Biden í bobba vegna alvarlegra ásakana

Joe Biden, sem væntanlega verður forsetaframbjóðandi demókrata gegn Donald Trump í haust, svaraði í gær fyrir ásakanir um kynferðisofbeldi sem hann er sakaður um að hafa beitt árið 1993. Hann þvertekur fyrir að atvikið hafi átt sér stað.

Joe Biden, sem verður forsetaframbjóðandi Demókrataflokksins nema eitthvað mjög óvænt gerist, svaraði í gær fyrir ásakanir um kynferðislegt ofbeldi.
Joe Biden, sem verður forsetaframbjóðandi Demókrataflokksins nema eitthvað mjög óvænt gerist, svaraði í gær fyrir ásakanir um kynferðislegt ofbeldi.
Auglýsing

„Nei, þetta er ekki satt. Ég segi það for­taks­laust, þetta gerð­ist aldrei nokk­urn­tíma“ sagði Joe Biden í sjón­varps­við­tali á MSNBC í gær, þar sem hann svar­aði alvar­legum ásök­unum konu að nafni Tara Reade í fyrsta skipti frá því að þær komu fram fyrir nokkrum vikum síð­an.

Reade sakar Biden um að hafa beitt sig kyn­ferð­is­of­beldi fyrir 27 árum síð­an, vorið 1993 á göngum þing­húss­ins í Was­hington. Reade starf­aði þar sem aðstoð­ar­maður á skrif­stofu Bidens, sem var á þessum tíma öld­unga­deild­ar­þing­mað­ur. 

Rea­de, sem er í dag 56 ára göm­ul, sagði í við­tali í hlað­varps­þætti í mars að Biden hefði króað hana af upp við vegg, káfað á henni inn­an­klæða og stungið fingrum sínum í leggöng henn­ar, þvert gegn hennar vilja.

Auglýsing

Fjöl­miðlar vest­an­hafs hafa síðan þá reynt að leita stað­fest­ingar á ásök­un­unum og rætt við fólk sem hún umgekkst á þessum tíma. Bróðir Reade og nokkrir vinir hennar hafa sagt fjöl­miðlum að þeir muni eftir því að hún hafi rætt málið við þá á sínum tíma með þeim hætti sem hún lýsir nú, en yfir­menn hennar og sam­starfs­menn í þing­hús­inu muna ekki til þess að hún hafi nokkru sinni lýst atviki sem þessu.



Vitn­is­burðir þeirra sem rætt hefur verið við styðja þannig ýmist við ásökun Reade eða renna stoðum undir neitun Bidens. Ljóst er þó, eins og oft­ast í svona mál­um, að ein­ungis þau tvö geta vitað hver sann­leik­ur­inn í reynd er.

Eitt af því sem styður við sögu Reade er einnig það að hún var vissu­lega í hópi kvenna sem stigu fram með kvart­anir í garð Biden síð­asta vor, um að hann hefði faðmað þær eða snert á óþægi­lega vegu í gegnum tíð­ina.

Ásökun hennar á hendur Biden um kyn­ferð­is­brot kom þó ekki fram fyrr en núna í mars­mán­uði, en Reade segir sjálf að hún hafi áður reynt að koma þess­ari sögu sinni á fram­færi við fjöl­miðla, sem hafi ekki viljað birta frá­sögn henn­ar.

Hvað sem rétt reyn­ist í þessu máli er ljóst að það gæti orðið óþægi­legt í meira lagi fyrir Biden, sem hefur í gegnum tíð­ina stillt sér upp sem bar­áttu­manni gegn kyn­bundnu ofbeldi. Það er búið að taka fram­boðsteymi hans margar vikur að ákveða hvernig hann eigi að svara fyrir ásök­un­ina og demókratar eru sagðir hafa áhyggjur af því að málið gæti orðið honum til vansa í kom­andi bar­áttu við Don­ald Trump. 

Leitað að skjali sem kannski er til en kannski ekki

Reade segir að hún hafi kvartað undan fram­ferði Biden við mannauðs­deild þings­ins eftir atvikið árið 1993, en segir sjálf að hún hafi að vísu ein­ungis kvartað undan áreiti (e. harass­ment) en ekki þeirri kyn­ferð­is­árás (e. assault) sem hafi þó átt sér stað. 

Biden sagði í gær að ef Reade hefði virki­lega kvartað undan atvik­inu, eins og hún heldur fram, myndi það skjal finn­ast í þjóð­skjala­safni Banda­ríkj­anna. Í yfir­lýs­ingu sem Biden birti í gær kall­aði hann eftir því að þjóð­skjala­safnið leit­aði að kvörtun­inni sem Reade seg­ist hafa lagt fram. Þjóð­skjala­safnið svar­aði for­seta­fram­bjóð­and­anum síð­degis í gær og sagð­ist ekki hafa gögn um starfs­manna­mál þings­ins. Slík gögn væru í höndum öld­unga­deild­ar­inn­ar. Fram­boð Bidens hefur beðið um frek­ari leit þar.

„Ég er hand­viss um að það er ekki neitt. Ég er ekki með neinar áhyggjur af því. Ef það er kvörtun, þá væri hún þar, þar væri hún skjöl­uð. Og ef hún er þarna, birtið hana. En ég hef aldrei séð hana. Eng­inn hefur séð hana, svo ég viti til, sagði Biden í við­tal­inu við MSNBC í gær.

