Ákveðið hefur verið að Reykja­lundur verði vara­sjúkra­hús ­fyrir Land­spít­ala í COVID-19 far­aldr­inum sem nú geis­ar. Páll Matth­í­as­son, ­for­stjóri spít­al­ans og Anna Stef­áns­dótt­ir, starf­andi for­stjóri Reykja­lund­ar, und­ir­rit­uðu sam­starfs­samn­ing­inn 26. mars 2020. Páll sagði af því til­efni að ­samn­ing­ur­inn bæri vitni hinni víð­tæku og góðu sam­vinnu sem Land­spít­ali á við Reykja­lund og raunar aðrar sam­starfs­stofn­an­ir. Það væru allir með á þessum vagni.

Til­gangur með samn­ingnum er að stytta legu á deild­um Land­spít­ala í ljósi auk­ins álags vegna Covid-19 far­ald­urs­ins og veita ­sjúk­lingum nauð­syn­lega eft­ir­með­ferð.  Enn­fremur að nýta til­tækt leg­u­rými og sér­þekk­ingu starfs­fólks Reykja­lundar á með­ferð og þjálfun að því marki sem unnt er án sér­stakrar ­þjálf­un­ar­að­stöðu. Sér­greinar lyf­lækn­inga sem um ræðir eru einkum lungna­lækn­ing­ar, tauga­lækn­ingar og hjarta­lækn­ingar auk almennra lyf­lækn­inga. ­Sam­starf sem verið hefur um bækl­un­ar­sjúk­linga breyt­ist ekki, segir í frétt frá­ Land­spít­al­an­um.

Reykja­lundur leggur til allt að 26 rúm á sól­ar­hrings­deild og ­þjón­ustan felst í hjúkr­un, lækn­is­með­ferð, sjúkra­þjálfun, iðju­þjálfun, ­fé­lags­ráð­gjöf og fleiru eftir þörf­um.

Páll Matth­í­as­son sagði í sam­tali við Vísi í dag að þegar væri farið að flytja sjúk­linga á Reykja­lund, sjúk­linga sem ekki eru veikir af COVID.19