Stjórnvöld taki af öll tvímæli um að þau hyggist ekki styðja „ólögmætt og ósiðlegt athæfi Icelandair“

ASÍ mótmælir því sem komið hefur fram í fjölmiðlum um hugsanleg viðbrögð Icelandair í kjaradeilu félagsins við Flugfreyjufélag Íslands. Forstjóri Icelandair segir félagið ekki hafa verið í viðræðum við önnur stéttarfélög um gerð kjarasamnings.

Drífa Snædal, forseti ASÍ.
Drífa Snædal, forseti ASÍ.
Auglýsing

Alþýðu­sam­band Íslands (ASÍ) mót­mælir harð­lega því sem lýst er í Morg­un­blað­inu og Frétta­blað­inu í dag sem hugs­an­legum við­brögðum Icelandair í kjara­deilu félags­ins við Flug­freyju­fé­lag Íslands (FFÍ). Í báðum til­vikum er vísað til heim­ilda innan Icelanda­ir. Sam­kvæmt fréttum Morg­un­blaðs­ins skoðar Icelandair mögu­leika á að stofna nýtt stétt­ar­fé­lag flug­freyja og sam­kvæmt Frétta­blað­inu hyggst Icelandair láta reyna á for­gangs­rétt­ar­á­kvæði kjara­samn­ings FFÍ fyrir félags­dómi náist ekki samn­ing­ur.

Þetta kemur fram í yfir­lýs­ingu ASÍ vegna frétta um Icelandair sem sam­bandið sendi frá sér í dag.

Í henni segir að þessar vanga­veltur séu settar fram á mjög við­kvæmu stigi samn­inga­við­ræðna og virð­ist til­gang­ur­inn vera að hafa áhrif á starf­semi FFÍ og reka fleyg í sam­stöðu félags­manna. Þær byggi einnig á mik­illi van­þekk­ingu á íslenskri og alþjóð­legri vinnu­lög­gjöf og kjara­samn­ingi FFÍ.

Auglýsing

Seg­ist ekki hafa verið í við­ræðum við önnur stétt­ar­fé­lög

Fram kom í frétt RÚV nú rétt fyrir hádegi að Icelandair hefði ekki verið í við­ræðum við önnur stétt­ar­fé­lög um gerð kjara­samn­ings um störf flug­freyja og flug­þjóna hjá félag­inu. Þetta kemur fram í bréfi Boga Nils Boga­son­ar, for­stjóra Icelanda­ir, til Flug­freyju­fé­lags Íslands í dag. „Það stað­fest­ist hér með að Icelandair hefur ekki verið í við­ræðum við önnur stétt­ar­fé­lög um gerð kjara­samn­ings um störf flug­freyja og flug­þjóna hjá félag­inu. Það hefur verið mark­mið félags­ins frá upp­hafi við­ræðna að tryggja nýjan kjara­samn­ing á milli Icelandair og FFÍ sem tryggir hags­muni beggja aðila og von­ast Icelandair enn til þess að slík nið­ur­staða náist fram í tæka tíð,“ segir Bogi Nils, að því er fram kemur í frétt RÚV. 

Við þetta verði ekki unað í íslensku sam­fé­lagi

Alþýðu­sam­band Íslands áréttar í yfir­lýs­ingu sinni að stétt­ar­fé­lög séu félög launa­fólks sem njóta verndar í stjórn­ar­skrá og að atvinnu­rek­endum sé óheim­ilt að skipta sér af. Icelandair geti ekki sjálft stofnað til eða haft frum­kvæði að stofnun stétt­ar­fé­laga. Við slíkt atferli verði ekki unað í íslensku sam­fé­lagi og Icelandair hollt að hafa í huga að aðild­ar­fé­lög ASÍ hafi heim­ildir til þess að veita FFÍ stuðn­ing í yfir­stand­andi kjara­deilu með boðun sam­úð­ar­vinnu­stöðv­ana og fulla heim­ild til þess að verja rétt­ar­stöðu sína gegn ólög­mætum árás­um.

Raun­ger­ist fyrr­nefndar vanga­veltur eigi Icelandair ekk­ert til­kall til stuðn­ings úr opin­berum sjóðum eða við­bót­ar­hluta­fjár úr líf­eyr­is­sjóðum launa­fólks. ASÍ krefst þess að stjórn­völd stígi fram og taki af öll tví­mæli um að þau hygg­ist ekki styðja ólög­mætt og ósið­legt athæfi Icelanda­ir.

Flug­freyjur staðið sam­ein­aðar og komið fram af heil­indum í kjara­við­ræðum

Drífa Snædal, for­seti ASÍ, bendir á í yfir­lýs­ing­unni að flug­freyjur hafi verið samn­ings­lausar lengi. Þær hafi staðið sam­ein­aðar og komið fram af heil­indum í kjara­við­ræð­um. Að mæta þeim á þessu stigi samn­inga­við­ræðna með hót­unum um að ganga gegn lögum og leik­reglum á íslenskum vinnu­mark­aði sé með öllu óvið­un­andi.

