeyrsluna verða að veruleika og segir Ásgeir að allir hafi tekið þeim vel. Verkefnið hafi verið mjög gefandi fyrir þá sem hjálpuðu til. Þá þakkar hann Ásgerði Jónu Flosadóttur hjá Fjölskylduhjálpinni sérstaklega fyrir samstarfið – það hafi verið ómetanlegt.

Auglýsing

Beiðnirnar fleiri en þau óraði fyrir

Matarúthlutunin gekk vel en fleiri þurfu á aðstoð að halda en búist var við. Mynd: Ásgeir ÁsgeirssonÁður en útkeyrslan hófst var skrán­ing­ar­síða sett á laggirnar með leyfi frá Almanna­vörnum og með vit­und emb­ættis sótt­varn­ar­lækn­is. Þar var hægt að senda inn beiðnir um úthlutun og jafnframt var opnað síma­ver þar sem hægt var að hringja inn í beiðnir. Síma­verið var mannað fólki sem talar íslensku, pólsku, spænsku og arab­ísku og var ætlað þeim sem ekki hafa aðgang að net­inu. Ásgeir segir að mikið álag hafi verið á símaverinu og að beiðnirnar hafi orðið mikið fleiri en þau óraði fyrir.

Engum blöðum er um það að fletta að margir þurfa á aðstoð að halda í íslensku samfélagi og bendir Ásgeir á að fólkið sem þurfi á slíkri aðstoð að halda sé einungis venjulegt fólk eins og aðrir. Það nái einfaldlega ekki endum saman.

Hann segir enn fremur að allt hafi gengið vel er varðar sóttvarnir – enda hafi allir verið mjög meðvitaðir um þær. Mikils öryggis hafi verið gætt. „Allir voru sprittaðir og með hanska og jafnvel með grímur,“ segir hann en bætir því þó við að þegar forsetinn kom í heimsókn hafi fólk tekið af sér grímurnar – svona fyrir kurteisis sakir. „Það hefði kannski ekki alveg verið viðeigandi að hylja sig fyrir forsetanum,“ segir hann og hlær.

Ríkið þarf að koma að verkefnum sem þessum

Þegar Ásgeir er spurður út í það hvort hópurinn ætli að endurtaka leikinn og flytja matvörur aftur til þeirra sem þurfa á því að halda segir hann að nú vandist málin. Aðgerð sem þessi kosti peninga. Eini möguleikinn á að halda þessu áfram, samkvæmt Ásgeiri, er að ef stjórnvöld komi að þessu með einhverjum hætti. „Við getum ekki sett þetta álag á venjulegt fólk – það þyrfti að þjálfa fólk til að vinna þessa vinnu viku eftir viku.“

En hvernig er þá hægt að hjálpa þessu fólki áfram? Ásgeir segir að svarið liggi í ríkisstuðningi. Fara þurfi vel yfir hvaða fjármagn sé nauðsynlegt og gera góða áætlun. „Það sem þyrfti að gerast væri að fá einhvern sem ræður sem er tilbúinn að skella peningum í þetta og heimila leigubílum að taka þátt í þessu.“ Sem sagt að vita hvaða fjármagn þurfi og fá síðan gott og reynslumikið fólk til að stýra þessu. Þannig gæti átak sem þetta gengið í tvo mánuði. Þá þurfi að fara í þjóðarátak svo enginn svelti í þessu ástandi.

Mikil vinna liggur að baki matarúthlutun sem þessari og útkeyrslu. Mynd: Ásgeir Ásgeirsson

Spilum ekki útdeilt jafnt

Ásgeir segir frá því þegar hann fór með pakka síðastliðinn laugardag til manns sem hafði verið að bíða eftir honum en hann hafði ekki haft mat alla síðustu viku.

„Maður fór að skilja betur að spilunum sé ekki útdeilt jafnt. Það virðist vera vandamál sem ekki er tekið á og fólk virðist ekki vilja ræða. Það er rosalega erfitt að horfa upp á það þegar fólk talar vandamálið niður þegar það er augljóslega til staðar. Það er mikil fátækt og erfiðleikar í gangi í samfélaginu okkar. Það fólk sem talar vandamálið niður ætti að koma í eina dreifingu og segja augliti til auglitis því fólki að ekkert vandamál sé til staðar,“ segir hann.

Hann segist þó ekki hafa grunað að vandamálið væri af þessari stærðargráðu áður en verkefnið hófst en hann bjóst við að um 300 til 400 manns þyrftu á aðstoð að halda en eins og áður segir keyrðu sjálfboðaliðarnir út matvæli og nauðsynjavörum til um 1.300 manns á þessum nokkru dögum.

Þannig hafi þau í sjálfboðaliðahópnum verið ofurliði borin þegar þau sáu viðbrögðin við ákalli þeirra enda óskuðu mikið fleiri eftir aðstoð en þeim hafði nokkurn tímann grunað.

