Fjár­mála- og efna­hags­ráðu­neytið og Seðla­banki Íslands hafa und­ir­ritað samn­ing um skil­mála við fram­kvæmd á veit­ingu ábyrgða rík­is­ins á svoköll­uðum brú­ar­lán­um, eða við­bót­ar­lánum lána­stofn­ana til fyr­ir­tækja í tengslum við heims­far­aldur veirunnar sem veldur COVID-19 sjúk­dómn­um. Til­kynnt var um lánin þegar rík­is­stjórnin kynnti fyrsta efna­hag­s­pakka sinn í mars­mán­uði en síðan hefur verið unnið að útfærslu brú­ar­lán­anna. Áður en að lög sem heim­ila þau voru afgreidd frá Alþingi var hámarks­á­byrgð hins opin­bera á þeim hækkuð úr 50 í 70 pró­sent. Lánin sem hið opin­bera mun gagn­ast í ábyrgð á geta numið allt að 70 millj­örðum króna. Með ábyrgð hins opin­bera á lán­unum á að tryggja að vextir af þeim verði mjög lág­ir.

Sam­kvæmt samn­ingnum getur hver banki nýtt til­tek­inn hluta af heild­ar­um­fangi ábyrgð­anna. Í til­kynn­ingu vegna þessa segir að við­bót­ar­lánin verði að veita fyrir lok árs 2020 og hámarks­láns­tími frá útgáfu sé 18 mán­uð­ir. „Horft verður til þess að ábyrgð á ein­stökum við­bót­ar­lánum verður að hámarki 70 pró­sent. Lán til ein­staks aðila munu geta að hámarki numið tvö­földum árs­launa­kostn­aði árið 2019 og launa­kostn­aður félags verður að lág­marki hafa verið 25 pró­sent af heild­ar­rekstr­ar­kostn­aði þess árið 2019.“

Lán sem nýtur ábyrgðar frá hinu opin­bera getur hæst numið 1,2 millj­örðum króna. 

Af þeim sökum heim­il­aði Alþingi Bjarna Bene­dikts­syni, fjár­mála- og efna­hags­ráð­herra, að veita ábyrgð rík­is­ins á hluta af við­bót­ar­lánum sem lána­stofn­anir veita fyr­ir­tækj­um, að til­teknum skil­yrðum upp­fyllt­um. Síðan tóku við samn­inga­við­ræður við Seðla­banka Íslands um fram­kvæmd ábyrgð­ar­kerf­is­ins. Samn­ingar náð­ust svo í dag.

Seðla­banki Íslands til­kynnti fyrr í dag að ákveðið hefði verið að bjóða fjár­mála­fyr­ir­tækjum í reglu­legum við­skiptum við bank­ann sér­staka og tíma­bundna lána­fyr­ir­greiðslu í formi veð­lána. Í til­kynn­ing­unni sagði að fyrsta útboðið yrði haldið 22. apríl 2020. „Þetta er gert til að bregð­ast við því for­dæma­lausa ástandi sem nú varir og til þess að bjóða fjár­mála­fyr­ir­tækjum tíma­bundið auk­inn aðgang að lausa­fé. Til sam­ræmis við frétt frá 8. apríl sl. hefur Seðla­banki Íslands breytt reglum nr. 1200/2019 um við­skipti fjár­mála­fyr­ir­tækja við Seðla­banka Íslands og hafa þær breyt­ingar verið birtar í Stjórn­ar­tíð­ind­um. Jafn­framt hefur veðlisti bank­ans verið upp­færður í takt við breyt­ing­arn­ar.“