Tón­list­ar­mað­ur­inn og leik­ar­inn Helgi Björns­son var í dag útnefndur borg­ar­lista­maður Reykja­víkur af Degi B. Egg­erts­syni borg­ar­stjóri við hátíð­lega athöfn í Höfða.

Útnefn­ing­in  er heið­ur­svið­ur­kenn­ing til lista­manns sem með list­sköpun sinni hefur skarað fram úr og markað sér­stök spor í íslensku lista­lífi og sam­fé­lagi. Helgi vakti mikla athygli með þáttum sem hann, eig­in­kona hans Vil­borg Hall­dórs­dóttir og margir helstu tón­list­ar­menn þjóð­ar­innar héldu úti kvöld­vök­unum „Heima með Helga“ í sjón­varpi Sím­ans á laug­ar­dags­kvöldum á meðan að sam­komu­bann var í gildi á Ísland­i. 

Hjálmar Sveins­son for­maður menn­ing­ar-, íþrótta- og tóm­stunda­ráðs gerði grein fyrir ein­huga vali ráðs­ins á Helga. Lista­mann­inum var veittur ágraf­inn steinn, heið­urs­skjal og við­ur­kenn­ing­ar­fé.

Hjálmar sagði Helga vel að titl­inum kom­inn. Hann hefði markað afger­andi spor í íslenskum sviðs­listum og dæg­ur­menn­ingu í hart­nær 40 ár.

Eft­ir­far­andi texti fylgdi með til­kynn­ing­unni um útnefnd­ingu Helga:

„Helgi Björns­son er fæddur á Ísa­firði 10. júlí árið 1958.  For­eldrar hans eru þau María Gísla­dóttir fyrr­ver­andi leik­skóla­kenn­ari og Björn Helga­son fyrr­ver­andi mál­ara­meist­ari, skíða­kappi og lands­liðs­maður í fót­bolta. Eig­in­kona Helga er Vil­borg Hall­dórs­dóttir leik­kona, leik­ari, leið­sögu­maður og texta­höf­undur með meiru.

Helgi hefur sjálfur sagt að hann var far­inn bæði að leika og syngja sem strákur og ákvað 10 ára að hann ætl­aði að verða popp­stjarna þegar hann yrði stór.

Við útskrift úr Leik­list­ar­skól­anum fékk Helgi tvö vinnu­til­boð: að syngja með hljóm­sveit­inni Grafík og að taka að sér hlut­verk Arn­gríms Árland í kvik­mynd­inni Atóm­stöð­in.  Hann tók báðum til­boðum og þannig hófst hans tví­skipti fer­ill, en allt frá þessu fyrsta sumri hefur hann jöfnum höndum sungið og leik­ið.

Þó svo að Helgi hafi æ síðan sinnt þessum tveimur „mús­um“ sínum jöfnum hönd­um, þá er það senni­lega rokk­ar­inn Helgi Björns sem flestir bera sterkar taugar til. Flestir Íslend­ingar geta raulað með lögum sem hann hefur sungið inn í með­vit­und okkar með Graf­ík, SSSól eða Reið­mönnum vind­anna hin síð­ari ár.  Helgi Björns­son er  rokk­ari sinnar kyn­slóð­ar, ekki síst vegna öfl­ugrar og lit­ríkrar sviðs­fram­komu – og svo vegna fra­s­ans sem eilíf­lega verður kenndur við hann: „Eru ekki allir sexý!“ 

Helgi Björns vann sig svo enn og aftur inn í hjörtu allra lands­manna með Heima-tón­leik­unum sjö sem sýndir voru beint í sjón­varpi Sím­ans á meðan sam­komu­bannið vegna Covid-19 stóð yfir . Hug­mynd­ina fékk hann þegar hann fylgd­ist með vinum sínum á Ítalíu sem sungu á svölum og streymdu örtón­leikum úr stof­unum sínum í útgöngu­banni. Öllum við­burðum sem Helgi Björns hefði átt að taka þátt í hafði verið frestað og því fannst honum upp­lagt að gera eitt­hvað á þessa leið – búa til tón­leika, nokk­urs konar sveita­balls­stemn­ingu heima í stofu og senda í stofur allra lands­manna, þjóð­inni til ómældrar skemmt­unar og gleð­i.“