Björn Leví Gunn­ars­son, þing­maður Pírata, segir í stöðu­upp­færslu á Face­book í dag að tvennt þurfi nauð­syn­lega að ger­ast sem fyrst vegna COVID-19 far­ald­urs­ins.

Í fyrsta lagi fjallar hann um öryggi heim­il­anna. „Það þarf að koma í veg fyrir nauð­ung­ar­sölur á meðan versta ástandið gengur yfir. Eftir það ætti hið opin­bera að nýta sér for­kaups­rétt á nauð­ung­ar­sölum til þess að taka yfir hús­næð­is­lán og ger­ast lán­veit­andi í ein­hvern tíma þangað til end­ur­fjár­mögnun hús­næðis fæst frá annarri lána­stofn­un,“ skrifar hann.

Til við­bótar við þetta þurfi skýrar aðgerðir fyrir leigj­endur og leigu­mark­að­inn. Þó sé ekki ólík­legt að leigu­mark­að­ur­inn „lag­færi sjálfan sig eitt­hvað á næstu mán­uðum út af fækkun skamm­tíma­leig­u“. Þó þurfi að fylgj­ast vel með á þeim vett­vangi.

Þarf að hugsa til næstu mán­aða

Í öðru lagi telur þing­mað­ur­inn að hugsa þurfi strax hvað ger­ist næst. „Í augna­blik­inu er rík­is­sjóður að hella ofan í ástands­hol­una. Bless­un­ar­lega var hlustað á ábend­ingar stjórn­ar­and­stöð­unnar um aukn­ingar í nýsköpun þar sem tæki­færi fram­tíð­ar­innar munu koma til með að verða til. Það þarf hins vegar líka að hugsa um allra næstu mán­uði. Það væri til dæmis hægt að leggja til upp­bygg­ingar út um allt land á aðstöðu eins og Blá­bank­inn á Þing­eyri er með. Aðstöðu fyrir staf­rænar smiðjur og vett­vang fyrir nýsköp­un­ar­sam­vinnu almenna og opin­bera mark­að­ar­ins. Nokk­urs konar PPP (pri­vate, public partners­hip) nýsköp­un­ar­hrað­all þar sem allir sem eru á atvinnu­leys­is­bótum geta komið og fengið tæki­færi til þess að vinna að ein­hverjum verk­efn­um, sínum eigin eða ann­arra, án þess að missa bæt­urnar (þrátt fyrir að ein­hverjar tekjur fengjust út úr þeim verk­efnum sem þar myndu skapast).“

Hann segir að frá­bært væri að fá fólk til þess að koma saman og leggja lín­urnar til fram­tíðar fyrir hvert nær­sam­fé­lag fyrir sig. Til þess þurfi vett­vang sem eðli­legt sé að hið opin­bera útvegi á ein­hvern hátt.

„Þetta eru tvær mjög ein­faldar aðgerðir sem leggja lín­urnar til fram­tíð­ar. Að fólk missi ekki þakið ofan af sér og fær vett­vang til þess að búa til ný tæki­færi,“ skrifar hann að lok­um.