Viðar Þor­kels­son, for­stjóri Valitor, hefur kom­ist að sam­komu­lagi við stjórn félags­ins um að hann láti af störfum eftir ára­tug í starfi. Þetta kemur fram í til­kynn­ingu frá félag­inu.

Enn fremur segir að Viðar muni láta af störfum um næstu mán­aða­mót en verði áfram í stjórn félags­ins til ráð­gjafar næstu mán­uði.

Her­dís Fjeld­sted, for­maður stjórnar Valitor, tekur tíma­bundið við starfi for­stjóra. Hún mun gegna starf­inu þar til stjórn hefur ráðið for­stjóra til fram­búð­ar. Þór Hauks­son, vara­for­maður stjórn­ar, tekur við sem stjórn­ar­for­maður á meðan Her­dís sinnir starfi for­stjóra, að því er fram kemur í til­kynn­ing­unni.

Viðar segir í til­kynn­ing­unni að hann hafi stýrt fyr­ir­tæk­inu í við­burða­rík 10 ár og að verk­efnin hafi verið fjöl­breytt og krefj­andi. „Ég hef tekið þátt í mik­illi upp­bygg­ingu og mark­aðs­sókn Valitor erlendis og nú síð­ast farið fyrir gagn­gerri end­ur­skipu­lagn­ingu á starf­sem­inni í góðu sam­starfi við stjórn félags­ins. Valitor er fjár­hags­lega sterkt fyr­ir­tæki með öfl­ugt starfs­fólk og því vel búið til að takast á við áskor­anir fram­tíð­ar­inn­ar. Ég tel þetta því vera rétta tím­ann til að stíga til hliðar og fela öðrum að taka við kefl­inu. Þakkir til alls þess góða fólks sem ég hef starfað með á þessum ára­tug og óska ég félag­inu og starfs­fólki þess alls hins besta í fram­tíð­inn­i.“