„Fram­ganga Icelandair í samn­inga­við­ræðum við flug­freyjur hefur verið með ólík­indum og er til þess fallin að draga úr almennu trausti í garð þessa rót­gróna flug­fé­lags. Þetta er ekki flug­fé­lagið okkar allra sem býður okkur vel­komin heim. Við munum ekki sætta okkur við aðferðir sem á ensku eru kall­aðar union busting og ganga út á að grafa undan sam­stöðu launa­fólks og eyði­leggja verka­lýðs­fé­lög. Verka­lýðs­hreyf­ingin mun ekki sitja með hendur í skauti and­spænis slíkum aðgerð­u­m,“ segir hún.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Útgjöld aukin, tekjur lækka og niðurstaðan er 533 milljarða króna halli á tveimur árum
Stjórnvöld ætla ekki að skera niður eða hækka skatta til að takast á við yfirstandandi kreppu vegna kórónuveirufaraldursins. Í fjárlagafrumvarpi næsta árs kemur fram að tekjur og gjöld verði nánast þau sömu og áætlað er að þau verði í ár.
Kjarninn 1. október 2020
Karl Hafsteinsson, Bjarni Benediktsson, Aldís Hafsteinsdóttir og Sigurður Ingi Jóhannsson við undirritun samningsins í morgun
Tæpir fimm milljarðar króna til sveitarfélaganna
Ráðherrar ríkisstjórnarinnar undirrituðu viljayfirlýsingu um að auka fjárveitingar til sveitarfélaganna um tæpa fimm milljarða króna til að bæta skuldastöðu þeirra til næstu fimm ára.
Kjarninn 1. október 2020
Bjarni Benediktsson fjármála- og efnahagsráðherra við kynningu fjárlagafrumvarpsins í dag.
Fjárlög gera ráð fyrir 264 milljarða króna halla árið 2021
Samanlagður halli á rekstri ríkissjóðs á árunum 2020 og 2021 mun nema yfir 530 milljörðum króna. Ríkisstjórnin segist ætla að beita ríkisfjármálunum af fullum þunga og safna skuldum, frekar en að grípa til niðurskurðar eða skattahækkana.
Kjarninn 1. október 2020
Útflutningur dregst verulega saman á milli ára. Þar skiptir mestu máli að ferðaþjónusta er nær lömuð sem stendur. Kórónuveiran gerir það að verkum að fáir heimsækja Ísland.
Hagstofan spáir mesta samdrætti í heila öld – 30 prósent samdráttur í útflutningi
Hagstofa Íslands spáir því að hagkerfið taki við sér á næsta ári og að þá verði hagvöxtur upp á 3,9 prósent. Verbólguhorfur hafa versnað og nú er gert ráð fyrir að verðbólga verði að meðaltali yfir markmiði út næsta ár.
Kjarninn 1. október 2020
Þriðja bylgjan: „Þetta verður há tala, það er alveg ljóst“
Fleiri liggja nú á sjúkrahúsi vegna COVID-19 en á sama tímapunkti í fyrstu bylgju faraldursins. Thor Aspelund líftölfræðingur segir allt eins líklegt að þriðja bylgjan vari í fimm vikur til viðbótar og jafnvel að önnur taki svo við í desember.
Kjarninn 1. október 2020
Ráðherrar í ríkisstjórn hafa verið mismunandi sýnilegir vegna COVID-19. Svandís Svavarsdóttir nýtur nú meira trausts en áður, Katrín Jakobsdóttir stendur í stað en traust til Lilju Alfreðsdóttur hefur helmingast á rúmu ári.
Katrín nýtur mest trausts en traust til Lilju helmingast milli ára
Þrír ráðherrar Sjálfstæðisflokksins raða sér í þrjú efstu sætin yfir þá ráðherra sem landsmenn treysta síst. Þeim fækkar sem segjast treysta Lilju Alfreðsdóttur mest en fjölgar sem nefna Svandísi Svavarsdóttur eða Sigurð Inga Jóhannsson.
Kjarninn 1. október 2020
Brynjar sakar Pírata um popúlisma – Björn Leví segir Brynjar vera latan og gera ekkert
Tveir þingmenn, annar úr Sjálfstæðisflokki og hinn frá Pírötum, tókust hart á á samfélagsmiðli í gær. Sá fyrrnefndi ásakaði hinn um popúlisma. Sá síðarnefndi sagði hinn vera latan og reyna að gera sem minnst.
Kjarninn 30. september 2020
Ríkisbankarnir tveir á meðal stærstu eigenda Icelandair Group
Þeir 23 milljarðar hluta sem seldust í hlutafjárútboði Icelandair fyrr í mánuðinum voru teknir til viðskipta í Kauphöllinni í dag. Icelandair hefur uppfært lista yfir 20 stærstu hluthafa félagsins.
Kjarninn 30. september 2020
Meira úr sama flokkiInnlent