Einu börnin í Evrópu sem mega ekki fara út

Spænsk börn eru þau einu í Evrópu sem mega ekkert fara út úr húsi. Þau hafa verið innilokuð í rúman mánuð og ýmsum finnst nóg komið, foreldrum jafnt sem sérfræðingum. Ekki er útlit fyrir að spænsk börn fái að mæta í skólann fyrr en í haust.

Auður leikvöllur í Barselóna. Börn landsins hafa þurft að vera inni á heimilum sínum í rúman mánuð og ekkert útlit er fyrir að það breytist alveg á næstunni.
Auður leikvöllur í Barselóna. Börn landsins hafa þurft að vera inni á heimilum sínum í rúman mánuð og ekkert útlit er fyrir að það breytist alveg á næstunni.
Auglýsing

„Þessi börn verða að kom­ast út,“ rit­aði Ada Colau, borg­ar­stjóri í Bar­selóna og móðir tveggja ungra barna, á Face­book á mið­viku­dag. 

Öll börn á Spáni, um 8,2 millj­ónir tals­ins, hafa verið inni­lokuð frá því að útgöngu­bann tók gildi í land­inu fyrir rúmum mán­uði síð­an. Þau eru einu börnin í álf­unni sem mega ekki fara út. 

Auglýsing

Mögu­lega munu enn líða nokkrar vikur þar til börnum á Spáni verður leyft að yfir­gefa heim­ili sín, þrátt fyrir að þær raddir verði æ hávær­ari sem telja að frek­ari inni­lokun gæti gert börn­unum mik­inn óleik og pressan á yfir­völd frá þreyttum for­eldrum sem hafa áhyggjur af börn­unum sínum auk­ist dag frá degi.

„Ekki bíða leng­ur: Frelsið börnin okk­ar!“ skrif­aði Colau, en í færsl­unni lýsti borg­ar­stjór­inn ástand­inu á heim­il­inu sem erf­iðu. Börnin henn­ar, þriggja og níu ára, eru reið, leið og skilja ekki af hverju þau þurfa að vera inni.

Estos días cada vez somos más voces las que reclamamos que se tenga en cuenta a los niños y las niñas en este...

Posted by Ada Colau Ballano on Wed­nes­day, April 15, 2020

Á Spáni er nær algjört útgöngu­bann í gildi. Örfáar starfs­stéttir byrj­uðu að fara til vinnu í þess­ari viku, til dæmis starfs­menn í bygg­ing­ar­iðn­aði og fram­leiðslu­störf­um, en að öðru leyti þurfa flestir að vera heima. Full­orðnir mega skjót­ast eftir nauð­synja­vörum út í búð og leyfa hundum að hreyfa sig og gera þarfir sín­ar. En börnin sitja inni.

„Ef full­orðnir mega fara út að labba með hund­inn, af hverju þurfa þá börnin okkar að bíða?” skrifar Colau. Sér­fræð­ingar hafa varað við því að áhrif þessa ástands á börnin séu þegar orðin slæm.

Alicia Aré­valo, barna­læknir í Madríd, segir að komum barna til læknis vegna and­legra vanda­mála hafi fjölgað mikið síðan far­ald­ur­inn braust út og inni­lok­unin hófst. Börnin þurfa á hjálp að halda vegna martraða, svefnörð­ug­leika og átraskana, svo eitt­hvað sé nefnt.

„Þau eru afar við­kvæm, þau gráta út af engu, þau verða ein­ræn og tala ekki um það sem er að angra þau og fá síðan bræðiskast að því er virð­ist út af engu. Mörg þeirra eru skelf­ingu lostin því að þau halda að ömmur þeirra og afar séu að fara að láta líf­ið, eða for­eldrar þeirra að missa vinn­una,“ segir Aré­valo, í sam­tali við El País.

Aðstæður barna mis­mun­andi milli ríkja álf­unnar

Spánn hefur orðið illa úti í kór­ónu­veiru­far­aldr­inum og þar hafa fleiri smit greinst en í nokkru öðru ríki Evr­ópu, tæp­lega 185 þús­und tals­ins. Tæp­lega 20.000 manns eru látin á Spáni vegna veirunn­ar. 

Önnur Evr­ópu­ríki þar sem smit hafa verið útbreidd og útgöngu­bönn í gildi hafa hins vegar leyft börnum að fara út að viðra sig.

Börnin á Ítalíu fengu á ný að fara út að hreyfa sig í upp­hafi þessa mán­að­ar, en með skil­yrðum þó – ein­ungis í stuttan tíma í einu og í grennd við heim­ili sín í fylgd með for­eldri. Það hafa börn í Frakk­landi og Þýska­landi, þar sem fjöldi stað­festra smita er einnig mik­ill, einnig fengið að gera.

Það er afar mis­jafnt á milli landa hvernig útgöngu­bönn og aðrar tak­mark­anir hafa haft áhrif á börn. 

Danir hófu þannig skóla­starf aftur í byrjun þess­arar viku og Norð­menn stefna að því að opna skól­ana eftir helgi. Sum ríki hafa byggt á nið­ur­stöðum rann­sókna sem sýna að ung börn séu ólík­leg til þess að veikj­ast og því ólík­legir smit­berar veirunn­ar, eins og til dæmis Íslend­ing­ar.