En ýmsir kalla nú eftir því að Biden taki af allan vafa um hvort þetta skjal sé til og leyfi leit í öðrum skjölum en þeim sem þjóð­skjala­safnið eða þingið geym­ir. Árið 2012 ánafn­aði Biden Delaware-há­skóla skjöl sín frá 36 ára löngum þing­ferl­in­um, ein­hverja 2.000 kassa af skjölum og 400 gíga­bæt af raf­rænum gögn­um. Ekki stendur til að gera skjölin opin­ber fyrr en Biden hættir í stjórn­mál­um.

Hann neit­ar, enn sem komið er, að leyfa leit í þessum skjölum og segir úti­lokað að ein­hver gögn um starfs­manna­mál skrif­stofu hans hefðu ratað þang­að. Biden sagði í gær að í skjöl­unum væru við­kvæm gögn frá stjórn­mála­ferli hans, sem and­stæð­ingar hans gætu nýtt gegn honum í yfir­stand­andi kosn­inga­bar­áttu.

Rit­nefnd New York Times skrif­aði um þetta í gær og sagði að Biden og Demókra­ta­flokk­ur­inn yrðu að taka af allan vafa um málið og leyfa óháðri nefnd að fara í gegnum skjala­safnið í Delaware. 

„Jafn­vel þó að vissa muni ekki nást í þessu máli á banda­ríska þjóðin skilið að fá að vita að hann og Demókra­ta­flokk­ur­inn hafi gert allt sem í þeirra valdi stendur til þess að leiða sann­leik­ann í ljós,“ segir í grein rit­nefnd­ar­inn­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Alls störfuðu um 130 manns hjá SaltPay hér á landi áður en til uppsagna dagsins kom.
Hópuppsögn hjá SaltPay
SaltPay segir upp tugum starfsmanna hér á landi í dag, aðallega starfsmönnum sem hafa starfað við að þróa og viðhalda eldra greiðslukerfi Borgunar. SaltPay keypti Borgun síðasta sumar.
Kjarninn 19. apríl 2021
Samfylking sé tilbúin með frumvarp sem skyldar komufarþega til að dvelja í sóttvarnahúsi
Formaður Samfylkingar spurði forsætisráðherra hvort til stæði að breyta sóttvarnalögum í óundirbúnum fyrirspurnatíma á Alþingi í dag. Ekki við núverandi fyrirkomulag að sakast að mati forsætisráðherra, heldur við þá sem fylgja ekki reglum.
Kjarninn 19. apríl 2021
Sigríður Ólafsdóttir verður í öðru sæti listans og Eiríkur Björn í því fyrsta.
Eiríkur Björn og Sigríður leiða Viðreisn í Norðausturkjördæmi
Fyrrverandi bæjarstjóri á Fljótsdalshéraði og Akureyri verður oddviti Viðreisnar í Norðausturkjördæmi í komandi kosningum.
Kjarninn 19. apríl 2021
Harpa opnaði árið 2011. Kostnaður við rekstur fasteignarinnar og uppsafnað viðhald er að skapa alvarlega stöðu.
„Alvarleg staða“ hjá Hörpu vegna skorts á fjármagni til að sinna viðhaldi
Alls hafa eigendur Hörpu, ríki og borg, lagt húsinu til 14,4 milljarða króna í formi greiðslna af lánum vegna byggingu þess og rekstrarframlaga. Í fyrra nam rekstrarframlag þeirra 728 milljónum króna. Mikill vandi framundan vegna uppsafnaðs viðhalds.
Kjarninn 19. apríl 2021
Víðir Reynisson, Þórólfur Guðnason og Alma Möller á upplýsingafundi dagsins.
44 smit um helgina – Breytingar orðið í niðurstöðum landamæraskimanna
„Atburðir helgarinnar eru vissulega vonbrigði og við höfum fengið nú staðfest svo um munar að breska afbrigðið er til staðar í samfélaginu,“ segir Alma Möller landlæknir.
Kjarninn 19. apríl 2021
Styrkir til að hjálpa fyrirtækjum í ferðaþjónustu að rifta ráðningarsambandi við starfsfólk sitt hafa staðið til boða frá því í maí 2020.
Fyrirtæki tengd Icelandair Group hafa fengið 4,7 milljarða króna í uppsagnarstyrki
Alls hafa 17 fyrirtæki hafa fengið meira en 100 milljónir króna í uppsagnarstyrki úr ríkissjóði frá því í maí í fyrra. Næstum 40 prósent upphæðarinnar hafa farið til fyrirtækja sem tengjast Icelandair Group.
Kjarninn 19. apríl 2021
Á þriðja tug smita greindust í gær
Í fyrsta sinn frá því í nóvember 2020 greindust fleiri en 20 COVID-19 smit á Íslandi á einum degi. Fjöldinn sem greindist í gær er meiri en sá sem greindist síðast þegar aðgerðir voru hertar.
Kjarninn 19. apríl 2021
Eiríkur Ragnarsson
Hvaða frelsi er yndislegt?
Kjarninn 19. apríl 2021
Meira úr sama flokkiErlent