Leigu­bif­reiða­stjórar sem hafa haft atvinnu­leyfi skemur en tvö ár munu fá heim­ild að leggja inn atvinnu­leyfi sitt sam­kvæmt nýju frum­varpi sem Sig­urður Ingi Jóhanns­son, sam­göngu- og sveit­ar­stjórn­ar­ráð­herra, hefur lagt fram á Alþingi til breyt­inga á lögum um leigu­bif­reið­ar.

Frá þessu er greint á vef Stjórn­ar­ráðs­ins í dag.

Í gild­andi lögum um leigu­bif­reiðar frá 2001 hafa leigu­bif­reiða­stjórar heim­ild til að leggja inn atvinnu­leyfi sitt en skil­yrði er að þeir hafi haft atvinnu­leyfi í minnst tvö ár sam­fleytt.

Í til­kynn­ing­unni segir að mark­mið frum­varps­ins sé að draga úr nei­kvæðum efna­hags­legum áhrifum vegna COVID-19 far­ald­urs­ins á þann hóp leigu­bif­reiða­stjóra sem hafa starfað skemur en tvö ár. Með því að leggja inn leyfið geti leigu­bíl­stjórar sparað kostnað vegna atvinnu­leyf­is­ins, skráð sig atvinnu­lausa og sótt um atvinnu­leys­is­bæt­ur. Margir bíl­stjórar hafi þegar nýtt sér það úrræði vegna sam­dráttar á leigu­bif­reiða­mark­aði sökum áhrifa COVID-19 far­ald­urs­ins.