Katrín Jak­obs­dóttir for­sæt­is­ráð­herra og Bjarni Bene­dikts­son fjár­mála­ráð­herra eru á einu máli um að stöndug fyr­ir­tæki sem hafi tök á því að greiða út arð til hlut­hafa sinna hefðu ekki átt að nýta sér hluta­bóta­leið­ina og vilja að fyr­ir­tæki rök­styðji ákvarð­anir sín­ar. Þetta kom fram í máli þeirra tveggja í hádeg­is­fréttum RÚV. 

Þegar hluta­bóta­leiðin var kynnt af hálfu stjórn­valda voru ekki settar neinar kvaðir um að fyr­ir­tæki sem hana nýttu mættu ekki greiða sér arð eða kaupa eigin hluta­bréf, en fregnir vik­unnar af arð­greiðslum og end­ur­kaupum hafa vakið úlfúð í sam­fé­lag­inu og einnig hjá leið­togum rík­is­stjórn­ar­inn­ar.

„Við virð­umst hafa til­vik þar sem fyr­ir­tæki hafa ekki haft neina raun­veru­lega þörf, þar sem að þau hafa til dæmis verið að dreifa pen­ingum til hlut­hafa sinna, til þess að nýta þetta úrræð­i,“ sagði fjár­mála­ráð­herra við RÚV eftir rík­is­stjórn­ar­fund í morgun og bætti við að þetta þætti honum „al­veg óskap­lega slæmt“ og að þetta „ræki rýt­ing í sam­stöð­una“ sem mynd­ast hefði í sam­fé­lag­inu eftir að heims­far­ald­ur­inn skall á.

Haft var eftir for­sæt­is­ráð­herra að öllum fyr­ir­tækjum sem hafa nýtt sér hluta­bóta­leið­ina yrði sent bréf þar sem óskað yrði eftir rök­stuðn­ingi fyrir því að skerða starfs­hlut­fall starfs­manna. Fjár­mála­ráð­herra sagði einnig, aðspurð­ur, að ef í ljós kæmi að fyr­ir­tæki hefðu nýtt sér hluta­bóta­leið­ina án full­nægj­andi skýr­inga væri ekki úti­lokað að farið yrði fram á að fyr­ir­tækin end­ur­greiddu rík­inu.

Eins og Kjarn­inn fjall­aði um þann 22. apríl hefur Vinn­u­­mála­­stofnun ekki upp­­lýs­ingar um hvort öll þau fyr­ir­tæki sem hafa verið starfs­­menn í skertu starfs­hlut­­falli und­an­farnar hafi upp­­lifað sam­­drátt í sínum rekstri eða tak­­mark­­anir vegna aðstæðna í sam­­fé­lag­inu.

Að því hefur ekki verið spurt, þrátt fyrir heim­ild sé í lögum fyrir því að óska eftir rök­­stuðn­­ingi frá vinn­u­veit­endum sem lækka starfs­hlut­­fall starfs­­manna sinna um það af hverju fyr­ir­tækið hafi gripið til þess ráðs.

„Frá gild­is­­töku lag­anna hefur álag vegna mjög margra umsókna í þetta úrræði verið svo mikið að ekki hefur gef­ist tími til að stunda mikið eft­ir­lit,“ sagði Unnur Sverr­is­dóttir for­stjóri Vinnu­mála­stofn­unar í skrif­­legu svari sínu við fyr­ir­spurn Kjarn­ans. 

Haft var eftir Unni, í hádeg­is­fréttum RÚV í dag, að þessu eft­ir­liti yrði sinnt eftir á, rétt eins og for­sæt­is­ráð­herra boð­ar.