Á aðal­fundi Lands­bank­ans sem hald­inn var í dag var tók banka­ráð hans þá ákvörðun að leggja ekki fram til­lögu um 9,5 millj­arða króna arð­greiðslu vegna síð­asta árs, líkt og stefnt hafði verið að. Þetta var gert í ljós þeirrar efna­hags­legu óvissu sem nú ríkir og í sam­ræmi við til­mæli Seðla­banka Íslands til kerf­is­lega mik­il­vægra banka um að greiða ekki út arð vegna árs­ins 2019. Auk þess hætti banka­ráðið við að heim­ila end­ur­kaup á hluta­bréfum líkt og stefnt hafði verið að. Lands­bank­inn er í eigu íslenska rík­is­ins.

Þetta kemur fram í skýrslu banka­ráðs Lands­bank­ans sem Helga Björk Eiríks­dótt­ir, for­maður þess, flutti á aðal­fund­inum í dag. 

Á nokkrum vikum hefur bindi­skylda verið lækkun niður í núll og sveiflu­jöfn­un­ar­auki sem lagð­ist á eigið fé bank­anna afnum­in. Aflétt­ing kröfu um ­sveiflu­­jöfn­un­­ar­auka á að auð­velda banka­­kerf­inu að styðja við heim­il­i og fyr­ir­tæki með því að skapa svig­­rúm til nýrra útlána sem nemur að öðru óbreyttu allt að 350 millj­­örðum króna, eða um 12,5 pró­­sent af núver­andi útlána­safn­i. 

Í yfir­lýs­ingu frá fjár­mála­stöð­ug­leika­nefnd Seðla­banka Íslands, sem tók ákvörðun um að auka svig­rúmið með því að afnema sveiflu­jöfn­un­ar­aukann, sem birt var 18. mars brýndi nefndin fyrir fjár­­­mála­­fyr­ir­tækjum að þau taki til­lit til þeirrar miklu óvissu sem uppi er í þjóð­­ar­­bú­­skapnum við á­kvörðun um útgreiðslu arðs og end­­ur­­kaup á eigin hluta­bréfum á kom­andi mis­s­er­­um.

Í fund­ar­gerð pen­inga­stefnu­nefnd­ar, af fundi sem fór fram dag­inn áður eða 17. mars, kemur fram að nefnd­ar­menn hennar hefðu verið „sam­mála um að afar mik­il­vægt væri að fjár­mála­fyr­ir­tækin nýttu ekki svig­rúmið sem við þetta skap­að­ist til arð­greiðslna.”

Þremur dögum síð­ar, 20. mars, var sent bréf til Banka­sýslu rík­is­ins, sem fer með eign­ar­hald rík­is­ins í Íslands­banka og Lands­bank­an­um, fyrir hönd Bjarna Bene­dikts­son­ar, fjár­mála- og efna­hags­ráð­herra. Þar var farið fram á að hún myndi horfa fram hjá kröfum um ávöxtun og arð­greiðslur á árinu 2020 og að þeim skila­boðum yrði komið áfram til stjórna fjár­mála­fyr­ir­tækja í eigu rík­is­ins.

Bjarni var að segja rík­is­bönk­unum tveimur að í ljósi þeirra aðstæðna sem komnar eru upp vegna COVID-19 heims­far­ald­urs­ins þá ættu þeir ekki að greiða út arð. 

Arion banki ætlar að hætta við

Arion banki, eini kerf­is­lega mik­il­vægi bank­inn sem er ekki í eigu rík­is­ins, ætl­aði að greiða út umtals­verðan arð til eig­enda sinna í ár. Bank­inn hagn­að­ist um 1,1 millj­­­arð króna í fyrra og arð­­­semi eigin fjár bank­ans var 0,6 pró­­­sent. Til stóð að greiða tíu millj­­­arða króna arð­greiðslu til hlut­hafa vegna síð­­­asta árs. Það stóð því til að greiða út nífaldan hagnað í arð. Þau áform eru í takti við yfir­­­lýsta stefnu bank­ans, sem er að öllu leyti í einka­eigu og skráður á hluta­bréfa­­­mark­að, að greiða út tugi millj­­­arða króna eigin fé hans til eig­enda hans. 

Eftir að sveiflu­jöfn­un­ar­auk­inn var afnum­inn skap­að­ist mik­ill þrýst­ingur á bank­ann að hætta við þau áform en til að byrja með ákvað hann að fresta þeim um tvo mán­uði á aðal­fundi sínum 17. mars síð­ast­lið­inn. 

Í síð­ustu viku var svo boðað til­ fram­halds­­að­al­fundar í Arion banka þann 14. maí næst­kom­andi þar sem ein­ungis eitt mál er á dag­­skrá: að hætta við greiðslu arðs vegna síð­­asta árs.