„Ferð­umst inn­an­húss um páskana,“ sagði Páll Matth­í­as­son, for­stjóri Land­spít­al­ans, á upp­lýs­inga­fundi almanna­varna í dag. „Það er mjög mik­il­vægt þegar svona mik­ið ­mæðir á heil­brigð­is­kerf­inu og við erum að beina öllu okkar að COVID-19 að við þurf­um ekki líka að glíma við hópslys eða ann­að.“

Páll sagð­ist hafa heyrt af því að fólk væri farið að skipu­leggja ferða­lög um landið um pásk­ana. „Það er vond hug­mynd. Ekki gera það. Besta hug­myndin er að ferðast inn­an­hús­s.“

Hann sagð­i gríð­ar­lega mik­il­vægt að sýna nú bið­lund. Það þurfi þol­gæði til að ljúka far­aldr­in­um. „Við þurfum að nota alla okkar orku í að sinna covid-far­aldr­in­um.“

Víð­ir ­Reyn­is­son, yfir­lög­reglu­þjónn hjá almanna­varna­deild rík­is­lög­reglu­stjóra, sagði að ekki stæði til að herða reglur um sam­komu­bann um pásk­ana en að ekki yrði hikað við það ef þörf krefði. „Við viljum frekar biðla til fólks og höldum að það muni virka.“

Hann sagð­ist hafa veru­legar áhyggjur af því að fólk legð­ist í ferða­lög um pásk­ana. „Því fleiri sem eru á ferð­inni þeim mun meiri líkur eru á slysum og pressa eykst á heil­brigð­is­kerfið sem er mjög þanið fyr­ir.“

Ef fólk safn­ast saman í sum­ar­húsa­byggðum í þús­unda­vís, þar sem heil­brigð­is­þjón­usta er af skornum skammti, bjóði það hætt­unni heim.  Nefndi hann sem dæmi að heil­brigð­is­stofn­anir í Ár­nes­sýslu væru ekki byggðar upp til að sinna þús­undum nýrra íbúa í þessu á­standi.

Hætta á að fólk gleymi sér

En fleira komi til sem valdi áhyggj­um. „Ef fólk fer að hóp­ast mikið saman ann­ars stað­ar­ en heima hjá sér er aukin hætta á því að það gleymi regl­unum sem það hef­ur ta­mið sér und­an­far­ið,“ sagði Víðir og nefndi sem dæmi það að heils­ast ekki eða snert­ast og að halda tveggja metra fjar­lægð frá næsta manni. „Ef fólk er allt í einu komið í nýtt umhverfi, til dæmis upp í sum­ar­bú­stað, er hætta á að það g­leymi sér og þá eykst smit­hætta.“

Þórólf­ur Guðna­son sótt­varna­læknir hefur sagt að fólk geti verið ein­kenna­laust í viku og ­jafn­vel lengur eftir að hafa smit­ast. Á þessu tíma­bili getur það þó smit­að aðra. Þetta er stóra hættan þegar fólk safn­ast sam­an.

Víðir sagð­ist þekkja til vélsleða­manna sem eflaust væri farið að klæja í fing­urna að kom­ast á s­leða uppi á hálendi. „En ég held að lang­flestir þeirra hugsi sér að bóna bara s­leð­ann um páska og ferð­ast inn­an­hús­s.“

Víðir minnt­i á að við erum „langt frá því komin yfir hól­inn“.

Hann lauk svo fund­inum á hvatn­ing­ar­orðum eins og vana­lega: „Við skulum halda áfram að vera í þessu sam­an. Við sjáum fréttir af fólki sem er að gera mis­tök og hegða ­sér ein­kenni­lega. Við skulum vera með náunga­kær­leik­ann að vopni, tala saman og vera kurt­eis.“