Þrenn mislæg gatnamót á 5,3 kílómetra kafla

Vegagerðin áformar að tvöfalda Suðurlandsveg frá vegamótum við Bæjarháls að Hólmsá ofan Reykjavíkur, um 5,3 kílómetra leið. Byggð verða þrenn mislæg gatnamót og fyllingar settar í Rauðavatn. Framkvæmdasvæðið liggur um friðlýst svæði, fólkvanginn Rauðhóla.

Möguleg útfærsla  fyrir mislæg vegamót við Norðlingavað.
Möguleg útfærsla fyrir mislæg vegamót við Norðlingavað.
Auglýsing

Vega­gerð­in, í sam­vinnu við Reykja­vík­ur­borg og Mos­fells­bæ, áformar að tvö­falda Suð­ur­lands­veg frá vega­mótum við Bæj­ar­háls að Hólmsá ofan Reykja­vík­ur. Lagður verður 2 + 2 vegur og teng­ingum fækkað frá því sem nú er. Byggð verða þrenn mis­læg vega­mót; við Breið­holts­braut, Norð­linga­vað og Hafra­vatns­veg. Gerðir verða nýir reið-, hjóla- og göngu­stíg­ar. 

Mark­mið fram­kvæmd­ar­innar er að auka umferð­ar­ör­yggi allra far­ar­máta og tryggja greið­ari umferð um Suð­ur­lands­veg með því að aðskilja akst­urs­stefn­ur. Veg­ur­inn verður tvö­fald­aður í allt að fimm áföngum og er fram­kvæmd­inni ætlað að leysa umferð­ar­mál til næstu ára­tuga.

Þetta kemur fram í til­lögu að mats­á­ætlun fyrir hina fyr­ir­hug­uðu fram­kvæmd sem nú hefur verið aug­lýst á vef Skipu­lags­stofn­un­ar.

Auglýsing

Fram­kvæmd­inni verður skipt í að minnsta kosti fimm áfanga og í fyrstu tveimur verður veg­ur­inn tvö­fald­aður án mis­lægra vega­móta. Ný akbraut verður lögð að mestu norðan núver­andi veg­ar. Aðlaga þarf teng­ingar mis­lægra vega­móta við Bæj­ar­háls og teng­ingar við hring­torg við Breið­holts­braut. Við vega­mót Breið­holts­brautar er land­rými tak­markað og einnig þrengdi bygg­ing bens­ín­stöðvar Olís að veg­svæði við Rauða­vatns­skóg. Á þeim veg­kafla verður lagður vegur með þröngu þver­sniði.

Við Norð­linga­vað þarf í fyrri áföngum að tvö­falda hring­torg. Suð­ur­lands­vegur liggur síðan á bökkum Bugðu (Hólmsár) austan Norð­linga­holts og verður áhersla á að raska ekki ánni og árbakk­an­um.

Í áföngum 3 til 5 verða mis­læg vega­mót byggð við öll vega­mótin á kafl­anum nema við Heið­merk­ur­veg.

Ný tenging við Heiðmörk hjá Rauðhólum. Mynd: Vegagerðin

Árið 2009 gerði verk­fræði­stofan EFLA til­lögu að mats­á­ætlun vegna breikk­unar Suð­ur­lands­vegar sem var sam­þykkt af Skipu­lags­stofn­un. Í kjöl­farið var gerð frum­mats­skýrsla og nauð­syn­legar rann­sóknir tengdar þeirri vinnu voru fram­kvæmd­ar. Ekki var farið út í fram­kvæmdir á þessum tíma og því var frum­mats­skýrsla ekki send til Skipu­lags­stofn­un­ar.

