Seðla­bank­inn hefur und­ir­ritað samn­inga við íslenku bank­ana um veit­ingu ábyrgða vegna við­bót­ar­lána til fyr­ir­tækja, svo­kall­aðra brú­ar­lána.

Seðla­bank­an­um  var falið að ann­ast fram­kvæmd á ábyrgð rík­is­sjóðs sam­kvæmt sér­stökum samn­ingi við fjár­mála- og efna­hags­ráðu­neyt­ið. Í því skyni hefur bank­inn und­ir­ritað samn­inga við Íslands­banka, Lands­bank­ann, Arion banka og Kviku banka.

Lánin eru ætluð fyr­ir­tækj­um, einkum smáum og með­al­stórum, sem orðið hafa fyrir tíma­bundnum rekstr­ar­vanda vegna heims­far­ald­urs af völdum kór­ónu­veiru, COVID-19. Rík­is­sjóður gengst í ábyrgð fyrir allt að 70 pró­sent af fjár­hæð lán­anna sem fyr­ir­tæki geta fengið að upp­fylltum ákveðnum skil­yrð­um, m.a. að lán­taki greiði ekki arð eða kaupi eigin hluti á meðan rík­is­á­byrgðar nýtur við. Heild­ar­á­byrgð rík­is­sjóðs í þessum efnum getur numið allt að 50 millj­örðum króna.

 „Það er mik­il­vægt að við höfum náð þessum samn­ingum í höfn um við­bót­ar­lán,“ er haft eftir Ásgeiri Jóns­syni seðla­banka­stjóra í til­kynn­ingu frá bank­an­um. „Nú hefur opn­ast nýr mögu­leiki fyrir aðþrengd fyr­ir­tæki að sækja sér rekstr­arfé í kjöl­far heims­far­ald­urs kór­ónu­veiru. Bönk­unum er nú ekk­ert að van­bún­aði að hefja vinnu á grunni samn­ing­anna með það að mark­miði að fleyta fyr­ir­tækjum yfir erf­ið­asta hjall­ann. Þetta úrræði ætti að gefa þjóð­ar­skút­unni ein­hvern byr í seglin á kom­andi miss­er­um.“