Ein­ungis 25 sýni voru tekin á sýkla- og veiru­fræði­deild Land­spít­ala í gær og reynd­ist ekk­ert þeirra jákvætt, sam­kvæmt nýj­ustu tölum á vefnum covid.­is. Engin sýni voru tekin hjá Íslenskri erfða­grein­ingu í gær.

Því greind­ist eng­inn með COVID-19 smit í gær, en hafa ber í huga hve fá sýni voru tek­in, marg­falt færri en und­an­farna daga. Á laug­ar­dag voru þannig 199 sýni tekin á veiru­fræði­deild­inni og við bætt­ist annar eins fjöldi hjá Íslenskri erfða­grein­ingu.

Virkum smitum í sam­fé­lag­inu heldur áfram að fækka, en þau eru nú 158 tals­ins og hefur þeim fækkað á hverjum ein­asta degi síðan 5. apr­íl, er fjöldi þeirra sem voru með virkan sjúk­dóm náði hámarki. Þá voru 1.096 manns með virkan sjúk­dóm.

Þrettán manns eru nú á sjúkra­húsi vegna kór­ónu­veirusmits, en ein­ungis einn sjúk­lingur er á gjör­gæslu. 695 manns eru í sótt­kví sem stend­ur, en 18.800 ein­stak­lingar hafa lokið sótt­kví. 

Alls hafa 46.352 sýni verið tekin á Íslandi til þessa og 1.752 smit hafa greinst í heild­ina.