Suð­ur­lands­vegur er hluti af hring­veg­inum og er aðal­sam­göngu­leiðin suður og austur um land. Veg­ur­inn um fyr­ir­hugað fram­kvæmda­svæði er ein akrein í hvora átt. Tvö­falt hring­torg er við Breið­holts­braut og ein­falt hring­torg er við Norð­linga­vað. Bíla­stæði eru beggja vegna við veg hjá Rauða­vatns­skógi þar sem fjöl­margir stöðva og fólk sam­ein­ast í bíla fyrir ferðir austur fyrir fjall eða til að fara í göngu­ferðir í Rauða­vatns­skógi og á Hólms­heiði.

Mikil umferð er um veg við Rauð­hóla til og frá Heið­mörk og um Hafra­vatns­veg og þurfa veg­far­endur oft að sæta lagi til að kom­ast inn á veg­inn. Nokkur íbúð­ar- og sum­ar­hús eru sunnan Suð­ur­lands­vegar og hefur mark­visst verið unnið að því á und­an­förnum árum að fækka teng­ingum og gera þær örugg­ari. Enn er þó hægt að aka inn á veg­inn á átta stöðum til við­bótar því sem að ofan er talið.

Mislæg vegamót við Hafravatnsveg. Mynd: Vegagerðin/Sigurður Valur

„Öllu fyr­ir­hug­uðu fram­kvæmda­svæði hefur verið umbylt á und­an­förnum ára­tugum þannig að þar er vart að finna nátt­úru­legt gróð­ur­lendi eða óhreyfða jarð­mynd­un,“ segir í skýrsl­unni. Á svæð­inu við Rauða­vatn hafa verið lagðir stígar og landið jafn­að. Við sunn­an­vert vatnið hefur verið fyllt út í það til að koma núver­andi Suð­ur­lands­vegi fyrir ásamt reið­stíg og göngu­stíg.

Rauða­vatn og nágrenni þess er vin­sælt úti­vist­ar­svæð­i.  Vatnið hvílir á fremur lekum grá­grýt­is­grunni og án afrennslis á yfir­borði. Vatna­sviðið er um 3 km². Miklar vatns­borðs­sveiflur ein­kenna vatnið og því er strand­svæði vatns­ins lítt gró­ið. Skóg­ur­inn við Rauða­vatn, sem gengur undir nafn­inu Rauða­vatns­stöðin eða Rauða­vatns­skógur er í grunn­inn einn elsti rækt­aði skógur Íslands. Ræktun hófst á svæð­inu að til­stuðlan danskra frum­kvöðla í skóg­rækt og land­græðslu árið 1901.  Við fram­kvæmd­ina verður reynt að skerða hann sem allra minnst, segir í skýrsl­unni.

Möguleg útfærsla fyrir vegamót við Heiðmerkurveg. Mynd: Vegagerðin/Sigurður Valur

Heild­ar­flat­ar­mál lands sem fer undir mann­virki til við­bótar þeim vegum og stígum sem fyrir eru verður um 40 hekt­arar og heild­ar­lengd vega sem verða tvö­fald­aðir er um 5,3 kíló­metr­ar. Svæðið er að mestu í eigu Reykja­vík­ur­borgar en nokkur svæði eru í eigu ein­stak­linga. Nokkuð er um leigu­lóð­ir, bæði sum­ar- og heils­árs­húsa.

Helstu áhrif á fram­kvæmda­tíma fel­ast í beinum áhrifum á því land­svæði sem fer undir veg. Þeir þrír val­kostir sem til skoð­unar eru fyrir mis­læg vega­mót við Breið­holts­braut fela allir í sér fyll­ingar í Rauða­vatni. Lagt verður mat á umfang og áhrif fyll­inga í Rauða­vatni vegna mis­mun­andi val­kosta. Veg­fyll­ingar geta einnig haft áhrif á líf­ríki. Nýr vegur og mis­læg vega­mót hafa einnig sjón­ræn áhrif.

