Vinnu­mál­stofnun fær allt að 100 millj­óna króna við­bót­ar­fjár­magn til rekst­urs stofn­un­ar­innar vegna auk­inna verk­efna í tengslum við COVID-19. Þetta kynnti Ásmundur Einar Daða­son, félags- og barna­mála­ráð­herra, í rík­is­stjórn í dag sem hluta af aðgerð­ar­pakka stjórn­valda vegna COVID-19.

Frá þessu er greint á vef Stjórn­ar­ráðs­ins í dag.

Fram kemur í til­kynn­ing­unni að fjár­veit­ingin verði nýtt til að ráða 35 ein­stak­linga til starfa, tíma­bundið til sex mán­aða, en mikil þörf sé fyrir auk­inn mann­afla hjá stofn­un­inni. Þá verði ýmis stoð­þjón­usta efld, svo sem tölvu­þjón­usta og upp­lýs­inga­gjöf um ýmsa töl­fræði, auk þess sem mik­il­vægt sé að vinna spár um ástand og horfur á vinnu­mark­aði til fram­tíðar lit­ið. Vinnu­mála­stofnun muni leggja upp með að ráða sem flesta til þess­ara starfa úr hópi skráðra atvinnu­leit­enda hjá stofn­un­inni.

50.000 ein­stak­lingar fá greiddar atvinnu­leys­is­bætur í lok apríl

Vinnu­mála­stofnun hafa borist sam­tals um 33.800 umsóknir um atvinnu­leys­is­bætur sam­hliða minnk­uðu starfs­hlut­falli síðan opnað var fyrir umsóknir um úrræðið þann 25. mars síð­ast­lið­inn, að því er fram kemur í til­kynn­ingu félags­mála­ráðu­neyt­is­ins.

Það sem af er apríl hafi stofn­un­inni jafn­framt borist um 2.200 umsóknir frá ein­stak­lingum sem eru að fullu skráðir án atvinnu sem sé við­bót við þá 14.200 ein­stak­linga sem þegar hafi að fullu verið skráðir án atvinnu í lok mars 2020. Miðað við núver­endi for­sendur muni því um 50.000 ein­stak­lingar fá greiddar atvinnu­leys­is­bætur að fullu eða að hluta á móti skertu starfs­hlut­falli í lok apr­íl.

Ásmundur Einar Daða­son, félags­-og barna­mála­ráð­herra, segir við til­efnið að COVID-19 far­ald­ur­inn hafi haft mjög mikil áhrif á vinnu­mark­að­inn. „Heilu atvinnu­grein­arnar eru lamaðar og ljóst er að sá fjöldi fólks sem mun þurfa að nýta sér þjón­ustu Vinnu­mála­stofn­unar er án for­dæma. Þetta hefur haft í för með sér gríð­ar­legt álag á stofn­un­ina og þvi nauð­syn­legt að styrkja frekar þjón­ustu henn­ar. Í öllum okkar aðgerðum er það fyrst og fremst skylda okkar að tryggja stöðu heim­il­anna og fram­færslu fjöl­skyldna í land­inu og það ætlum við að ger­a.”