53 þús­und manns eru nú í greiðslu­þjón­ustu hjá Vinnu­mála­stofn­un. 35.600 þeirra eru að fá greiðslur vegna skerts ­starfs­hlut­falls. „Þetta eru tölur sem við höfum aldrei séð áður,“ sagði Unn­ur Sverr­is­dótt­ir, for­stjóri Vinnu­mála­stofn­un­ar, á upp­lýs­inga­fundi almanna­varna í dag. Hún sagði að ólíkt því sem væri að ger­ast í þróun á fjölda smita af veirunni væri vinna stofn­un­ar­innar ekki á nið­ur­leið en hún sagð­ist vona að ­fjöldi þeirra sem þurfa greiðslur sé um það bil að ná hámarki.

Lang­flestir þeirra sem fá greiðslur hjá Vinnu­mála­stofn­un ­starfa eða störf­uðu við ferða­þjón­ustu eða um 19 pró­sent. Önnur 19 pró­sent af heild­ar­fjöld­anum er fólk sem var í störfum tengdum ferða­þjón­ust­unni.

Unnur sagði að vissu­lega væri kreppan djúp „en ég held að við verðum fljót að ná okkur aftur upp. Ferða­þjón­ustan hefur sýnt það áður og oftar en einu sinni og oftar en tvisvar, að hún er snögg að taka við sér og hröð upp“.

Búist er við því að til upp­sagna komi hjá fyr­ir­tækjum nú um ­mán­aða­mót­in. Engu að síður von­ast Unnur til þess að fjöldi þeirra sem fá nú bætur hjá stofn­un­inni muni ekki aukast mikið þar sem upp­sagnir verði mögu­lega flestar meðal þeirra sem þegar eru komnir í skert starfs­hlut­fall. „Ég er hrein­lega að vona það að toppnum sé náð.“