Þrjú ný COVID-19 smit greindust á sýkla- og veiru­fræði­deild Land­spít­ala í gær, en ekk­ert hjá Íslenskri erfða­grein­ingu. Þetta kemur fram á vefnum covid.­is. Alls voru 229 sýni tekin til grein­ingar á sýkla- og veiru­fræði­deild­inni og 449 hjá Íslenskri erfða­grein­ingu.

Smitin eru því í heild­ina orðin 1.795 tals­ins, en virk smit eru nú 149 tals­ins á land­inu öllu. Ell­efu manns eru á sjúkra­húsi og einn þeirra er á gjör­gæslu, en þær fregnir bár­ust frá Land­spít­ala í gær að þar er eng­inn sjúk­lingur lengur í önd­un­ar­vél. 784 ein­stak­lingar eru í sótt­kví þessa stund­ina.

Lög­reglan á Vest­fjörðum hafði greint frá því fyrr í dag að tvö ný smit hefðu greinst í Bol­ung­ar­vík í gær, bæði í þekktum smit­hóp­um, þannig að þeir smit­uðu vor­u þegar í sótt­kví.

Um þrjá­tíu pró­sent virkra smita á land­inu eru nú á norð­an­verðum Vest­fjörð­u­m. Þar, eða nánar til tekið í Ísa­fjarð­ar­bæ, Súða­vík og Bol­ung­ar­vík, munu sótt­varna­ráð­staf­anir áfram verða harð­ari en ann­ars staðar á land­inu eftir 4. maí.

Það felur í sér að sam­komu­bannið verður miðað við tutt­ugu manns í stað fimm nú og það mun einnig gilda fyrir börn í leik- og grunn­skólum og í íþrótta- og æsku­lýðs­starfi. Starf­semi sem krefst snert­ingar eða mik­illar nálægðar milli fólks verður einnig áfram óheim­il.

Gylfi Ólafs­son, for­stjóri Heil­brigð­is­stofn­unar Vest­fjarða, sagði í hádeg­is­fréttum RÚV að far­ald­ur­inn á norð­an­verðum Vest­fjörðum væri ein­fald­lega einni til tveimur vikum á eftir far­aldr­inum í land­inu almennt, en stefnt væri að því að kom­ast á lands­lín­una hvað varðar aflétt­ingar sam­komu­banns þann 11. maí.