Leita þarf leyfis hjá Umhverf­is­stofnun þar sem fram­kvæmda­svæðið liggur um frið­lýst svæði, fólk­vang­inn Rauð­hóla. Í reglu­gerð fólk­vangs­ins seg­ir: „Óheim­ilt er að gera á svæð­inu mann­virki né gera jarð­ra­sk, nema leyfi Umhverf­is­stofn­unar komi til. Eft­ir­lit með fólk­vang­inum er í höndum Umhverf­is­sviðs Reykja­vík­ur.“

Allir geta kynnt sér til­lög­una og lagt fram athuga­semd­ir. Athuga­semd­ir skulu vera skrif­legar og ber­ast eigi síðar en 8. júní 2020 til­ ­Skipu­lags­stofn­unar bréfleiðis eða með tölvu­pósti á skipu­lag@­skipu­lag.­is.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þolendur kynfæralimlestinga, nauðgana, ofbeldis og fordóma sendir til baka til Grikklands
Tvær sómalskar konur standa nú frammi fyrir því að verða sendar til Grikklands af íslenskum stjórnvöldum og bíða þær brottfarardags. Þær eru báðar þolendur grimmilegs ofbeldis og þarfnast sárlega aðstoðar fagfólks til að vinna í sínum málum.
Kjarninn 27. nóvember 2021
Undirbúa sókn fjárfesta í flesta innviði samfélagsins „til að létta undir með hinu opinbera“
Í nýlegri kynningu vegna fyrirhugaðrar stofnunar á 20 milljarða innviðasjóði er lagt upp með að fjölmörg tækifæri séu í fjárfestingu á innviðum á Íslandi. Það eru ekki einungis hagrænir innviðir heldur líka félagslegir.
Kjarninn 27. nóvember 2021
Bækur spila stórt hlutverk í lífi margra um jólahátíðina.
Rýnt í bækur og stjörnur
Bókahúsið er hlaðvarpsþáttur þar sem rætt er við rithöfunda og ýmsa sem koma að bókaútgáfu. Í sjötta þætti er spjallað um himingeiminn, ný skáldverk og ljóðabækur.
Kjarninn 27. nóvember 2021
Teikning af mögulegri framtíðarsýn fyrir svæði Háskóla Íslands.
Fólk og mannlíf í forgangi í framtíðarsýn Háskóla Íslands
Háskóli Ísland og Reykjavíkurborg hafa í sameiningu dregið upp mynd af svæði HÍ til framtíðar með tilliti til legu Borgarlínu. Suðurgata breytist úr hraðbraut í borgargötu og gert er ráð fyrir að bílastæði færist í miðlæg bílastæðahús.
Kjarninn 26. nóvember 2021
Unnþór Jónsson
Upplýsingaóreiða er vandamál
Kjarninn 26. nóvember 2021
Nýtt COVID-afbrigði orsakar svartan föstudag í Kauphöllinni
Fjárfestar um allan heim brugðust illa við fréttum af nýju afbrigði kórónuveirunnar í morgun. Ekkert félag á aðalmarkaði hækkaði í virði við lokun markaða, en hlutabréfaverð í Icelandair og Play lækkaði um rúm 4 prósent yfir daginn.
Kjarninn 26. nóvember 2021
Vínbúðin stefnir nú út á Granda, þar sem fjöldi stórmarkaða er staðsettur.
Vínbúðin stefnir á Fiskislóð
ÁTVR segist ætla að ganga til samninga við eigendur húsnæðis að Fiskislóð 10 á Granda um leigu á plássi undir nýja Vínbúð. Ekki er búið að taka endanlega ákvörðun um lokun Vínbúðar í Austurstræti.
Kjarninn 26. nóvember 2021
Margrethe Vestager, yfirmaður stafrænnar vegferðar Evrópusambandsins
ESB vill fjárfesta beint í nýsköpunarfyrirtækjum
Nýkynntur nýsköpunarhraðall Evrópusambandsins felur í sér stefnubreytingu í opinberri fjármögnun til tæknifyrirtækja í álfunni, en með honum getur sambandið keypt beina eignarhluti í sprotafyrirtækjum fyrir allt að 2,2 milljarða króna.
Kjarninn 26. nóvember 2021
Meira úr sama flokkiInnlent