Finnur Árna­son, sem hefur verið for­stjóri smá­söluris­ans Haga frá árinu 2005, hefur óskað eftir því að láta af störf­um. Þá hefur Guð­mundur Mart­eins­son, sem verið hefur fram­kvæmda­stjóri Bónus sem er í eigu Haga, einnig óskað eftir því að hætta. Þeir tveir hafa verið lyk­il­menn í þeim mikla vexti sem Hagar hafa gengið í gegnum á þess­ari öld og hófu báðir störf þar fyrir ald­ar­mót. 

Í til­kynn­ingu til Kaup­hallar Íslands kemur fram að þeir muni báðir starfa áfram þar til að eft­ir­menn þeirra verða ráðn­ir. 

Finnur segir þar að hann telji rétt á þessum tíma­punkti fyrir sig per­sónu­lega að staldra við og huga að öðru. „Á sama tíma tel ég gott fyrir Haga að nýr aðili taki við kefl­inu með ferskar hug­myndir í fartesk­inu. Framundan eru fjöl­mörg tæki­færi, en einnig spenn­andi áskor­anir sem félagið er vel í stakk búið til að takast á við.  Mér er efst í huga þakk­læti til þess sam­starfs­fólks og sam­ferða­fólks sem ég hef unnið með og kynnst á þeim rúm­lega 22 árum sem ég hef starfað fyrir félag­ið. Styrkur félags­ins liggur í öfl­ugu og sam­hentu starfs­fólki sem kann sitt fag og það hafa verið for­rétt­indi að vera hluti af þess­ari liðs­heild. Ég er stoltur af þeim árangri sem við höfum í sam­ein­ingu náð, sem leið­andi smá­sölu­fyr­ir­tæki á Ísland­i.  Hér er við­skipta­vin­ur­inn ávallt í önd­vegi og frá fyrsta degi hefur félagið boðið lands­mönnum lægsta vöru­verð á land­inu og sama verð um land allt. Ég óska félaginu og sam­starfs­fólki mínu vel­farn­aðar í fram­tíð­inn­i.“

Guð­mundur segir á sama stað að það verði erfitt að kveðja fyr­ir­tækið eftir hart­nær þrjá ára­tugi. „Ég er stoltur af þeim árangri sem við höfum náð og ég kveð það fólk sem ég hef kynnst á þessum tíma með sökn­uði, þá sér­stak­lega öfl­ugt og frá­bært starfs­fólk Bón­us, sem og sam­starfs­að­ila og við­skipta­vin­i.“

Hagar reka 46 versl­anir innan fimm smá­sölu­fyr­ir­tækja og tveggja vöru­húsa. Þá rekur félagið 28 Olís­stöðvar um land allt auk 41 ÓB-­stöð. Meg­in­starf­semi Haga er á sviði mat­vöru en innan þess eru tvær af stærstu versl­un­ar­keðjum lands­ins, Bónus og Hag­kaup, svo og stoðstarf­semi á sviði inn­kaupa og dreif­ing­ar.