Alma Möller land­læknir og Þórólfur Guðna­son sótt­varna­læknir sendu í gær bréf til skóla­stjórn­enda, kenn­ara og for­eldra þar sem þau árétt­uðu mik­il­vægi þess að nem­endur í leik- og grunn­skólum héldu áfram að sækja skóla þrátt fyrir tak­mark­anir á skóla­starf­i. 

„Nauð­syn þess að hefta útbreiðslu COVID-19 far­ald­urs­ins er öllum ljós. Mark­mið aðgerða er að auka líkur á því að heil­brigð­is­kerfið geti sinnt þeim sem veikj­ast af COVID-19 hér á landi ásamt því að geta sinnt annarri bráða­þjón­ust­u,“ segir í bréf­in­u. 

Að mati sótt­varna­læknis eru líkur á smiti frá ungum börnum tölu­vert ólík­legra en frá full­orðnum „enda sýna rann­sóknir hér á landi og á hinum Norð­ur­lönd­unum að smit hjá börnum er fátítt.“ Því megi leiða líkum að því að ekki sé til­efni til þess að tak­marka skóla­starf frekar í sótt­varn­ar­skyn­i. 

Náið sé fylgst með stöð­unni og vilja land­læknir og sótt­varna­læknir koma eft­ir­far­andi skila­boðum á fram­færi við skóla­stjórn­end­ur, kenn­ara og starfs­fólk skóla og for­eldra nem­enda í leik- og grunn­skól­u­m: 

• Heil­brigð börn ættu að halda áfram að sækja sinn skóla. Námið er þeim mik­il­vægt, sem og sú virkni og aðhald sem því fylg­ir. 
• Kenn­arar og starfs­fólk skóla er fram­línu­fólk í núver­andi aðstæð­um. Skól­arnir eru mik­il­vægur hlekkur í okkar sam­fé­lagi og fram­lag skóla­sam­fé­lags­ins afar dýr­mætt í því sam­hengi. Staðan er flókin og kallar á fjöl­breyttar leið­ir, úthald og sveigj­an­leika af hálfu allra. 
• Kenn­arar og starfs­fólk í áhættu­hópum ættu að gæta fyllstu var­úðar og skólar fara eftir sínum við­bragðs­á­ætl­unum ef upp kemur grunur um smit. 

Undir bréfið skrifa Þórólfur Guðna­son sótt­varna­læknir og Alma Möller land­lækn­ir.