Ásgeir lýkur máli sínu á að benda á að fólk sé ekki tölur á blaði og ef eitt barn sveltur þá sé það einu barni of mikið. Það sama megi auðvitað segja um allt annað fólk, til að mynda eldri borgara og öryrkja sem margir eru í vanda. „Það er hræðilegt að sjá að fólk sem búið er að vinna alla ævi – búið að skila sínu til samfélagsins – að það sé bara skilið eftir.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Frá vígslu málverkanna í febrúar árið 2018. Síðan þá hafa þau ekki verið sýnd hlið við hlið.
Portrettmyndir Obama-hjónanna gera víðreist um Bandaríkin
Aðsóknarmet var slegið í National Portrait Gallery í Washington D.C. eftir að opinberar portrettmyndir Obama-hjónanna bættust í safneignina árið 2018. Nú eru myndirnar á leið í 11 mánaða reisu vítt og breitt um Bandaríkin.
Kjarninn 19. júní 2021
Stefan Löfven, forsætisráðherra Svíþjóðar.
Afnám leiguþaks gæti orðið Löfven að falli
Svíþjóð hefur, líkt og önnur lönd í Evrópu, reynt að sporna gegn hröðum leiguverðshækkunum með leiguþaki. Nú gæti farið svo að sænska ríkisstjórnin falli vegna áforma um að afnema slíkar takmarkanir fyrir nýbyggingar.
Kjarninn 18. júní 2021
Frá Akureyri.
Starfsfólki sagt upp á hjúkrunarheimilinu Hlíð á Akureyri
Forseti ASÍ gagnrýnir hagræðingaraðgerðir sem bitna fyrst og fremst á starfsfólki að hennar mati. Heilsuvernd tók við rekstri Öldrunarheimila Akureyrar í apríl á þessu ári.
Kjarninn 18. júní 2021
Kona gengur fram hjá minningarvegg um fórnarlömb COVID-19 í London.
Delta-afbrigðið á fleygiferð á Bretlandseyjum
Tilfellum af COVID-19 fjölgaði um 50 prósent í Bretlandi á einum mánuði frá 5. maí til 7. júní. Smitum af völdum Delta-afbrigðisins svokallaða fjölgaði um tæp 80 prósent milli vikna. Ný bylgja segja sumir en aðrir benda á að hún verði aldrei skæð.
Kjarninn 18. júní 2021
Komum erlendra ferðamanna til landsins fækkaði um 81 prósent milli 2019 og 2020.
Íslendingar eyddu minna á ferðalögum innanlands í fyrra heldur en árið 2019
Heildarútgjöld íslenskra ferðamanna innanlands námu 122 milljörðum króna í fyrra og drógust saman um 14 prósent frá 2019. Hlutfall ferðaþjónustu í landsframleiðslu dróst saman um rúmlega helming á tímabilinu, fór úr átta prósentum niður í 3,9 prósent.
Kjarninn 18. júní 2021
Upplýsingar um alla hluthafa og hversu mikið þeir eiga í skráðum félögum hafa legið fyrir á opinberum vettvangi undanfarið. Þetta telur Persónuvernd stríða gegn lögum.
Persónuvernd telur víðtæka birtingu hluthafalista fara gegn lögum
Vegna nýlegra lagabreytinga hefur verið hægt að nálgast heildarhluthafalista skráðra félaga í Kauphöllinni í samstæðureikningum á vef Skattsins. Persónuvernd telur þessa víðtæku birtingu fara gegn lögum.
Kjarninn 18. júní 2021
Flókið að fást við fólk sem lætur sannleikann ekki þvælast fyrir sér
Kerfið brást Helgu Björgu harðlega eftir að hún upplifði stöðugt áreiti borgarfulltrúa Miðflokksins í um tvö ár án þess að geta borið hönd fyrir höfuð sér. Málið hefur haft margvíslegar alvarlegar afleiðingar á andlega og líkamlega heilsu hennar.
Kjarninn 18. júní 2021
Horft frá Nauthólsvík yfir á Kársnes og að Hamraborg, þar sem Kópavogsbær stefnir á uppbyggingu þéttrar byggðar meðfram væntum borgarlínuleiðum.
Telur kjörnum fulltrúum skylt að rýna í hugmyndir um ódýrari Borgarlínu
Bæjarfulltrúi Sjálfstæðisflokksins í Kópavogi vill rýna betur í hugmyndir um ódýrari Borgarlínu, sem lagðar hafa verið fram að undanförnu, svo vilji sveitarstjórna sé skýr í málinu. Einnig viðrar hún sérstakar áhyggjur af rekstrarkostnaði.
Kjarninn 18. júní 2021
Meira úr sama flokkiInnlent