Sjálf­stæð­is­flokk­ur­inn mælist með 25,1 pró­sent fylgi í nýjasta þjóð­ar­púlsi Gallup. Hann hefur ekki mælst með meira fylgi í skoð­ana­könn­unum Gallup frá því í októ­ber 2018 og fylgið nú er nán­ast það sem flokk­ur­inn fékk upp úr kjör­köss­unum í síð­ustu kosn­ing­um, þegar 25,3 pró­sent atkvæða féllu honum í skaut. 

Sam­fylk­ingin tapar fylgi milli mán­aða og mælist nú með 13,8 pró­sent stuðn­ing. Sama hlut­fall aðspurðra myndi kjósa Vinstri græn ef kosið yrði í dag og sá flokkur bætir við sig fylgi aðra könn­un­ina í röð.

Píratar mæl­ast með 10,4 pró­sent fylgi og Við­reisn með tíu pró­sent, sem er mjög svipað og fyrir rúmum mán­uði. Mið­flokk­ur­inn fer niður fyrir tveggja stafa tölu í fylgi í fyrsta sinn frá því í apríl í fyrra, en fylgi hans mælist 9,9 pró­sent. 

Hvorki Flokkur fólks­ins, sem mælist með 4,4 pró­sent fylgi, né Sós­í­alista­flokk­ur­inn, með fjögur pró­sent fylgi, eru lík­legir til að ná inn manni á þing eins og staðan er í dag. 

Stuðn­ingur við rík­is­stjórn­ina mælist 61 pró­sent og hefur ekki mælst meiri síðan í febr­úar 2018. 

Frá þjóð­ar­púls­inum er greint á vef RÚV.

Sam­eig­in­legt fylgi stjórn­ar­flokk­anna er 47,3 pró­sent sem er tölu­vert undir kjör­fylgi þeirra, enda mæl­ast þeir allir þrír með minna fylgi en þeir fengu haustið 2017. 

Sam­fylk­ing, Píratar og Við­reisn mæl­ast sam­an­lagt með 34,2 pró­sent fylgi sem er 6,2 pró­sentu­stigum meira fylgi en flokk­arnir þrír fengu í síð­ustu kosn­ing­um. 

Bæði Mið­flokk­ur­inn og Flokkur fólks­ins mæl­ast með minna fylgi í dag en þeir fengu í kosn­ing­unum 2017. 

Í frétt RÚV um könn­un­ina segir að tæp­lega ell­efu pró­sent aðspurðra hafi sagst ætla að skila auðu eða ekki kjósa og rúm­lega tólf pró­sent tóku ekki afstöðu eða neit­uðu að gefa hana upp.

Þjóð­ar­púls Gallup var gerður dag­ana 30. mars til 3. maí 2020. Heild­ar­úr­taks­stærð var 11.028 manns og 55,7 pró­sent tóku þátt. Vik­mörk við fylgi flokka eru 0,1-1,2 pró­sentu­stig. Ein­stak­lingar í úrtak­inu voru handa­hófs­valdir úr við­horfa­hópi Gallup.