Hlut­fall kvenna í stjórnum fyr­ir­tækja hefur aldrei náð því að vera í sam­ræma við lög sem sam­þykkt voru árið 2010 um kynja­kvóta. Þau tóku gildi í sept­em­ber 2013. Sam­kvæmt lög­unum ber fyr­ir­tækjum með 50 eða fleiri starfs­menn að tryggja að hlut­fall hvors kyns í stjórnum sé ekki undir 40 pró­sent­um. Árið 2007 hafði það hlut­fall verið 12,7 pró­sent. 

Í grein­ar­gerð með frum­varp­inu, sem þáver­andi efna­hags- og við­skipta­ráð­herra lagði fram, sagði að mark­mið þess værið að stuðla að jafn­ari hlut­föllum kvenna og karla í áhrifa­stöðum í hluta­fé­lögum og einka­hluta­fé­lögum með auknu gagn­sæi og greið­ari aðgangi að upp­lýs­ing­um“. 

Í árs­lok 2017 var það 32,6 pró­sent. Ári síðar var það orðið 33,6 pró­sent og um síð­ustu ára­mót var að 34,7 pró­sent, sam­kvæmt tölum sem Hag­stofa Íslands birti í morg­un. Rúmum sex árum eftir að lögin um kynja­kvóta í stjórnum fyr­ir­tækja tóku gildi hafði mark­mið lag­anna aldrei náðst.

Hlut­fall kvenna í stjórnum fyr­ir­tækja með færri en 50 laun­þega er enn lægra, eða 26,1 pró­sent, og hækk­aði um 0,2 pró­sentu­stig frá fyrra ári.

Hlut­fall kvenna í stöðu fram­kvæmda­stjóra hækk­aði lít­il­lega á milli ára og er nú 23 pró­sent. Hlut­fall kvenna í stöðu stjórn­ar­for­manna var 24,3 pró­sent í lok árs 2019.

Karlar stýra þorra pen­inga á Íslandi

Kjarn­inn hefur fram­kvæmt úttekt á því hvers kyns þeir sem stýra fjár­magni á Íslandi eru árlega frá 2014. Sú síð­asta var birt í byrjun mars síð­ast­lið­ins og var sú sjö­unda sem fram­kvæmd hefur ver­ið.

Í ár náði hún til 96 æðstu stjórn­enda við­skipta­banka, spari­sjóða, líf­eyr­is­sjóða, skráðra félaga, óskráðra trygg­inga­fé­laga, lána­fyr­ir­tækja, verð­bréfa­fyr­ir­tækja og -miðl­ana, fram­taks­sjóða, orku­fyr­ir­tækja, raf­eyr­is­fyr­ir­tækja, greiðslu­stofn­ana, Kaup­hallar og lána­sjóða. 

Nið­ur­staðan var sú að 83 þeirra eru karlar en þrettán eru kon­ur. Konum fjölg­aði um þrjár á milli ára en körlum um fjóra, vegna ýmissa breyt­inga sem orðið höfðu á eft­ir­lits­skyldum aðilum á árinu. Hlut­fall kvenna á meðal helstu stjórn­enda fjár­magns á Íslandi fór með því úr 11,1 pró­sent í 13,5 pró­sent milli áranna 2019 og 2020. 

Þessi hópur sem fellur undir úttekt­ar­skil­yrðin stýrir sam­tals þús­undum millj­arða króna og velur í hvaða fjár­fest­ingar þeir pen­ingar rata hverju sinni.

Frá því að Kjarn­inn gerði úttekt sína fyrst hefur kon­unum sem hún nær til fjölgað um helm­ing, farið úr sex í tólf. Körlunum hefur hins vegar líka fjölg­að, alls um tvo, og eru nú líkt og áður sagði 84. Og hlut­falls­lega bilið milli þeirra ekki lækkað sem neinu nem­ur.

Ef 16 af stærstu einka­fjár­festum lands­ins eru einnig taldir með þá breyt­ist myndin aðeins. Körlunum fjölg­aði í 100 en kon­urnar voru 16. Hlut­fall kvenna fer því upp í 16 pró­sent. 

Hægt er að lesa úttekt Kjarn­ans hér til hlið­ar.