Frí­höfn­in, sem er dótt­ur­fé­lag Isa­via sem rekur versl­un­ar­starf­semi á Kefla­vík­ur­flug­velli, hefur sagt upp 30 af 169 starfs­mönn­um. Auk þess var 100 til við­bótar boðið áfram­hald­andi starf en í lægra starfs­hlut­falli.

Þá verða engar sum­ar­ráðn­ingar í fram­línu­störfum hjá Isa­via í ár vegna áhrifa COVID-19 far­ald­urs­ins. Þær ráð­staf­anir koma Það kemur til við­bótar við að í lok mars var 101 starfs­manni félags­ins sagt upp störfum vegna áhrifa kór­ónu­veirunnar og 37 til við­bótar boðið áfram­hald­andi starf í lægra starfs­hlut­falli. Áður en áhrifa COVID-19 fór að gæta var áformað að ráða 140 manns í sum­ar­afleys­ingar hjá Isa­vi­a. 

Þar er haft eft­ir Þor­gerði Þrá­ins­dótt­ur, fram­kvæmda­stjóra Frí­hafn­ar­inn­ar, að tekjur félags­ins hafi dreg­ist saman um 98 pró­sent. „Frá upp­hafi far­ald­urs­ins hefur verið lögð  áhersla á  að verja störf eins og hægt er. Um síð­ustu mán­aða­mót var tekin sú ákvörðun að segja ekki upp föstu starfs­fólki en ráða ekki í sum­ar­störf hjá Frí­höfn­inni. Málin hafa hins vegar þró­ast þannig að nú er útlit fyrir að flug­um­ferð muni verða afar tak­mörkuð næstu mán­uði og tíma­bilið þar sem áhrifa Covid 19 gætir verði lengra en von­ast var til.“

Svein­björn Ind­riða­son, for­stjóri Isa­via, segir á sama stað að Isa­via sé í þeirri stöðu fjár­hags­lega að geta enn sem komið er leyft sér að horfa til hausts­ins en ekki ein­ungis til næstu vikna eða örfárra mán­aða. Óvissan um fram­haldið í flug­tengdum rekstri sé þó enn afar mikil og ekki sé hægt að úti­loka að það þurfi að grípa til frek­ari aðgerða síð­ar.