Til að vinna gegn atvinnu­leysi þurfa stjórn­völd að skapa sam­fé­lags­lega mik­il­væg störf. Þetta kemur fram í stöðu­upp­færslu Efl­ingar í dag. Þar er bent á að fjölda fólks vanti í störf í heil­brigð­is­kerf­inu og umönn­un­ar­kerf­unum lands­ins og und­ir­bún­ingur fyrir sjálf­bært hag­kerfi þurfi ræki­legan stuðn­ing með mann­afls­frekum opin­berum fram­kvæmd­um.

„Verka og lág­launa­fólk hefur á und­an­förum árum knúið áfram hjól atvinnu­lífs­ins með vinnu sinni. Það hefur staðið skil á sköttum og gjöld­um. Krafan er sú að það njóti verndar rík­is­ins á þessum erf­iðu tím­um. Stjórn­völd ein­fald­lega skulda vinnu­afl­inu sann­gjarna með­ferð.“

Áhættan við að veita björg­un­ar­að­gerðum gegnum stjórnir einka­fyr­ir­tækja mikil

Í færsl­unni segir að síðan kór­ónafar­ald­ur­inn lagð­ist yfir heims­byggð­ina hafi rík­is­stjórnir um allan heim gripið til björg­un­ar­að­gerða vegna með­fylgj­andi efna­hag­skreppu. Með björg­un­ar­pökkum og íhlutun seðla­banka hafi stjórn­völd úthlutað gríð­ar­legum fjár­mun­um. Margar þess­ara aðgerða hafi miðað að því að létta undir með fyr­ir­tækj­um, nú síð­ast með upp­sagn­ar­styrkj­um. Þá er bent á að tveimur klukku­stundum eftir að til­kynnt var um það úrræði hafi Icelandair fram­kvæmt stærstu fjölda­upp­sögn Íslands­sög­unn­ar, fjár­magn­aða af rík­inu.

„Áhættan við að veita björg­un­ar­að­gerðum gegnum stjórnir einka­fyr­ir­tækja er mik­il. Hluta­bóta­leið­in, þar sem fyr­ir­tæki geta fært hluta launa­kostn­aðar á ríkið og lækkað starfs­hlut­fall á móti, hefur verið nýtt af stór­fyr­ir­tækjum jafn­vel í þann mund sem þau færa hund­ruð millj­óna til hlut­hafa gegnum arð­greiðslur og end­ur­kaup hluta­bréfa. Björg­un­ar­að­gerðir enda til jafns hjá þeim sem þurfa þær og þeim sem hafa nóg úr að moða. Risar á mark­aði, sem hafa árum saman barist gegn sann­gjörnum sköttum á arð­greiðslur gegnum sín hags­muna­sam­tök, við­halda þannig sam­keppn­is­for­skoti sínu með neyð­ar­að­stoð ætl­aðri öðrum,“ segir í færslu Efl­ing­ar.

Á meðan lýsi stjórn­ar­þing­menn því yfir við kosn­ingar um fjár­auka­lög að með þessum greiðslum séu vasarnir tómir og ekki til pen­ingar til að hækka atvinnu­leys­is­bæt­ur. Öllum sé hins vegar ljóst að öll við­bót­ar­út­gjöld rík­is­ins nú um stundir eru fjár­mögnuð með lán­tök­um. Póli­tísk ákvörðun hafi verið tekin um að gefa fyr­ir­tækjum betri með­ferð en vinn­andi fólki.

Enn fremur segir að atvinnu­leys­is­bætur þurfi að hækka veru­lega, svo fólki sé ekki refsað fyrir að hafa verið rekið í kór­óna­veiru­far­aldr­in­um. Bótum hafi í áraraðir verið haldið lágum til að hrinda fólki út á vinnu­mark­að, en sú aðferð virkai­ekki þegar vinnu­mark­að­ur­inn losar sig við vinnu­afl í stórum stíl.