Þór­dís Kol­brún Reyk­fjörð Gylfa­dótt­ir, ráð­herra ferða­mála, nýsköp­un­ar, iðn­aðar og vara­for­maður Sjálf­stæð­is­flokks­ins, segir að engin ákvörðun hafi verið tekin um það að halda Íslandi lok­uðu þangað til að hægt verður að bólu­setja fólk gegn kór­ónu­veirunn­i. 

Til­efnið er var frétt í Morg­un­blað­inu í morgun þar sem haft var eftir Lilju D. Alfreðs­dótt­ir, mennta- og menn­ing­ar­mála­ráð­herra og vara­for­manni Fram­sókn­ar­flokks­ins, að það væri afar ósenn­i­­legt að opn­­ast muni fyr­ir flæði fólks til og frá land­inu fyrr en hægt verður að bólu­­setja fólk gegn kór­ón­u­veirunn­i. 

Í stöðu­upp­færslu á Face­book segir Þór­dís Kol­brún að ummæli Lilju hafi skilj­an­lega vakið upp alvar­legar spurn­ing­ar, ekki síst innan ferða­þjón­ust­unnar þar sem mjög alvar­leg staða væri uppi nú þeg­ar. „Að gefnu til­efni finnst mér mik­il­vægt að það komi fram að það hefur engin ákvörðun verið tekin um þetta enda yrði slík meiri­háttar stefnu­breyt­ing alltaf kynnt með form­legum og við­eig­andi hætt­i.“

Í við­tal­inu í Morg­un­blað­inu sagði Lilja að um­fangs­­mikl­ar ferða­tak­­mark­an­ir fram að bólu­­setn­ingu gegn kór­ónu­veirunni myndu gera það að verk­um að íslenska hag­­kerfið yrði að hálfu lokað og hálfu opið. 

Sér­fræð­ingar búast ekki við því að bólu­efni verði til­búið fyrr en í fyrsta lagi seint á þessu ári, og jafn­vel ekki fyrr en þá því næsta.

Kári Stef­áns­son, for­stjóri Íslenskrar erfða­grein­ing­ar, sagði þó í Kast­ljósi RÚV í síð­ustu viku að hann búist við því að búið verði að finna bólu­efni við kór­ónu­veirunni í lok þessa árs.