Nú starfs­á­ætlun Alþingis var sam­þykkt af for­sætis­nefnd þings­ins á mið­viku­dag. Hún gerir ráð fyrir því að vor­þing standi yfir í tæp­lega tvo mán­uði til við­bót­ar, eða til 25. júní, þegar þing­frestun yrði. Tveimur dögum fyrr myndu fara fram eld­hús­dags­um­ræð­ur. 

Starfs­á­ætlun þings­ins var tekin úr sam­bandi 19. mars síð­ast­lið­inn vegna COVID-19 far­ald­urs­ins en nefndir þings­ins munu frá og með næsta mánu­degi, 4. maí, funda á föstum fund­ar­tímum auk þess sem sér­stakar funda­töflur verða gerðar fyrir nefnd­ar­daga. Áfram verður þó miðað við að nefnd­ar­fundir verði fjar­fundir og sú til­högun verði ekki end­ur­skoðuð fyrr en til­mæli sótt­varn­ar­læknis gefi til­efni til. 

Þá hefur for­sætis­nefnd ákveðið að fram­lengja fyrri sam­þykkt sína um að vinnu­tengdar ferðir þing­manna og starfs­manna skrif­stof­unnar til útlanda falli niður og að jafn­framt falli niður mót­tök­ur, fundir og ráð­stefnur hér­lendis með þátt­töku erlendra gesta. Sú ákvörðun gildir til loka þing­funda á yfir­stand­andi vor­þingi.

Þing­mála­skrá rík­is­stjórn­ar­innar var end­ur­skoðuð í apríl vegna COVID-19 far­ald­urs­ins. Alls hafa 50 mál verið tekin af skránni vegna þessa. Á meðal þeirra eru frum­varp um stofnun hálend­is­þjóð­garðs og þjóð­garða­stofn­unar og end­ur­skoðun ramma­á­ætl­un­ar. Þá hefur einnig verið hætt við breyt­ingu á lögum um tengda aðila í sjáv­ar­út­vegi.