Meiri­hluti fyr­ir­tækja í land­inu telja að kreppan vegna útbreiðslu veirunnar sem veldur COVID-19 muni standa í allt eitt ár hið minnsta. Alls segj­ast 30 pró­sent for­svars­manna aðild­ar­fyr­ir­tækja Sam­taka atvinnu­lífs­ins að þeir telji að hún muni standa lengur en það en 25 pró­sent þeirra telja að hún muni standa í allt að eitt ár.

Ein­ungis einn af hverjum fimm telja að kreppan gangi yfir á skemur en fjórum mán­uð­um. Að jafn­aði er búist við að kreppan standi yfir í tólf mán­uði.

Þetta kemur fram í könnun sem Mask­ína gerði fyrir Sam­tök atvinnu­lífs­ins (SA) meðal for­svars­manna aðild­ar­fyr­ir­tækja sam­tak­anna. 

Búið að segja upp 5.600 og önnur eins hrina á leið­inni

Á meðal ann­arra nið­ur­staðna sem könn­unin leiddi fram eru að 70 pró­sent fyr­ir­tækj­anna sem hún náði til hafa urðu fyrir tekju­missi í apr­íl­mán­uði. Þrjú af hverjum fjórum fyr­ir­tækjum hafa gripið til ein­hverra aðgerða til að bregð­ast við þess­ari stöðu. Í þeim hefur til að mynda falist að lækka starfs­hlut­fall eða stytta opn­un­ar­tíma.

Rúm­lega 40 þús­und starfs­menn starfa hjá fyr­ir­tækj­unum sem svör­uðu könn­un­inni. Upp­sagnir náðu til rúm­lega þrjú pró­sent starfs­manna þeirra. Það svarar til um 5.600 upp­sagna í við­skipta­hag­kerf­inu í heild. 

Miðað við svörin sem feng­ust er fyr­ir­liggj­andi að önnur eins bylgja af upp­sögnum sé framund­an. Rúm­lega 20 pró­sent fyr­ir­tækja áforma frek­ari upp­sagnir og SA áætlar að þær muni ná til um 5.500 manns. Lang­flestar upp­sagn­irnar verða hjá fyr­ir­tækjum í ferða­þjón­ust­u. 

Mis­mun­andi ánægja með aðgerð­ar­pakk­ana

Í könn­un­inni var einnig spurt um aðgerð­ar­pakka rík­is­stjórn­ar­inn­ar. Sá fyrri var kynntur 21. mars en sá síð­ari nákvæm­lega mán­uði síð­ar, eða 21. apr­íl. 

Úr fyrri pakk­anum töldu flestir for­svars­menn­irnir að hluta­starfa­leiðin og laun í sótt­kví hefðu gagn­ast mest enda tóku þær aðgerðir gildi strax. Athygli vekur að ein­ungis 25 pró­sent aðspurðra sagði að brú­ar­lán til atvinnu­lífs­ins hefðu gert eitt­hvert eða mikið gagn. Alls sögðu 53 pró­sent fyr­ir­tækj­anna að aðgerða­pakk­inn í heild hefði gert eitt­hvert eða mikið gagn. 

Aðeins minni ánægja er með síð­ari aðgerð­ar­pakk­ann, en undir helm­ing for­svars­manna fyr­ir­tækj­anna töldu að hann hefði gert eitt­hvert eða mikið gagn. Ein­ungis einn af hverjum tíu sagði hann raunar hafa gert mikið gagn. Mesta var ánægjan með jöfnun tekju­skatts með tapi 2020 og frek­ari sókn til nýsköp­un­ar. Minnst var ánægjan með hina svoköll­uðu lok­un­ar­styrki.