Fyr­ir­tæki geta nú sótt um stuðn­ings­lán á vefnum ísland.is en þau eru hluti af við­spyrnu­að­gerðum stjórn­valda. Þetta kemur fram í til­kynn­ingu á vef Stjórn­ar­ráðs­ins. Lán­unum er ætlað að styðja við smærri og með­al­stór fyr­ir­tæki sem orðið hafa fyrir miklu tekju­falli vegna kór­ónu­veiru­far­ald­urs­ins.

Lánin geta að hámarki numið 40 millj­ónum króna. Þó geta þau ekki orðið hærri en sem nemur tíu pró­sentum af tekjum fyr­ir­tækis á síð­asta rekstr­ar­ári. Full rík­is­á­byrgð er veitt upp að 10 millj­ónum króna en 85 pró­sent umfram það.

Ýmis skil­yrði eru sett fyrir veit­ingu stuðn­ings­láns. Til að mynda þurfa tekjur lán­taka að hafa dreg­ist saman um að minnsta kosti 40 pró­sent á sam­felldu 60 daga tíma­bili frá 1. mars til 30. sept­em­ber miðað við sama tíma­bil í fyrra. Þá þurfa lán­takar að hafa haft tekjur á bil­inu níu til 1.200 millj­ónir á síð­asta rekstr­ar­ári. Þá þarf launa­kostn­aður á síð­asta ári að hafa numið tíu pró­sentum af rekstr­ar­kostn­að­i. 

Lán­tak­andi stuðn­ings­láns má ekki hafa greitt út arð eða óum­samda kaupauka, keypt eigin hluta­bréf, greitt af víkj­andi láni eða veitt nákomnum aðilum lán frá 1. mars 2020. Þá mega lán­tak­endur ekki vera í van­skilum við lána­stofnun sem hafa staðið lengur í 90 daga né í van­skilum með opin­ber gjöld.

Stjórn­völd hafa samið við Arion banka, Íslands­banka, Kviku, Lands­bank­ann og Spari­sjóð­ina um fram­kvæmd lán­anna. Í til­kynn­ing­unni kemur fram að umsóknir skulu ber­ast inn á ísland.is en fyr­ir­tækin fá lánin afgreidd hjá sínum við­skipta­banka. Lána­stofn­unum er heim­ilt að veita stuðn­ings­lán til árs­loka 2020.