En ekki Spán­verj­ar. Þar vilja menn fara með öllu að gát og yfir­völd styðj­ast við ráð sér­fræð­inga sem segja börn þekkta smit­bera allskyns sjúk­dóma.

Salvador Illa, heil­brigð­is­ráð­herra lands­ins, sagði á mánu­dag að áfram yrði nauð­syn­legt að halda börn­unum inni, þar til það yrði talið öruggt að hleypa þeim út. Hann sagði stjórn­völd vera með­vituð um fórn­ina sem í þessu fælist, en ráðu­neyti hans hefur skipað starfs­hóp barna­lækna til þess að meta mögu­leik­ann á því að aflétta inni­lokun barn­anna.

Fá senni­lega ekki að mæta í skóla fyrr en í sept­em­ber

Fjar­kennsla var tekin upp í spænskum skólum eftir að útgöngu­bannið var sett á, en í umfjöllun El País kemur fram að það hafi verið mjög mis­mun­andi eftir skólum hversu vel sú fjar­kennsla gengur fyrir sig. Skól­arnir hafa verið mis­mun­andi vel tækjum búnir til þess að takast á við skyndi­lega fjar­kennslu allra nem­enda og margir nem­end­ur, sér­stak­lega af fátæk­ari heim­il­um, hafi ekki greiðan aðgang að góðum tækja­bún­aði.

Í þess­ari viku hafa sér­fræð­ingar sem stjórn­völd skip­uðu í starfs­hóp um fram­hald skóla­starfs lagt fram ráð­legg­ingar til stjórn­valda um að slaufa skóla­ár­inu án þess að nem­endur stígi aftur fæti inn í kennslu­stofur fyrir sum­ar­frí. Spænsk börn munu þannig að öllum lík­indum ekki mæta í skól­ana sína í heila fimm mán­uði.

„Út­göngu­bannið mun ekki taka enda fyrr en liðið verður á maí­mán­uð, og þar sem þá verður skóla­árið næstum á enda, var sam­staða um að það væri ekki áhætt­unnar virð­i,“ sagði Quique Bassat, far­alds­fræð­ingur sem var í starfs­hópn­um, í sam­tali við El País.

Í umfjöllun spænska mið­ils­ins kemur fram að þegar skól­arnir taki til starfa á ný muni nem­endur þurfa að vera með grímur og mæta í skól­ann í holl­um. Áfram þurfi þannig að styðj­ast að hluta við fjar­kennslu. Enn virð­ist því nokkuð í að lífið kom­ist í eðli­legt far hjá börnum á Spáni.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Kergja innan hluthafahóps Eimskips nær suðupunkti
Óánægja með fyrirferð stærsta eigandans, dramatík í kringum stjórnarkjör og yfirtökuskyldu sem var svo felld úr gildi og slök rekstrarframmistaða sem leiddi af sér fall á markaðsvirði Eimskips hafði leitt til kergju á meðal lífeyrissjóða.
Kjarninn 30. september 2020
Hópuppsögn hjá Icelandair Group
Icelandair Group, sem sótti sér 23 milljarða króna í nýtt hlutafé fyrr í mánuðinum, hefur sagt upp 88 manns.
Kjarninn 29. september 2020
Búast má við mikilli innspýtingu í opinberum fjárfestingum, samkvæmt Íslandsbanka
Mikill samdráttur í ár en hraður viðsnúningur
Ný þjóðhagsspá Íslandsbanka gerir ráð fyrir töluvert meiri samdrætti en Seðlabankinn gerir ráð fyrir í ár. Hins vegar er búist við „skarpri viðspyrnu“ á næsta og þarnæsta ári.
Kjarninn 29. september 2020
PAR á nú innan við tvö prósent í Icelandair
Bandarískur fjárfestingasjóður sem keypti stóran hlut í Icelandair í vor og varð að stærsta einkafjárfesti félagsins er ekki lengur með stærstu eigendum þess.
Kjarninn 29. september 2020
Bjarni Már Magnússon
Basic að birta
Kjarninn 29. september 2020
Halldór Benjamín Þorbergsson er framkvæmdastjóri Samtaka atvinnulífsins.
Samtök atvinnulífsins segja ekki upp kjarasamningum
Eftir að stjórnvöld kynntu 25 milljarða króna aðgerðarpakka í morgun ákvað framkvæmdastjórn Samtaka atvinnulífsins að atkvæðagreiðsla um Lífskjarasamninginn myndi ekki fara fram. Kjarasamningar gilda því áfram.
Kjarninn 29. september 2020
Vísindamennirnir telja að enn eigi töluverður fjöldi eftir að greinast með COVID-19 í þessari bylgju faraldursins.
Um 300 til 1.100 gætu smitast á næstu þremur vikum
Í þriðju bylgju faraldurs COVID-19, sem hófst 11. september, hafa 506 greinst með sjúkdóminn. Vísindamenn við Háskóla Íslands spá því að næstu daga haldi áfram að greinast 20-40 ný smit á dag.
Kjarninn 29. september 2020
Rúmlega þrjátíu Íslendingar hafa greinst með veiruna í landamæraskimun
Af þeim 119 sem greindust með COVID-19 í landamæraskimun frá 15. júní til 18. september voru 32 með íslenskt ríkisfang, 23 frá Póllandi og 13 frá Rúmeníu og færri frá 23 ríkjum til viðbótar.
Kjarninn 29. september 2020
Meira úr sama flokkiErlent